ផ្ទុះឆេះក្នុងភោជនីយដ្ឋានមួយ របួស៤២នាក់ (មានវីដេអូ)
ប្រទេសជប៉ុន ៖ យោងតាមទីភ្នាក់ងារព័ត៌មានជប៉ុនក្យូដូ និងទូរទស្សន៍រដ្ឋ NHK ថា មនុស្ស៤២នាក់រងរបួស កាលពីយប់ថ្ងៃទី១៦ ធ្នូ ដោយសារការផ្ទុះឆេះ…
ប្រទេសជប៉ុន ៖ យោងតាមទីភ្នាក់ងារព័ត៌មានជប៉ុនក្យូដូ និងទូរទស្សន៍រដ្ឋ NHK ថា មនុស្ស៤២នាក់រងរបួស កាលពីយប់ថ្ងៃទី១៦ ធ្នូ ដោយសារការផ្ទុះឆេះ ក្នុងភោជនីយដ្ឋានមួយនាទីក្រុង SAPPORO លើកោះហុកកៃដូនាភាគខាងជើងជប៉ុន។
អ្នកទទួលខុសត្រូវម្នាក់នៃប៉ូលិសតំបន់ហុកកៃដូ និយាយថា មានមនុស្ស៤២នាក់រងរបួស ក្នុងនោះម្នាក់របួសធ្ងន់។ បណ្ដារូបភាពបង្ហាញគំនរនៃការបាក់បែកដែលមានភ្លើងឆេះរោល រួមទាំងផ្សែងខ្មៅ ព្រមទាំងសកម្មភាពរបស់ពួកអ្នកពន្លត់ភ្លើង។ អាជ្ញាធរបានបើកការស៊ើបអង្កេតមួយ លើមូលហេតុនៃការផ្ទុះ។
ការផ្ទុះដែលបណ្ដាលឲ្យមានភ្លើងឆាបឆេះ និងការបាក់បណ្ដាអគារដែលនៅក្បែរ កើតមាននាវេលាម៉ោង២០និង៣០នាទីម៉ោងក្នុងស្រុក។ សាក្សីទាំងឡាយនិយាយថា បានស្ដាប់ឮស្នូរផ្ទុះយ៉ាងខ្លាំង ហើយមានអារម្មណ៍ថា ដូចការញ័ររញ្ជួយដីមួយ។
ការផ្ទុះនាំឲ្យមានភ្លើងឆាបឆេះ ហើយកញ្ចក់ហាងព្រមទាំងកញ្ចក់អគារដែលនៅជុំវិញត្រូវបែក។ ប៉ូលិសបានណែនាំដល់ប្រជាជននៃសង្កាត់មានការផ្ទុះ កុំឲ្យទៅជិតកន្លែងនោះ ព្រោះខ្លាចមានការផ្ទុះផ្សេងទៀត៕ វីដេអូដកស្រង់ចេញពី ៖ Le Huffington Post
ចែករំលែកព័តមាននេះ