ប្រទេសថៃ ៖ ព្រឹត្តិការណ៍ប្រកួតកីឡាកាយវប្បកម្មជ្រើសរើសជើងឯកពិភពលោកលើកទី១០ នៅប្រទេសថៃ បានបញ្ចប់ហើយកាលពីល្ងាចថ្ងៃសៅរ៍ទី១៥ ធ្នូ សម្រាប់វិញ្ញាសាដែលមានកីឡាករកម្ពុជាទៅចូលរួមប្រកួត ខណៈដែលវិញ្ញាសាផ្សេងទៀតនៅបន្តរហូតដល់ថ្ងៃនេះ(១៧ ធ្នូ ២០១៨)។
កម្ពុជា បានបញ្ជូនកីឡាករកាយវប្បកម្ម៥រូបទៅចូលរួមប្រកួតលើវិញ្ញាសា៥ប្រភេទផ្សេងគ្នាគឺ វិញ្ញាសា Men Bodybuilding Up To 80kg វិញ្ញាសាMen Sports Physique Up to 175 cm – 100 វិញ្ញាសាMen Athletic Physique Up to 175 cm (+6 kg) វិញ្ញាសា Men Athletic Physique Up To 167 cm (+4 kg)។
ក្នុងចំណោមកីឡាករទាំង៥រូបដែលសុទ្ធតែបានជាប់ក្នុងវគ្គជម្រុះ Top 5 កីឡាករ សំបូរ សុភ័ណ្ឌ ដែលប្រកួតក្នុងវិញ្ញាសា Men Sports Physique Up to 170 cm-102 ទទួលបានមេដាយមាស រីឯកីឡាករ ៤ រូបទៀតមិនទទួលបានមេដាយទេ។
គួរជម្រាបជូនថា កម្មវិធីប្រកួតជើងឯកកីឡាកាយវប្បកម្មពិភពលោកលើកទី១០ប្រចាំឆ្នាំ២០១៨នេះធ្វើឡើងនៅទីក្រុងឈៀងម៉ៃ ប្រទេសថៃ ចាប់ពីថ្ងៃទី១១ ដល់ថ្ងៃទី១៧ ខែធ្នូ ឆ្នាំ២០១៨ ដែលមានកីឡាករ កីឡាការិនីចូលរួមប្រកួតចំនួន៣៣៥នាក់មកពី៥១ប្រទេសលើ៥១វិញ្ញាសា និងមានចៅក្រម៥១នាក់ ដោយឡែកវិញ្ញាសាសម្រាប់កម្ពុជាគឺចប់ត្រឹមថ្ងៃម្សិលមិញនេះ៕
ចែករំលែកព័តមាននេះ