ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា មានគ្រោះថ្នាក់ចរាចរណ៍មួយបានកើតឡើងរវាងម៉ូតូ និងគោយន្តកន្ត្រៃ កាលពីម៉ោង១៩និង៤៥យប់ ថ្ងៃទី១៧ ខែធ្នូនេះ នៅតាមផ្លូវគ្រួសក្រហមចំការដូងប្រេង ស្ថិតក្នុងភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ ។
សេចក្តីរាយការណ៍បន្តថា រវាងម៉ូតូសេ១២៥ ពណ៌ខ្មៅ ពាក់ផ្លាកលេខព្រះសីហនុ1G- 8077 ជិះគ្នាពីរនាក់ បើកបរដោយឈ្មោះ ចាន់ សរ ភេទប្រុស អាយុ៥៧ឆ្នាំ មុខបរបរធ្វើចំការ មានទីលំនៅភូមិអន្លង់ក្រពើ ឃុំតានៃស្រុកព្រៃនប់ ខេត្តព្រះសីហនុ (របួសស្រាល) ដែលក្នុងទិសដៅពីលិចទៅកើត ។
ចំណែកអ្នករួមដំណើរឈ្មោះ មាស ពៅ ភេទប្រុស អាយុ៥៩ឆ្នាំ មុខបរបរសមាជិកភូមិអន្លង់ក្រពើ មានទីលំនៅភូមិជាមួយគ្នា របួសធ្ងន់ (បាក់ជើងឆ្វេង) បានបុកជាមួយគោយន្តកន្ត្រៃមិនស្គាល់ភិនភាគ (រត់គេចបាត់) ក្នុងទិសដៅបញ្ច្រាសគ្នា ។ ដោយឡែកជនរងគ្រោះត្រូវបានរថយន្តសង្គ្រោះក្រុមហ៊ុនដូងប្រេង និងក្រុមគ្រួសារបញ្ជូនទៅមន្ទីរពេទ្យភ្នំពេញផងដែរ ៕
ចែករំលែកព័តមាននេះ