ខេត្តកំពង់ចាម ៖ ដោយអនុវត្តន៍តាមការណែនាំរបស់លោក គួច ចំរើន អភិបាលនៃគណៈអភិបាលខេត្តកម្លាំងជលផលខេត្តបានសហការជាមួយនឹងគណៈបញ្ជាការឯកភាពស្រុកកងមាស ស្រុកព្រៃឈរ មានកម្លាំងជាច្រើននាក់បានចុះបង្ក្រាបទល្មើសនេសាទ នៅតាមព្រែក និងបានដុតបំផ្លាញចោលព្រមទាំងបានចាក់លែងកូនត្រី ទៅក្នុងបឹងធម្មជាតិវិញជាច្រើនគីឡូក្រាម ។
លោក អ៊ុក ណារិន នាយខណ្ឌរដ្ឋបាលជលផលខេត្តបានឲ្យដឹងថា ប្រតិបត្តិការខាងលើបានធ្វើឡើង
នៅថ្ងៃទី១៦ ធ្នូ ២០១៨ ក្នុងជំហានទីបានចុះមកកាន់ឃុំព្រែក្របៅ ស្រុកកងមាស សហការជាមួយនឹង
ប៉ុស្តិ៍រដ្ឋបាលមូលដ្ឋានបានចុះបង្ក្រាបបទល្មើសនេសាទបានធ្វើឡើងបន្តបន្ទាប់ចំនួន៤ករណី ដោយបា
នរឹបអូសបានឧបករណ៍នេសាទជាច្រើន ។
លោកអ៊ុក ណារិន នាយខណ្ឌបន្តថា សម្រាប់គោលដៅទី១ ចុះមកកាន់ត្រង់ចំណុចស្ពានពោធិសាលារុះរើរបាំងជិតព្រែកមួយកន្លែងរបាំងព្រួល ប្រវែង២០ម៉ែត្រ បង្គោលចម្រឹងចំនួន៥៦ដើម លបរ៉ាវចំនួន០២គ្រឿង ចាក់លែងកូនត្រីចម្រុះទង្ងន់៥គីឡូក្រាម ២- ចំណុចព្រែក្អែក ក្នុងឃុំព្រែកក្របៅ ដោយបានរុះរើរបាំងផ្ចិតព្រែកចំនួន០៣កន្លែង របាំងព្រួលប្រវែង៣៥ម៉ែត្រ បង្គោលចម្រឹង៧៥ដើម លបរ៉ាវចំនួន០៥គ្រឿង ចាក់លែងកូនត្រីចម្រុះ៦គីឡូក្រាម ចំនុចទី៣- ត្រង់មាត់បឹងច្រកែងទួយ ឃុំព្រែក្របៅ រុះរើរបាំង ផ្ចិតព្រែកចំនួន០៣កន្លែង របាំងព្រួលប្រវែង៣២ម៉ែត្រ បង្គោលចម្រឹងចំនួន៧២ដើម លបរ៉ាវចំនួន០៦គ្រឿង ចាក់លែកូនត្រីទង្ងន់១០គីឡូក្រាម ទី៤ -ចំណុចគោដេក ក្នុងភូមិពាមក្នុង ឃុំព្រែក្របៅ ដាយអួនទំហំ២០គុណ ២,៥ម៉ែត្រ គុណ៤០ម៉ែត្រ ចំនួន០១មាត់ ដាយសាច់អួនទំហំ៤ម៉ែត្រ គុណ២ម៉ែត្រគុណ១៥ម៉ែត្រ០១មាត់ ។
លោក អ៊ុក ណារិន នាយខណ្ឌរដ្ឋបាលជលផលខេត្តបញ្ជាក់ថា បន្ទាប់មកទៀតបានសហការជាមួយនឹង
លោក ឡោ ចាន់លី អភិបាលនៃគណៈអភិបាលស្រុកព្រៃឈរ រួមនឹងសហគមន៍នេសាទសាមគ្គីឃុំមៀន
ដោយមានបញ្ជាពីលោក ហួត វុទ្ធី ព្រះរាជអាជ្ញាអមសាលាដំបូងខេត្ត ។
ដោយបានសម្រេចដុតបំផ្លាញចោលនូវវត្ថុតាងនៅនឹងកន្លែងរួមមានដូចជា លូស្បៃមុងចំនួន២២មាត់ របាំងស្បៃមុងប្រវែង១.១០០ម៉ែត្របង្គោលចម្រឹងឫស្សីចំនួន៣៣០ដើម ចាក់លែងកូនត្រីចម្រុះទង្ងន់៣៣គីឡូក្រាម ត្រង់ចំណុចរលំពោធិឃុំមៀន ស្រុកព្រៃឈរ ដោយរបស់នេសាទល្មើសច្បាប់មិនមានអ្នកណាចេញមុខឡើយ ។ រូបលោកបានសំណូមពរដល់ពលរដ្ឋសូមមានការភ្ញាក់រលឹក មេត្តាប្រើប្រាស់នូវឧបករណ៍នេសាទស្របច្បាប់ ដើម្បីឲ្យត្រីសំបូរនៅតាមបឹងបួរនានា ៕
ចែករំលែកព័តមាននេះ