ទីក្រុងគូឡាឡាំពួរ ៖ ភាពទាក់ទាញអចលនទ្រព្យក្នុងប្រទេសម៉ាឡេស៊ីសម្រាប់អតិថិជនបរទេស អាចនឹងមានការធ្លាក់ចុះ។ កាលពីខែសីហាកន្លងមកនេះ លោកនាយករដ្ឋមន្ត្រី Mahathir Mohamad បាននិយាយថា ជនបរទេសនឹងមិនអនុញ្ញាតឲ្យទទួលបានទិដ្ឋាការរស់នៅក្នុងគម្រោង…
ទីក្រុងគូឡាឡាំពួរ ៖ ភាពទាក់ទាញអចលនទ្រព្យក្នុងប្រទេសម៉ាឡេស៊ីសម្រាប់អតិថិជនបរទេស អាចនឹងមានការធ្លាក់ចុះ។ កាលពីខែសីហាកន្លងមកនេះ លោកនាយករដ្ឋមន្ត្រី Mahathir Mohamad បាននិយាយថា ជនបរទេសនឹងមិនអនុញ្ញាតឲ្យទទួលបានទិដ្ឋាការរស់នៅក្នុងគម្រោង Forest City ដែលនៅប៉ែកខាងត្បូងនៃប្រទេសឡើយ ។
គោលដៅធំបំផុតនៃការសម្រេចចិត្តនេះប្រៀបដូចជាមកពីប្រទេសចិន ។ យោងទៅតាមក្រុមហ៊ុនអចលនទ្រព្យបានឲ្យដឹងថា ២ភាគ៣នៃអតិថិជនដែលទិញអចលនទ្រព្យក្នុងគម្រោង Forest City ជាជនជាតិចិន ។
យោងតាមរបាយការណ៍មួយរបស់Juwai.com បានឲ្យដឹងថា ក្នុងប្រទេសម៉ាឡេស៊ីទាំងស្រុង ការចំណាយលើអចលនទ្រព្យដោយជនជាតិចិនបានកើនឡើងបីដងកាលពីឆ្នាំ២០១៧ មកស្មើ ២,៣ប៊ីលានដុល្លារ ។
ជនជាតិចិនទិញផ្ទះដែលសាងសង់ដោយក្រុមហ៊ុនចិន និងកម្មករចិនទទួលបានការរិះគន់ដោយលោកនាយករដ្ឋមន្ត្រី Mahathir ក្នុងអំឡុងពេលយុទ្ធនាការបោះឆ្នោត ។
គោលនយោបាយប្រឆាំងនឹងប្រទេសចិនរបស់លោក Mahathir អាចនឹងប៉ះពាល់ដល់កម្មវិធី «ម៉ាឡេស៊ីជាផ្ទះទីពីររបស់ខ្ញុំ »។ តាំងពីឆ្នាំ២០០២មក បេក្ខជន៤ម៉ឺននាក់មកពីប្រទេសជាង១០០ទៅទៀត ទទួលបានទិដ្ឋាការមករស់នៅក្នុងប្រទេសម៉ាឡេស៊ី។ ក្នុងនោះមាន១ភាគ៤ជាជនជាតិចិន ។
អ្នកស្រី Amy Wong មកពីក្រុមហ៊ុន Savills នៅទីក្រុងគូឡាឡាំពួរបាននិយាយថា កម្មវិធីនេះមានប្រជាប្រិយភាពយ៉ាងខ្លាំងជាមួយអ្នកចូលនិវត្តន៍ ។
អ្នកស្រីបាននិយាយថា ៖« ពួកគេចូលចិត្តអាកាសធាតុដែលកក់ក្តៅពេញមួយឆ្នាំ។ មនុស្សមួយចំនួនធុញទ្រាន់នឹងការចូលនិវត្តន៍ ក៏ចាប់ផ្តើមធ្វើការម្តងទៀតជាទីប្រឹក្សា គ្រូបង្រៀនក្នុងសាលារៀនអន្តរជាតិជាដើម »៕
ចែករំលែកព័តមាននេះ