ប្រយោជន៍អ្វីនឹងចង់យកឈ្នះមនុស្សជាតិគ្នាឯងនោះ បើយើងទាំងអស់គ្នាសុទ្ធតែជាអ្នកចាញ់ដូចគ្នាសោះនឹង គឺចាញ់ដៃមច្ចុរាជ ។ ដូចនេះសូមមនុស្សលោកឈប់ឈ្លោះទាស់ទែងគ្នា ឈប់បៀតបៀនគ្នា ឈប់ចងគំនុំឈប់ឈ្នានីស ហើយនាំគ្នាងាកមកស្តាប់ពុទ្ធឱវាទវិញដើម្បីរត់ចេញអំពីអំណាចមច្ចុរាជនិងបានទៅកាន់ទីបរមសុខទើបអស់ទុក្ខ ។ យើងមិនគួរចំណាយពេលវេលាទៅប្រព្រឹត្តក្នុងការងារឥតប្រយោជន៍ឡើយ…
ប្រយោជន៍អ្វីនឹងចង់យកឈ្នះមនុស្សជាតិគ្នាឯងនោះ បើយើងទាំងអស់គ្នាសុទ្ធតែជាអ្នកចាញ់ដូចគ្នាសោះនឹង គឺចាញ់ដៃមច្ចុរាជ ។ ដូចនេះសូមមនុស្សលោកឈប់ឈ្លោះទាស់ទែងគ្នា ឈប់បៀតបៀនគ្នា ឈប់ចងគំនុំឈប់ឈ្នានីស ហើយនាំគ្នាងាកមកស្តាប់ពុទ្ធឱវាទវិញដើម្បីរត់ចេញអំពីអំណាចមច្ចុរាជនិងបានទៅកាន់ទីបរមសុខទើបអស់ទុក្ខ ។
យើងមិនគួរចំណាយពេលវេលាទៅប្រព្រឹត្តក្នុងការងារឥតប្រយោជន៍ឡើយ បើទោះជាបានឈ្នះគេនៅលើលោកនេះក្តី ក៏មច្ចុរាជមិនទុកជីវិតឱ្យដែរ លុះដល់ពេលវេលាហើយកាលណាមច្ចុរាជនឹងមកអូសកយកទៅភ្លាម ។
ដូចនេះសប្បុរសដែលបានដឹងច្បាស់ហើយ លោកមិនបង្អែបង្អង់ទេ លោកនឹងចៀសចេញទៅឆ្ងាយដោយការប្រព្រឹត្តតែអំពើមនុស្សធម៌ដើម្បីចេញចាកភពបី ទើបផុតទុក្ខអស់ភ័យក្នុងវាលវដ្តសង្សារនេះ។
សូមមនុស្សប្រុសស្រីកុំបំភ្លេចការពិតនៃជីវិតរបស់ខ្លួនឯងចោលឱ្យសោះ ព្រោះការពិតវានៅតែជាការពិតគ្រប់គ្រា គ្រប់ខណៈ គ្រប់វេលា ហើយការពិតនេះ វាអាចជួយដោះស្រាយបញ្ហាចំពោះបុគ្គលណាដែលបានដឹងការពិតនៃជីវិតនេះ គឺដោះស្រាយគ្រប់បញ្ហាទាំងអស់ រួមទាំងបញ្ហា ជាតិ ជរា ព្យាធិ មរណៈផងដែរ ។
នេះជាបញ្ហាធំដែលសត្វលោកគួរព្យាយាមចៀសឱ្យផុត គេចឱ្យរួចពីភពទាំងនេះទើបបានសុខទៅហោង ។
ចែករំលែកព័តមាននេះ