ទីបេជាតំបន់មួយនៅខ្ពង់រាបប្រទេសចិន បានគ្របដណ្ដប់ដោយអាកាសធាតុដ៏ត្រជាក់ប្រកបដោយភាពប្រថុយប្រថានលើការរស់នៅ។ កាលពីពេល ថ្មីៗនេះអ្នកវិទ្យាសាស្ត្រពីស្ថាប័នវិទ្យាសាស្ត្រប្រទេសចិន បានប្រទះឃើញឧបករណ៍ច្នៃប្រឌិតនានានៅតំបន់ខ្ពង់រាបនេះ បង្ហាញថាមនុស្សក្នុងសម័យដើមដើរដោយថ្មើរជើងឆ្ពោះទៅតំបន់ខ្ពង់រាប និងបោះទីជម្រកនៅទីនោះ ។
តឹកតាងនៃឧបករណ៍ច្នៃប្រឌិតទាំងនោះបានពីការជីករកឃើញនៅឯទីតាំងបុរាណ ចាស់ៗឈ្មោះ«Nwya Devu» បានផ្ដល់នូវភាពជាក់ច្បាស់ពីការស់នៅរបស់មនុស្ស«Homo sapiens» នៅតំបន់ខ្ពង់រាប ។
ក្រុមអ្នកស្រាវជ្រាវបញ្ជាក់ថាបុព្វបុរសរបស់មនុស្សយើងបានដើរដោយថ្មើរជើងឡើងទៅតំបន់ខ្ពង់រាបទីបេដែលមានកម្ពស់ខ្ពស់ជាងនីវ៉ូទឹកសមុទ្រប្រហែល៥.០០០ម៉ែត្រ កាលពី៣០.០០០-៤០.០០០ឆ្នាំមុន ។
ក្រៅពីនេះអ្នកស្រាវជ្រាវបានរៀបរាប់ទៀតថានៅចុងយុគសម័យ«Pleistocene» កាលពីប្រហែលពី១២.០០០-១២៥.០០០ឆ្នាំមុន ចាត់ទុកថាជាអំឡុងពេលដ៏សំខាន់ដល់ការវិវឌ្ឍរបស់មនុស្ស។ ក្នុងពេលនោះរាល់សកម្មភាព និងសមត្ថភាពនៃចំណេះដឹងរបស់មនុស្សសម័យបុរាណមានការកើនឡើងយ៉ាងឆាប់រហ័ស និងសម្របតាមបរិស្ថានដ៏ទូលំទូលាយ ។
ការសិក្សាស្រាវជ្រាវលើកនេះគឺជាជំហានសំខាន់ និងឈានឆ្ពោះទៅរកការយោគយល់ទាក់ទិននឹងការតាំងជម្រករបស់មនុស្ស និងការវិវឌ្ឍរបស់ពួកគេដែលរស់នៅទីខ្ពស់ រួមទាំងការធ្វើចំណាកស្រុក និងការផ្លាស់ប្ដូរទីលំនៅរបស់មនុស្សក្នុងយុគសម័យមុនប្រវត្តិសាស្ត្រ ៕
ចែករំលែកព័តមាននេះ