ខេត្តប៉ៃលិន ៖ មានករណីគ្រោះថ្នាក់ចរាចរណ៍មួយបានកើតឡើង រវាងម៉ូតូ៣គ្រឿងបុកគ្នាពេញទំហឹង បណ្តាលឱ្យមនុស្សប្រុសស្រីចំនួន៥នាក់រងរបួសធ្ងន់ស្រាល ហើយត្រូវបានគេបញ្ជូនទៅសង្គ្រោះនៅមន្ទីរពេទ្យបង្អែកខេត្ត ។ ករណីគ្រោះថ្នាក់ចរាចរណ៍នេះ ដោយសារតែម៉ូតូ១គ្រឿងត់ឆ្វេងដោយអត់មានស៊ីញ៉ូ លុះម៉ូតូលឿនមកពីក្រោយគេចមិនទាន់ជ្រុលចង្កូតទៅបុកម៉ូតូនៅឆ្វេងដៃ…
ខេត្តប៉ៃលិន ៖ មានករណីគ្រោះថ្នាក់ចរាចរណ៍មួយបានកើតឡើង រវាងម៉ូតូ៣គ្រឿងបុកគ្នាពេញទំហឹង បណ្តាលឱ្យមនុស្សប្រុសស្រីចំនួន៥នាក់រងរបួសធ្ងន់ស្រាល ហើយត្រូវបានគេបញ្ជូនទៅសង្គ្រោះនៅមន្ទីរពេទ្យបង្អែកខេត្ត ។
ករណីគ្រោះថ្នាក់ចរាចរណ៍នេះ ដោយសារតែម៉ូតូ១គ្រឿងត់ឆ្វេងដោយអត់មានស៊ីញ៉ូ លុះម៉ូតូលឿនមកពីក្រោយគេចមិនទាន់ជ្រុលចង្កូតទៅបុកម៉ូតូនៅឆ្វេងដៃ បណ្តាល ឱ្យដួលទាំង៣គ្រឿងតែម្តង ។
ហេតុការណ៍នេះ បានកើតឡើងកាលពីវេលាម៉ោង១១ និង២០នាទីព្រឹកថ្ងៃទី១៤ ខែធ្នូ ឆ្នាំ២០១៨ ស្ថិតនៅបណ្តោយផ្លូវជាតិលេខ ៥៩ ត្រង់ចំណុចភូមិវាល ឃុំសាលាក្រៅ ស្រុកសាលាក្រៅ ខេត្ដប៉ៃលិន ។
ប្រភពព័ត៌មានបានឱ្យដឹងថា ជនរងគ្រោះទាំង៥នាក់ខាងលើរួមមាន ១-ឈ្មោះ ម៉ុន រ៉ាមេឃ ភេទប្រុស អាយុ១៦ឆ្នាំ រស់នៅភូមិម្រះព្រៅ ឃុំជ្រៃ ស្រុកមោង ខេត្តបាត់ដំបង ជាអ្នកបើកបរម៉ូតូម៉ាកវ៉េវ (Wave) ពណ៌ខ្មៅ គ្មានស្លាកលេខ ម្ចាស់គ្មានរបួស ២-ឈ្មោះ ឈៀង សំណាង ភេទប្រុស អាយុ២៩ឆ្នាំ រស់នៅភូមិតាសី ឃុំតាម៉ឺន ស្រុកបាត់ដំបង ខេត្តបាត់ដំបង ជាអ្នកបើកបរម៉ូតូម៉ាក ហុងដាឌ្រីម ធុនC125 ស៊េរីឆ្នាំ២០១២ ពណ៌ខ្មៅ ពាក់ស្លាកលេខ បាត់ដំបង ១M-៥២៦៤ គ្មានរបួស ។
៣-ឈ្មោះ សេង ស្រីពេជ្រ ភេទស្រី អាយុ១៦ឆ្នាំ ជាអ្នករួមដំណើរ រស់នៅភូមិកំពង់ចម្លងលើ ឃុំតាក្រី ស្រុកកំរៀង ខេត្តបាត់ដំបង រងរបួសធ្ងន់ ៤-ឈ្មោះ ធឿន ថន ភេទប្រុស អាយុ២៣ឆ្នាំ ជាអ្នករួមដំណើរ រស់នៅភូមិអូរពងមាន់ ឃុំតាក្រៀម ស្រុកបាណន់ ខេត្តបាត់ដំបង គ្មានរបួស និង៥-ឈ្មោះ ប៉យ វិបុល ភេទប្រុស អាយុ៣៤ឆ្នាំ រស់នៅភូមិអូរឫស្សីក្រោម ឃុំសាលាក្រៅ ស្រុកសាលាក្រៅ ខេត្តប៉ៃលិន ជាអ្នកបើកបរម៉ូតម៉ាក ហុងដាឌ្រីម ធុនC125 ស៊េរីឆ្នាំ២០០៥ ពណ៌ខ្មៅ ពាក់ស្លាកលេខ ប៉ៃលិន១A-២៩៩១ រងរបួសស្រាល ។
ប្រភពបន្តទៀតថា មូលហេតុបណ្ដាលឱ្យកើតករណីគ្រោះថ្នាក់ចរាចរណ៍ គឺមកពីម៉ូតូមួយគ្រឿងម៉ាកវ៉េវ ពណ៌ខ្មៅ គ្មានស្លាកលេខ បត់ឆ្វេងដោយមិនមើលមុខក្រោយ ខ្វះការប្រុងប្រយ័ត្ន រីឯម៉ូតូម៉ាកហុងដាឌ្រីម ធុនC125 ស៊េរីឆ្នាំ២០១២ ពណ៌ខ្មៅ ពាក់ស្លាកលេខ បាត់ដំបង ១M-៥២៦៤ បើកបរហួសល្បឿនកំណត់ លុះគេចគ្នាក៏ជ្រុលទៅបុកជនរងគ្រោះដែលកំពុងបើកបរនៅខាងមុខ ។
ក្រោយកើតហេតុ ជនរងគ្រោះត្រូវគេបានបញ្ជូនទៅព្យាបាលនៅមន្ទីរពេទ្យបង្អែកខេត្តប៉ៃលិន រីឯវត្ថុតាងត្រូវបានយកទៅរក្សាទុកនៅអធិការដ្ឋាននគរបាលស្រុកសាលាក្រៅ រង់ចាំធ្វើការដោះស្រាយនៅពេលក្រោយ ៕
ចែករំលែកព័តមាននេះ