ខេត្តបន្ទាយមានជ័យ ៖ ស្រូវប្រហែលជា២ហិកតាត្រូវបានអគ្គីភ័យឆាបឆេះ បង្កឲ្យមានការភ្ញាក់ផ្អើលបានកើតឡើងកាលពីវេលាម៉ោង១២និង៣០នាទីថ្ងៃត្រង់ថ្ងៃទី១៦ ខែធ្នូ ឆ្នាំ២០១៨ នៅចំណុចខាងត្បូងផ្លូវរថភ្លើង១០២០០ម៉ែត្រ ស្ថិតក្នុងភូមិណាកាឆាយ ឃុំកូប ស្រុកអូរជ្រៅ…
ខេត្តបន្ទាយមានជ័យ ៖ ស្រូវប្រហែលជា២ហិកតាត្រូវបានអគ្គីភ័យឆាបឆេះ បង្កឲ្យមានការភ្ញាក់ផ្អើលបានកើតឡើងកាលពីវេលាម៉ោង១២និង៣០នាទីថ្ងៃត្រង់ថ្ងៃទី១៦ ខែធ្នូ ឆ្នាំ២០១៨ នៅចំណុចខាងត្បូងផ្លូវរថភ្លើង១០២០០ម៉ែត្រ ស្ថិតក្នុងភូមិណាកាឆាយ ឃុំកូប ស្រុកអូរជ្រៅ ខេត្តបន្ទាយមានជ័យ។
នៅក្នុងហេតុការណ៍នោះដែរ កងកម្លាំងនគរបាលស្រុកអូរជ្រៅដឹកនាំដោយលោកវរសេនីយ៍ត្រី អុឹម សារ៉ាត់ អធិការរងទទួលសេនាធិការដ្ឋាន និងលោកអនុសេនីយ៍ឯក រី សារ៉េត អធិការរងទទួលកិច្ចការប៉ុស្តិ៍បានដឹកនាំកម្លាំងជំនាញនិងកម្លាំងប៉ុស្តិ៍រដ្ឋបាលកូប និងកម្លាំងប្រជាការពាររួមជាមួយប្រជាពលរដ្ឋ ចុះជួយធ្វើអន្តរាគមន៍ពន្លត់។
តាមការឲ្យដឹងពីលោកវរសេនីយ៍ទោ សែស វិបុល អធិការនគរបាលស្រុកអូរជ្រៅ បានឲ្យដឹងថា៖ ម្ចាស់ស្រូវដែលរងការខូចខាតដោយសារអគ្គីភ័យនេះមានចំនួន៤នាក់ គឺ១-ឈ្មោះម្ចាស់ លឹមយ៉ៃ ភេទស្រី អាយុ៦៦ឆ្នាំ រស់នៅភូមិខៃដន ឃុំកូប ស្រុកអូរជ្រៅ ខេត្តបន្ទាយមានជ័យ ២-ឈ្មោះ សើន សុភ័ក្ត្រ ភេទប្រុស អាយុ៣៤ឆ្នាំ រស់នៅភូមិអូរជ្រៅ ឃុំកូប ស្រុកអូរជ្រៅ ខេត្តបន្ទាយមានជ័យ ៣- ឈ្មោះ ខឿន រ៉ាឌី ភេទប្រុស អាយុ២៦ឆ្នាំ រស់នៅភូមិអូរជ្រៅ ឃុំកូប ស្រុកអូរជ្រៅ ខេត្តបន្ទាយមានជ័យនិង៤-ម្ចាស់ឈ្មោះ ឆែម រី ភេទប្រុស អាយុ៣៦ឆ្នាំ រស់នៅភូមិអូរជ្រៅ ឃុំកូប ស្រុកអូរជ្រៅ ខេត្តបន្ទាយមានជ័យ ។
លោកអធិការ បានបញ្ជាក់ងថា តាមការសាកសួរព័ត៌មានបានឱ្យដឹងថា មុនពេលកើតហេតុ មានក្រុមក្មេងឃ្វាលគោបាននាំគ្នាបង្កាត់ភ្លើងដុតខ្យង និងត្រី ហើយពន្លត់មិនអស់ បណ្តាលអោយភ្លើងរាលដាលឆេះស្រូវតែម្តង។
ជាមួយគ្នានោះដែរ លោកអធិការបានផ្តាំផ្តើដល់ប្រជាពលរដ្ឋ ត្រូវតែណែនាំកូនចៅកុំឲ្យមានការដុតភ្លើងនៅវាលស្រែនាំឲ្យមានភ្លើងឆាបឆេះ បង្កឲ្យរងការខូចខាតទ្រព្បសម្បត្តិរបស់អ្នកដទៃ។ ព្រោះរដូវនេះ គឺជារដូវក្តៅហួតហែង វាងាយនឹងបង្កឲ្យកើតមានអគ្គីភ័យ៕
ចែករំលែកព័តមាននេះ