ប្រសិនបើលោកអ្នកចង់ធ្វើដំណើរកម្សាន្តទៅកាន់តំបន់អឺរ៉ុបដែលនាំចិត្តឱ្យសប្បាយប្លែកអារម្មណ៍ជាមួយភាពអធិកអធម សំឡេងច្រៀងហ៊ោញ្ជ្រៀវសប្បាយអឺងកងនោះ លោកអ្នកគួរតែសាកល្បងមួយពេលធ្វើដំណើរទៅកាន់ប្រទេសប៊ែលហ្សិកនាចុងនិទាឃៈរដូវនេះ ព្រោះទីនោះមានការប្រគំតន្ត្រីយ៉ាងធំហៅថា Rock Werchter ។ ការប្រគំតន្ត្រី Rock Werchter នៅប្រទេសប៊ែលហ្សិក នេះ ចាប់ផ្តើមឡើងពីថ្ងៃទី២៨ មិថុនា ដល់ថ្ងៃទី១ កក្កដា ហើយព្រឹត្តិការណ៍នេះបានទទួលពានរង្វាន់ Athur Award ក្នុងលំដាប់ជាបុណ្យតន្ត្រីដ៏ពិសេសបំផុតរបស់ទ្វីបអឺរ៉ុប ពីគណៈកម្មាធិការនៃការប្រគំតន្ត្រីផ្សាយផ្ទាល់អន្តរជាតិ (IMLC) ជាច្រើនដងក្នុងរយៈពេលប៉ុន្មានឆ្នាំមកនេះ។
គួររំលឹកថា Rock Werchter គឺជាពិធីបុណ្យប្រគំតន្ត្រីរ៉ក់នៃប្រទេសប៊ែលហ្សិកដ៏ធំមួយប្រចាំឆ្នាំរៀបចំឡើងនៅក្នុងភូមិមួយនៃតំបន់ Werchter ជិតទីក្រុង Leuven ដែលមានប្រវត្តិចាប់តាំងពីឆ្នាំ១៩៧៦ មកេម៉្លះ វាគឺជាព្រឹត្តិការណ៍ធំមួយចំណោមព្រឹត្តិការណ៍ធំៗជាងគេ៥នៃការប្រគំតន្ត្រី Rock ប្រចាំឆ្នាំនៅក្នុងទ្វីបអឺរ៉ុបដែលពិធីធំៗផ្សេងទៀតមានដូចជា មហោស្រព Sziget, មហោស្រព Glastonbury និងមហោស្រព Roskilde ជាដើម ។
ពិធីបុណ្យនេះកាលពីឆ្នាំ២០០៣ ឆ្នាំ២០០៥ ឆ្នាំ២០០៦ ឆ្នាំ២០០៧ និងឆ្នាំ២០១២ បានទទួលពានរង្វាន់ Arthur ជាពិធីបុណ្យប្រគំតន្ត្រីរ៉ក់ដ៏ល្អបំផុតនៅក្នុងពិភពលោកពីគណៈកម្មាធិការផ្សាយផ្ទាល់អន្តរជាតិ (ILMC) ដោយកម្មវិធី Rock Werchter នេះបានស្រូបទាញភ្ញៀវចូលរួមរហូតដល់៨៥.០០០នាក់ និងហូរចូលបន្ថែម៦៧.០០០នាក់ជារៀងរាល់ថ្ងៃ រហូតដល់៤ថ្ងៃជាប់ៗគ្នាកើនឡើងដល់១៨០.០០០នាក់ ។
ចូលដល់រដូវរបស់វា គឺពីថ្ងៃទី២៨ មិថុនា ដល់ទី១ កក្កដា ពិធី Rock Werchter និងចាប់បើកដំណើរការរៀងរាល់ព្រឹកម៉ោង៨ ប៉ុន្តែដោយសារភ្ញៀវមានកំណើនខ្លាំងពេក អ្នករៀបចំកម្មវិធីក៏បង្ខំចិត្តរុះរើរោងកម្មវិធីទៅដាក់តាមទីសាធារណៈ៣កន្លែងផ្សេងទៀត សរុបទាំងអស់៤កន្លែង មានទីតាំងស្ថិតនៅតាមបណ្តោយផ្លូវច្រកចូលសំខាន់ៗក្នុងតំបន់ Werchter, តំបន់ Haacht, តំបន់ Aarschot និងតំបន់ Leuven ដែលមានចម្ងាយពីគ្នាពី១ទៅ៣គីឡូម៉ែត្រ និងមានទំហំធំទូលាយ ដើម្បីអាចបើកដំណើរការបានពេញ២៤ម៉ោង ៕
ចែករំលែកព័តមាននេះ