ខេត្តស្វាយរៀង ៖ ភ្លៀងខ្យល់កន្ត្រាក់ បណ្តាលឱ្យរលំ និងរបើកដំបូលផ្ទះអស់៧ខ្នងផ្ទះកាលពីវេលាម៉ោង៦និង៣០នាទីល្ងាចថ្ងៃទី១៥ ធ្នូ ២០១៨ នៅភូមិធ្លក និងភូមិក្រោលគោ ស្ថិតក្នុងឃុំក្រោលគោ ស្រុកស្វាយជ្រំ។
ម្ចាស់ផ្ទះរងគ្រោះខាងលើ រួមមាន ១-ប្តីឈ្មោះ ខឹម វឹង និងប្រពន្ធឈ្មោះស៊ូ សាវឿន រស់នៅភូមិក្រោលគោ ជាប្រភែទ ផ្ទះផ្សារដែក បានរងការខូចខាតរបើកដំបូលទាំងស្រុង ២-ប្តីឈ្មោះ ហែម សាវ៉ាត និងប្រពន្ធឈ្មោះតូច សារ៉ាន នៅភូមិក្រោលគោ បានរងការខូចខាតរបើកដំបូលផ្ទះខាងមុខ ៣-ប្តីឈ្មោះ កែវ សាវ៉ាន និងប្រពន្ធឈ្មោះឡុក សុខខារ៉ា បានរងការខូចខាតរបើកដំបូលផ្ទះខាងមុខ ៤-ឈ្មោះ អ៊ុ សុភី រស់នៅក្នុងទីស្នាក់ការប្រជាការពារភូមិក្រោលគោ បានរងការខូចខាតរលំប៉ើងដួលប្រហែល១០ម៉ែត្រ ។
៥-ប្តីឈ្មោះ មុំ សាម៉ែល និងប្រពន្ធឈ្មោះឯម សុគន្ធារី រស់នៅភូមិធ្លក បានរងការខូចខាតប៉ើងដំបូលផ្ទះខាងមុខ ៦-ប្តីឈ្មោះ ពត សាមឿន និងប្រពន្ធឈ្មោះចិត្ត សាភឿន រស់នៅភូមិធ្លក បានរងការខូចខាតប៉ើងដំបូល និង៧-លោកយាយឈ្មោះ ភោគ នាង រស់នៅជាមួយចៅក្នុងភូមិធ្លក បានរងការខូចខាតប៉ើងដំបូលផ្ទះ ។
ក្រោយពីខ្យល់កន្ត្រាក់បណ្តាលឱ្យរបើកដំបូលផ្ទះរបស់ប្រជាពលរដ្ឋរួចមក មន្ត្រីអនុសាខាកាកបាទក្រហមកម្ពុជាស្រុកស្វាយជ្រំ និងអាជ្ញាធរឃុំបានចុះទៅសួរសុខទុក្ខ និងនាំអំណោយយកទៅចែកជូនគ្រួសាររងគ្រោះទាំង៧គ្រួសារផងដែរ៕
ចែករំលែកព័តមាននេះ