រាជធានីភ្នំពេញ ៖ ស្ត្រីម្នាក់ត្រូវបានកម្លាំងអន្តរាគមន៍ខណ្ឌមានជ័យធ្វើការស្ទាក់ចាប់ក្នុងមូលដ្ឋាន ព្រោះសង្ស័យ និងឆែកឆេរក៏ឃើញមានថ្នាំញៀន តែក្លែងក្លាយ (សាច់ជូ)ចំនួន៤៥កញ្ចប់តូច និងមួយកញ្ចប់ធំ ក៏ចាប់ប្រគល់ទៅឱ្យខាងប៉ុស្តិ៍នគរបាលរដ្ឋបាលចាក់អង្រែលើចាត់ការបន្ត ។…
រាជធានីភ្នំពេញ ៖ ស្ត្រីម្នាក់ត្រូវបានកម្លាំងអន្តរាគមន៍ខណ្ឌមានជ័យធ្វើការស្ទាក់ចាប់ក្នុងមូលដ្ឋាន ព្រោះសង្ស័យ និងឆែកឆេរក៏ឃើញមានថ្នាំញៀន តែក្លែងក្លាយ (សាច់ជូ)ចំនួន៤៥កញ្ចប់តូច និងមួយកញ្ចប់ធំ ក៏ចាប់ប្រគល់ទៅឱ្យខាងប៉ុស្តិ៍នគរបាលរដ្ឋបាលចាក់អង្រែលើចាត់ការបន្ត ។
ការឃាត់ខ្លួនធ ធ្វើឡើងកាលពីវេលាម៉ោង១១ និង៣០នាទីយប់ថ្ងៃទី១៧ ធ្នូ ស្ថិតនៅតាមបណ្ដោយផ្លូវ60ម៉ែត្រ ត្រង់ចំណុចសំណង់មិនរៀបរយ សង្កាត់ចាក់អង្រែលើ ខណ្ឌមានជ័យ ។
ស្ត្រីសង្ស័យខាងលើ ឈ្មោះស៊ីណា អាយុ២៦ឆ្នាំ មុខរបរនិងស្នាក់នៅមិនពិតប្រាកដ (ជាជនដើរអនាថា)។ប្រភពពីកម្លាំងសមត្ថកិច្ចខណ្ឌមានជ័យបានប្រាប់ថា មុនកើតហេតុ កម្លាំងអន្តរាគមន៍ ខណ្ឌមានជ័យបានធ្វើការល្បាតពួនស្ទាក់ក្នុងមូលដ្ឋាន ដើម្បីទប់ស្កាត់រាល់បទល្មើសផ្សេងៗដែលកើតឡើង ។
ខណៈពេលល្បាតទៅដល់ចំណុចកើតហេតុ ក៏ប្រទះឃើញនារីម្នាក់មានស្ពាយកាបូបតូចដើរតែម្នាក់ឯង តាមបណ្ដោយផ្លូវ60ម៉ែត្រ ។ ភ្លាមៗនោះ ពេលឃើញកម្លាំងសមត្ថកិច្ច នារីនោះបម្រុងនឹងរត់គេចខ្លួន សង្ស័យក៏ឃាត់ខ្លួនតែម្តង ។
បន្ទាប់ពីសាកសួរនាំនៅប៉ុស្តិ៍នគរបាលចាក់អង្រែលើទើបដឹងថា នារីខាងលើជាជនអនាថា ហើយថ្នាំញៀនដែរនាងរក្សាទុកនោះ ក្រោយពីពិនិត្យគឺសុទ្ធជាថ្នាំក្លែងក្លាយ គឺនាងយកសាច់ជូមកដំអោយម៉ត់ ហើយលាយម្សៅមី បន្លំជាម៉ាទឹកកកដើម្បីបោកបញ្ឆោតគេលក់មួយកញ្ចប់ក្នុងតម្លៃ១ម៉ឺនរៀល ។
ចែករំលែកព័តមាននេះ