រាជធានីភ្នំពេញ ៖ បុរសម្នាក់រវល់ឱនលើកទូរស័ព្ទពេលក្រុមគ្រួសារតេមក មិនបានមើលផ្លូវក៏រេចង្កូតទៅបុកទ្រូងផ្លូវពុះចែកផ្លូវ បណ្ដាលឲ្យរថយន្តកល់ជាប់ក្បាលព្រួញពុះចែកផ្លូវទៅមុខលែងរួច ហេតុការណ៍នេះកើតឡើងកាលពីវេលាម៉ោង១១និង១៥នាទីយប់ថ្ងៃទី១៥ ខែ ធ្នូ ឆ្នាំ២០១៨ នៅចំណុចមុខក្រសួងមហាផ្ទៃ…
រាជធានីភ្នំពេញ ៖ បុរសម្នាក់រវល់ឱនលើកទូរស័ព្ទពេលក្រុមគ្រួសារតេមក មិនបានមើលផ្លូវក៏រេចង្កូតទៅបុកទ្រូងផ្លូវពុះចែកផ្លូវ បណ្ដាលឲ្យរថយន្តកល់ជាប់ក្បាលព្រួញពុះចែកផ្លូវទៅមុខលែងរួច ហេតុការណ៍នេះកើតឡើងកាលពីវេលាម៉ោង១១និង១៥នាទីយប់ថ្ងៃទី១៥ ខែ ធ្នូ ឆ្នាំ២០១៨ នៅចំណុចមុខក្រសួងមហាផ្ទៃ តាមបណ្ដោយផ្លូវព្រះនរោត្ដម ស្ថិតនៅភូមិ១៣ សង្កាត់ទន្លេបាសាក់ ខណ្ឌចំការមន ។
សមត្ថកិច្ចក្រសួងមហាផ្ទៃដែលឈរប្រចាំការនៅប៉ុស្តិ៍យាមខាងមុខបានអោយដឹងថា មុនពេលកើតហេតុមានបុរសម្នាក់បើកបររថយន្តមួយគ្រឿងម៉ាកសាំយ៉ុង ពណ៍ស ពាក់ស្លាកលេខភ្នំពេញ ១AN- ៦៤១០ ទើបចេញពីហូបការ ដោយបើកបរក្នុងទិសដៅពីជើងទៅត្បូង មិនដឹងមូលហេតុអ្វីបានទៅបុកក្បាលព្រួញពុះចែកផ្លូវពេញទំហឹង បណ្ដាលរថយន្តខូចខាតផ្នែកខាងមុខផ្ទុះធុងទឹករថយន្តធ្លាយទឹកចេញមកក្រៅបើកបរទៅមុខលែងរួច ។
តាមសម្តីអ្នកបើករថយន្តឈ្មោះ ស៊ឹម សុក:វិទ្ធ ភេទប្រុស អាយុ៣៩ឆ្នាំ មុខរបរគ្រូបង្រៀន ស្នាក់នៅភូមិសាលាសន្ទុក ឃុំកកោះ ស្រុកសន្ទុក ខេត្តកំពង់ធំ បានឲ្យដឹងថា ដោយសារតែគាត់រវល់ឱនលើកទូរស័ព្ទក្រុមគ្រួសារតេមក ទើបមិនបានមើលផ្លូវបណ្ដាលបុកក្បាលព្រួញពុះចែកផ្លូវបែបនេះ ។
ក្រោយកើតហេតុ រថយន្តខាងលើត្រូវបានសមត្ថកិច្ចវាស់វែងយកទៅរក្សាទុកនៅការិយាល័យ នគរបាលចរាចរណ៍ផ្លូវគោកដោះស្រាយតាមច្បាប់ ៕
ចែករំលែកព័តមាននេះ