រាជធានីភ្នំពេញ ៖ មានទឹកលិចផ្លូវហូរចូលផ្ទះប្រជាពលរដ្ឋបង្កការភ្ញាក់ការផ្អើល ស្មានតែទឹកជំនន់ តែការពិតគ្រោះថ្នាក់ចរាចរណ៍ដោយរថយន្តកុងតឺរន័របើកលឿនដូចហោះបុកបង្គោលភ្លើងបំភ្លឺផ្លូវ រួចបន្តទៅបុកទុយោរដ្ឋាករទឹក បណ្ដាលឲ្យធ្លាយហូរទឹកដូចបាក់ទំនប់កាលពីម៉ោង១និង៣០នាទីរំលងអធ្រាត្រឈានចូលថ្ងៃទី១៦ ខែធ្នូ ឆ្នាំ២០១៨ នៅចំណុចមុខវត្តវាលស្បូវ…
រាជធានីភ្នំពេញ ៖ មានទឹកលិចផ្លូវហូរចូលផ្ទះប្រជាពលរដ្ឋបង្កការភ្ញាក់ការផ្អើល ស្មានតែទឹកជំនន់ តែការពិតគ្រោះថ្នាក់ចរាចរណ៍ដោយរថយន្តកុងតឺរន័របើកលឿនដូចហោះបុកបង្គោលភ្លើងបំភ្លឺផ្លូវ រួចបន្តទៅបុកទុយោរដ្ឋាករទឹក បណ្ដាលឲ្យធ្លាយហូរទឹកដូចបាក់ទំនប់កាលពីម៉ោង១និង៣០នាទីរំលងអធ្រាត្រឈានចូលថ្ងៃទី១៦ ខែធ្នូ ឆ្នាំ២០១៨ នៅចំណុចមុខវត្តវាលស្បូវ តាមផ្លូវជាតិលេខ១ ស្ថិតក្នុងភូមិស្វាយតាអុក១ សង្កាត់វាលស្បូវ ខណ្ឌច្បារអំពៅ ។
សមត្ថកិច្ចបានឱ្យដឹងថា មុនកើតហេតុ មានប្រជាពលរដ្ឋភ្ញាក់ផ្អើលថា មេឃធ្លាក់ភ្លៀងមួយមេធំ ស្រាប់តែមានទឹកជំនន់ហូរចូលក្នុងផ្ទះ សូមឱ្យសមត្ថកិច្ចជួយអន្តរាគមន៍រំដោះទឹកផង ប៉ុន្តែក្រោយមកក៏កម្លាំងនគរបាលមូលដ្ឋានជិះតាមដងផ្លូវឃើញមានទឹកហូរតាមផ្លូវជាតិលេខ១រហូតមកដល់ចំណុចកើតហេតុខាងលើ មានទឹកបាញ់ឡើងលើមេឃកម្ពស់ជិត១ម៉ែត្រមិនមែនទឹកជំនន់នោះទេ គឺជាករណីគ្រោះចរាចរណ៍រវាងរថយន្តបង្កហេតុជារថយន្តកុងតឺន័រពណ៌ស បើកបរតាមផ្លូវជាតិលេខ១ ពីច្បារអំពៅទៅព្រែកឯង ហើយមិនដឹងមូលហេតុរេចង្កូតជ្រុលទៅបុករះបង្គោលភ្លើងបំភ្លឺផ្លូវបាក់ចូលក្រោមរថយន្ត ហើយជ្រុលទៅបុកទុយោរដ្ឋាករទឹក បណ្ដាលឱ្យធ្លាយទឹកហូរចេញមកខាងក្រៅ ចំណែករថយន្តកុងតឺរន័រវិលក្បាលរថយន្តមួយជុំ ហើយអ្នកបើកបររត់គេចខ្លួនបាត់ ។
ក្រោយកើតហេតុសមត្ថកិច្ចបានទំនាក់ទំនងទៅមន្ត្រីជំនាញភ្លើង និងទឹកមកចាត់ចែងតាមជំនាញតភ្ជាប់បណ្ដោញទឹកដែលខូច ដើម្បីឆាប់បានប្រជាពលរដ្ឋប្រើប្រាស់វិញ សំខាន់ប្រភពទឹកនឹងតែម្ដង ។ ចំណែករថយន្តបង្កត្រូវសមត្ថកិច្ចការិយាល័យនគរបាលចរាចរណ៍ផ្លូវគោកស្នងការរាជធានីភ្នំពេញយកទៅរក្សាទុករង់ចាំស្វែងរកថៅកែក្រុមហ៊ុន ដើម្បីចេញថ្លៃជួសជុលបង្គោលភ្លើងនិងទុយោទឹកហូររាប់ពាន់ម៉ែត្រគូប ៕
ចែករំលែកព័តមាននេះ