សម្តេចតេជោអំពាវនាវឲ្យពលរដ្ឋ និងសមត្ថកិច្ចថែរក្សាសម្បត្តិធម្មជាតិ និងបរិស្ថាន
- ភ្នំពេញ
រាជធានីភ្នំពេញ ៖ សម្តេចតេជោនាយករដ្ឋមន្ត្រីបានអំពាវនាវឲ្យប្រជាពលរដ្ឋរួមទាំងសមត្ថកិច្ចគ្រប់លំដាប់ថ្នាក់ទាំងអស់ថែរក្សាសម្បត្តិធម្មជាតិ និងបរិស្ថានឲ្យបានគង់វង្ស ។ ការអំពាវនាវរបស់ប្រមុខដឹងនាំរដ្ឋាភិបាលនេះ បន្ទាប់ពីអញ្ជើញចូលរួមបុណ្យសមុទ្រនៅខេត្តកោះកុង ។ សម្តេចបានសរសេរលើបណ្តាញសង្គមយ៉ាងដូច្នេះថា«នៅថ្ងៃទី១៦ ធ្នូនេះខ្ញុំនឹងភរិយាវិលត្រឡប់ទៅភ្នំពេញវិញហើយ…
ការអំពាវនាវរបស់ប្រមុខដឹងនាំរដ្ឋាភិបាលនេះ បន្ទាប់ពីអញ្ជើញចូលរួមបុណ្យសមុទ្រនៅខេត្តកោះកុង ។ សម្តេចបានសរសេរលើបណ្តាញសង្គមយ៉ាងដូច្នេះថា«នៅថ្ងៃទី១៦ ធ្នូនេះខ្ញុំនឹងភរិយាវិលត្រឡប់ទៅភ្នំពេញវិញហើយ ។
សូមបងប្អូនប្រជាពលរដ្ឋកូនក្មួយយុវជន និងភ្ញៀវទេសចរណ៍ជាតិ និងអន្តរជាតិចូលរួមកម្សាន្តសប្បាយរីករាយនៅក្នុងពិធីបុណ្យសមុទ្រនៅកោះកុងជាបន្តទៀត» ។ សម្តេចបន្តថា សូមអរគុណក្រសួងទេសចរណ៍ និងអាជ្ញារធរគ្រប់លំដាប់ថ្នាក់ព្រមទាំងដៃគូក្រុមហ៊ុនឯកជនអង្គការជាតិ និងអន្តរជាតិនានាដែលបានចូលរួមសហការរៀបចំបុណ្យសមុទ្រនៅខេត្តកោះកុងបានល្អ និងទទួលបានជោគជ័យ ។ ជាមោទនៈភាពរបស់ប្រទេសជាតិយើងដែលកម្ពុជាមានឆ្នេរជាប់លំដាប់ថ្នាក់ជាឆ្នេរល្អបំផុតរបស់ពិភពលោក ។
ច្បាស់ណាស់សន្តិភាព គឺបានផ្តល់ឱកាសអោយយើងធ្វើការអភិវឌ្ឍប្រទេសជាតិទៅមុខកាន់តែលឿន ។ សម្តេចបានបញ្ជាក់ថា«ខ្ញុំសូមអំពាវនាវដល់បងប្អូនប្រជាពលរដ្ឋកូនក្មួយយុវជនអាជ្ញាធរ និងសមត្ថកិច្ចគ្រប់ជាន់ថ្នាក់ចូលរួមថែរក្សាការពារសម្បត្តិធនធានធម្មជាតិ និងបរិស្ថានអោយនៅស្រស់ស្អាតគង់វង្សបានល្អសម្រាប់ពលរដ្ឋយើងគ្រប់ជំនាន់ និងដើម្បីទាក់ទាញទេសចរជាតិ និងអន្តរជាតិមកទស្សនាកម្ពុជាកាន់តែច្រើនឡើង ដើម្បីពលរដ្ឋយើងសម្បូរការងារធ្វើ និងប្រទេសជាតិរីកចម្រើន» ។
ជាមួយគ្នានោះដែរសម្តេចក៏បានសរសេរថា«ខ្ញុំនឹងភរិយាសូមជូនពរបងប្អូនជនរួមជាតិ និងកូនក្មួយបានសប្បាយរីករាយថ្ងៃសម្រាកចុងសប្តាហ៍គ្រប់ៗគ្នា »៕
ចែករំលែកព័តមាននេះ