ខេត្តកំពង់ចាម ៖ ក្រោមការផ្តួចផ្តើមរបស់លោក គួច ចំរើន អភិបាលខេត្តដោយបានអញ្ចើញចុះមកពិនិត្យដោយផ្ទាល់ផ្លូវចាប់ពីភូមិ៥៦មកកាន់ផ្សារបែកអន្លូង ឃុំអារក្សត្នោត ស្រុកស្ទឹងត្រង់ ដែលជាប្រភេទផ្លូវដីក្រាលគ្រួសក្រហម និងសំបូរជង្ហុកតូចធំពិបាកធ្វើដំណើរមានប្រវែងជាង៧០០០ម៉ែត្រ…
ខេត្តកំពង់ចាម ៖ ក្រោមការផ្តួចផ្តើមរបស់លោក គួច ចំរើន អភិបាលខេត្តដោយបានអញ្ចើញចុះមកពិនិត្យដោយផ្ទាល់ផ្លូវចាប់ពីភូមិ៥៦មកកាន់ផ្សារបែកអន្លូង ឃុំអារក្សត្នោត ស្រុកស្ទឹងត្រង់ ដែលជាប្រភេទផ្លូវដីក្រាលគ្រួសក្រហម និងសំបូរជង្ហុកតូចធំពិបាកធ្វើដំណើរមានប្រវែងជាង៧០០០ម៉ែត្រ ក៏បានប្រែក្លាយទៅជាផ្លូវកៅស៊ូបានសំរេចស្ទើរតែទាំងស្រុងហើយ នៅសល់តែប្រមាណ២០០០ម៉ែត្រប៉ុណ្ណោះ ។
លោកតាអាចារ្យ សេក ផែង អាយុ៧៥ឆ្នាំ ចាស់ទុំរស់នៅភូមិ-ឃុំខាងលើ មានប្រសាសន៏ឲ្យដឹងនៅរសៀលថ្ងៃទី១៥ ធ្នូ ថា ផ្លូវកាត់តាមមុខផ្សារបែកអន្លូងជាប្រភេទផ្លូវដីក្រាលក្រួសក្រហមដោយនៅក្នុងរដូវវស្សាបែកភក់ ហើយនៅរដូវប្រាំងវិញហុយដែលពិបាកនឹងធ្វើដំណើរដោយសារតែមានការលំបាកបែបនេះ គាត់ក្នុងនាមជាចាស់ទុំក្នុងភូមិបានចលនាដោយរៃបច្ច័យ បានលុយច្រើនបន្តិចទៅទិញដីយកមកចាក់តាមកន្លែង ក្រហេងក្រហូងឲ្យរាបស្មើដូចដើមតែមិនធន់នឹងរថយន្តដឹកធ្ងន់។
លោកតាអាចារ្យ សេក ផែង មានប្រសាសន៏បន្តថា ផ្លូវដែលបានចាក់មិនបានប៉ុន្មានក៏ខូចទៅវិញដោយសារតែមានរថយន្តធំៗដឹកដើមកៅស៊ូ ស្វាយចន្ទី បើកកាត់ទៅវិញទៅមកមិនបានប៉ុន្មានក៏ខូច ។ ក្រោយមកទៀតគាត់បានឃើញអាជ្ញាធរគ្រប់លំដាប់ថ្នាក់បានរៀបជួសជុលផ្លូវដោយបានចាក់កៅស៊ូដែលមានប្រវែងច្រើនគីឡូម៉ែត្រពីផ្នែកខាងក្រៅចូលមកដល់តំបន់ផ្សារបែកអន្លូង ។
ហើយដោយឡែក ផ្លូវដីនៅមុខផ្សារត្រូវបានគ្រឿងចក្រកំពុងតែឈូសឆាយដី និងកិនពង្រាបឲ្យហាប់ណែទៅតាមបច្ចេកទេសត្រៀមនឹងចាក់កៅស៊ូបន្ថែម ។ ហើយក្នុងពេលអនាគតដ៏ខាងខ្លីខាងមុខផ្លូវនឹងធ្វើរួចរាល់ ក្នុងនាមតំណាងឲ្យប្រជាពលរដ្ឋក្នុងភូមិបែកអន្លូងទាំងមូល មានក្តីសប្បាយរីករាយនូវសមិទ្ធិផលខាងលើនេះ ។
លោក រស់ វីរ៉េត មេឃុំអារក្សត្នោតវិញមានប្រសាសន៏ឲ្យដឹងដែរថា ដំបូងផ្លូវចាប់ពីក្រុមហ៊ុនចំការកៅស៊ូ បឹងកេតតាភ្ជាប់មកដល់ភូមិបែកអន្លូង ជាប្រភេទផ្លូវដីក្រាលក្រួសក្រហមដោយក្នុងរដូវវស្សាបែកភក់ ហើយរអិលពិបាកនឹងជិះកង់ម៉ូតូ ។ ក្រោយមកក្នុងឆ្នាំ២០១៧ លោក គួច ចំរើន អភិបាលនៃ គណៈអភិបាលខេត្ត បានអញ្ចើញមកពិនិត្យដោយផ្ទាល់ នឹងបានឲ្យកម្លាំងរបស់ស្ថាប័នជំនាញខាងផ្លូវ នាំយកគ្រឿងចក្រមកឈូសឆាយពង្រីកធ្វើផ្លូវ ចាប់ពីត្រង់ចំនុចផ្លូវបំបែកជាបួនទៅឃុំពាមកោះស្នារមកដល់ភូមិបែកអន្លូង ។
ដោយក្រាលកៅស៊ូនបានប្រវែង៤៥០០ម៉ែត្រហើយកាលពីថ្ងៃទី១១ ធ្នូ លោកអភិបាលខេត្ត បានចុះមកផ្ទាល់ដល់ចំការធុរ៉េនរបស់ប្រជាកសិករ និងបានសន្យាផ្តល់ផ្លូវក្រាលកៅស៊ូបន្ថែម២០០០ម៉ែត្រ កាត់តាមមុខផ្សារបែកអន្លូង ដោយគ្រឿងចក្រកំពុងតែបានឈូសឆាយកិនបង្ហាប់ឲ្យរលោងដើម្បីត្រៀមចាក់កៅស៊ូងាយស្រួលដល់កសិករដឹកកសិផល ៕
ចែករំលែកព័តមាននេះ