IDG ប្រគល់ពានរង្វាន់ជូនក្រុមហ៊ុនប្រតិបត្តិករទូរគមនាគមន៍ល្អបំផុតប្រចាំឆ្នាំ ចំនួន៧
- ភ្នំពេញ
រាជធានីភ្នំពេញ ៖ ក្រុមហ៊ុន International Data Group ( IDG ) បានរៀបចំនូវព្រឹត្តិការណ៍ដ៏ធំមួយ…
រាជធានីភ្នំពេញ ៖ ក្រុមហ៊ុន International Data Group ( IDG ) បានរៀបចំនូវព្រឹត្តិការណ៍ដ៏ធំមួយ…
រាជធានីភ្នំពេញ ៖ ក្រុមហ៊ុន International Data Group ( IDG ) បានរៀបចំនូវព្រឹត្តិការណ៍ដ៏ធំមួយ ដើម្បីប្រគល់ពានរង្វាន់ជូនក្រុមហ៊ុនប្រតិបត្តិករទូរគមនាគមន៍ដែលល្អបំផុតប្រចាំឆ្នាំ ២០១៨នេះ ក្រោយពីក្រុមហ៊ុន IDG បានស្វែងរកក្រុមហ៊ុនដែលល្អនោះ អស់រយៈពេលជាច្រើនខែកន្លងមក ។
ពិធីប្រគល់ពានរង្វាន់នេះបានធ្វើឡើងកាលពីរាត្រីថ្ងៃទី១៤ ធ្នូ ២០១៨ នៅសណ្ឋាគារ Great Duke ភ្នំពេញ ដោយមានការចូលរួមពីប្រតិបត្តិករទូរគមនាគមន៍ជាច្រើនផងដែរ ។
យោងតាមសេចក្តីប្រកាសព័ត៌មានរបស់ក្រុមហ៊ុន IDG Asean បានអោយដឹងថា ពានរង្វាន់នេះ មានគោលបំណងស្វែងរក និងផ្តល់កិត្តិយសដល់ប្រតិបត្តិករទូរស័ព្ទចល័ត ដែលមានសមត្ថភាពលេចធ្លោ និងការរួមចំណែកក្នុងការអភិវឌ្ឍវិស័យទូរគមនាគមន៍ និងហិរញ្ញវត្ថុ (Telecom & FinTech) ជាពិសេសក្នុងវិស័យសេដ្ឋកិច្ចកម្ពុជាទាំងមូលពេញមួយឆ្នាំ។
ពិធីប្រគល់ពានរង្វាន់នេះ គឺជារង្វាន់ដ៏មានតម្លៃសម្រាប់ប្រតិបត្តិករទូរស័ព្ទចល័តអ្នកផ្តល់សេវាកម្មអ៊ិនធើណេត និងក្រុមហ៊ុន FinTech ជាច្រើននៅក្នុងកម្ពុជាដើម្បីពិនិត្យមើលសមិទ្ធផលរបស់ពួកគេនៅក្នុងឆ្នាំ ២០១៨ នេះ ។
ក្រុមហ៊ុន IDG ASEAN បានធ្វើការស្ទង់មតិមួយស្តីពីភាពពេញចិត្តរបស់អតិថិជនទៅលើសេវា 4G សេវាកម្មអ៊ីនធឺណេត និងទូរគមនាគមន៍នៃសេវាកម្ម Fintech នៅក្នុងប្រទេសកម្ពុជាចាប់ពីថ្ងៃទី ១ ខែកក្កដាឆ្នាំ ២០១៨ ដល់ថ្ងៃទី ៣០ ខែវិច្ឆិកាឆ្នាំ ២០១៨ ។ ក្នុងអំឡុងពេលនោះ ក្រុមហ៊ុន IDG ASEAN បញ្ជូនការស្ទង់មតិចំនួន ៤ម៉ឺនហើយរក្សាការស្ទង់មតិដែលត្រឹមត្រូវចំនួន ៨.០០០ ។ ចំនួន ៦០ភាគរយនៃការស្ទង់មតិត្រូវបានធ្វើឡើងតាមអ៊ីនធើណេត និង ៤០% ដោយការសម្ភាសន៍ផ្ទាល់មាត់នៅក្នុងទីក្រុងធំៗ ចំនួន ៥ ក្នុងប្រទេសកម្ពុជា រួមមានរាជធានីភ្នំពេញ ខេត្តបាត់ដំបង ព្រៃវែង សៀមរាប និងខេត្តព្រះសីហនុ ។
ជាលទ្ធផល IDG រកឃើញ ក្រុមហ៊ុនប្រតិបត្តិករចំនួន៧ ជាប្រតិបត្តិករល្អជាងគេប្រចាំឆ្នាំក្នុងនោះ ១ក្រុមហ៊ុន CamGSM (Cellcard) ជាប់ឈ្មោះជាប្រតិបត្តិករទូរគមនាគមន៍ដែលជឿជាក់បំផុតនៅក្នុងឆ្នាំ ២០១៨ នេះ ។
២.ក្រុមហ៊ុនSmart Axiata ជាប់ឈ្មោះជាក្រុមហ៊ុនផ្គត់ផ្គង់សេវា 4G LTE ល្អបំផុតសម្រាប់ប្រើប្រាស់នៅក្នុងគេហដ្ឋានឆ្នាំ ២០១៨ ។ ៣.ក្រុមហ៊ុន Metfone ក៏ជាប់ឈ្មោះជា ការវិនិយោគច្រើនបំផុតនៅក្នុងសេវា Telco Service ឆ្នាំ ២០១៨ ដែលក្រុមហ៊ុននេះ មានអ្នកប្រើប្រាស់តាមផ្ទះជាង ៦០ភាគរយ នៅក្នុងប្រទេសកម្ពុជា ។
៤. ធនាគារវីង (ខេមបូឌា) អិលធីឌី គឺជាអ្នកផ្តល់សេវាកម្មប្រតិបត្តិការសាច់ប្រាក់ដែលល្អបំផុតឆ្នាំ២០១៨។ ៥.ក្រុមហ៊ុន PiPay ត្រូវជាប់ចំណាត់ថ្នាក់នៅក្នុងពានរង្វាន់ “Dynamic FinTech 2018” និង៦. កម្មវិធី MohaBot ទទួលបានពានរង្វាន់ ការជឿទុកចិត្ត និងភាពច្នៃប្រឌិតបំផុតសម្រាប់ឆ្នាំ ២០១៨ ។
បើតាមលោក Tam Le អគ្គនាយក IDG បានអោយដឹងថា បច្ចេកវិទ្យា ទូរគមនាគមន៍ នៅកម្ពុជា កំពុងបោះជំហានទៅមុខជាបន្តបន្ទាប់ ហើយលោកមានសុទិដ្ឋិនិយមថា ប្រទេសកម្ពុជានឹងកាន់តែល្អប្រសើរនូវវិស័យបច្ចេកវិទ្យា ជាក់ស្ដែងក្នុងរយៈពេលប៉ុន្មានឆ្នាំមកនេះ បច្ចេកវិទ្យា 4G និង 5G បានចូលមកជាបន្តបន្ទាប់ ដើម្បីផ្ដល់សេវាកម្មជូនអតិថិជនអ្នកប្រើប្រាស់ ។
លោកបន្តថា ចំពោះសក្ដានុពលវិនិយោគលើវិស័យបច្ចេកវិទ្យា នៅក្នុងប្រទេសកម្ពុជា ក៏មានភាពល្អប្រសើរដែរ ហើយវិនិយោគិននៅតែមានឱកាសខ្ពស់ក្នុងការបណ្ដាក់ទុនវិនិយោគវិស័យនៅកម្ពុជា ខណៈកម្ពុជាវៀតណាម និងថៃកំពុងមានការប្រកួតប្រជែងលើវិស័យនេះផងដែរ ៕
ចែករំលែកព័តមាននេះ