រាជធានីភ្នំពេញ ៖ ឆ្លងចរន្តអគ្គីសនីបណ្តាលឱ្យឆាបឆេះអស់ចំនួន១១បន្ទប់ទាំងស្រុង ដែលហេតុការណ៍នេះបង្កការភ្ញាក់ផ្អើលដល់រថយន្តពន្លត់អគ្គីភ័យចេញមកជួយអន្តរាគមន៍ពន្លត់កាលពីវេលាម៉ោង៦និង៣០នាទីយប់ថ្ងៃទី១៥ ខែធ្នូ ឆ្នាំ២០១៨ នៅផ្ទះជាន់ទី៤ ស្ថិតនៅតាមបណ្ដោយផ្លូវលេខ១១៨ កែងផ្លូវលេខ១៥ ក្នុងសង្កាត់ផ្សារចាស់…
រាជធានីភ្នំពេញ ៖ ឆ្លងចរន្តអគ្គីសនីបណ្តាលឱ្យឆាបឆេះអស់ចំនួន១១បន្ទប់ទាំងស្រុង ដែលហេតុការណ៍នេះបង្កការភ្ញាក់ផ្អើលដល់រថយន្តពន្លត់អគ្គីភ័យចេញមកជួយអន្តរាគមន៍ពន្លត់កាលពីវេលាម៉ោង៦និង៣០នាទីយប់ថ្ងៃទី១៥ ខែធ្នូ ឆ្នាំ២០១៨ នៅផ្ទះជាន់ទី៤ ស្ថិតនៅតាមបណ្ដោយផ្លូវលេខ១១៨ កែងផ្លូវលេខ១៥ ក្នុងសង្កាត់ផ្សារចាស់ ខណ្ឌដូនពេញ ។
ប្រភពព័ត៌មានពីសមត្ថកិច្ចបានប្រាប់ឲ្យដឹងថា នៅមុនពេលកើតហេតុ ប្រជាពលរដ្ឋបានរាយការណ៍ប្រាប់ថា មានករណីភ្លើងឆេះផ្ទះឈើប្រក់ស័ង្កសីខណ្ឌជា១១បន្ទប់ នៅជាន់ទី៤ យ៉ាងសន្ធោសន្ធៅ ភ្លាមនោះសមត្ថកិច្ចខណ្ឌដូនពេញបានធ្វើការទំនាក់ទំនងទៅការិយាល័យបង្កាបង្ក្រាប និងពន្លត់អគ្គីភ័យអោយចេញមកអន្តរាគមន៍បាញ់ពន្លត់ និងទប់ស្កាត់ភ្លាមៗ តែដោយសារនៅជាន់ទី៤ ខ្ពស់ពេកមិនអាចបាញ់ពន្លត់បាន ចំណែកស្ថានភាពនៃការឆាបឆេះក៏ខ្លាំង ទើបកម្លាំងសមត្ថកិច្ចជំនាញពន្លត់អគ្គីភ័យបាននាំគ្នាបាញ់ឡើងទៅលើព្រមគ្នា និងអ្នកខ្លះទៀតបានអូសទុយោយកឡើងតាមកាំជណ្ដើរដើម្បីធ្វើការបាញ់ពន្លត់។
ចំពោះករណីអគ្គីភ័យខាងលើនេះគឺខាងកំលាំងក្រុមអន្តរាគមន៍ឡានពន្លត់អគ្គីភ័យបាន ជួយបាញ់ពន្លត់បានភ្លាមៗទាន់ពេលវេលា ដោយបាញ់ទឹកអោយរលត់ទៅវិញ នៅវេលាម៉ោង៧និង៣០នាទីយប់ថ្ងៃដដែល ។
លោក ព្រហ្ម យ៉ន ប្រធានការិយាល័យបង្កាបង្ក្រាប និងពន្លត់អគ្គីភ័យបានអោយដឹងថានៅក្នុងប្រតិបត្តការខាងលើនេះគឺកំលាំងសមត្ថកិច្ចរបស់លោកបានទទួលព័ត៌មានពីសម្ថតកិច្ចខណ្ឌដូនពេញប្រាប់ថាមានករណីភ្លើងឆេះផ្ទះប្រជាពលរដ្ឋធ្វើពីឈើប្រក់ស័ង្កសីទើបលោកបានបញ្ជាអោយចេញរថយន្តពន្លត់អគ្គីភ័យចំនួន២១គ្រឿង ដើម្បីអន្តរាគមន៍ អោយទាន់ពេលវេលា និងមានការសហការពីរថយន្តពន្លត់អគ្គីភ័យរួមមាន ទីក្រុងកោះពេជ្រចំនួន១គ្រឿងបាញ់១គ្រឿង, ទីក្រុងជ្រោយចង្វារ OCIC ចំនួន៣គ្រឿង បាញ់៣គ្រឿង ហើយរថយន្តពន្លត់អគ្គីភ័យមកដល់ចំណុចភ្លើងឆេះផ្ទះសរុបទាំងអស់២១គ្រឿងហើយប្រើប្រាស់ទឹកសរុបចំនួន២១គ្រឿងផងដែរ។
ចំពោះករណីឆាបឆេះផ្ទះប្រជាពលរដ្ឋចំនួន១១បន្ទប់នេះគឺម្ចាស់ផ្ទះស្នាក់នៅចំនួន៥បន្ទប់ ហើយចំនួន៦បន្ទប់ទៀតគឺគាត់បានជួលអោយគេស្នាក់នៅ ចំណែកទ្រព្យសម្បត្តិនៅក្នុងផ្ទះគឺរងការខូចខាតទាំងស្រុង៕
ចែករំលែកព័តមាននេះ