រាជធានីភ្នំពេញ ៖ រថយន្តក្បាលសណ្តោងកុងតឺន័រម៉ាក FUSO មួយគ្រឿងបានបើកធ្លាក់ផ្លូវទំបន់កប់ស្រូវបណ្តាលអោយក្រឡាប់ផ្ងារជើងរងការខូចខាតយ៉ាងដំណំតែសំណាងមិនមានអ្នករបួសឡើយ ។
គ្រោះថ្នាក់នេះបានកើតឡើងកាលពីវេលាម៉ោងប្រមាណ៤និង៣០នាទីទាបភ្លឺថ្ងៃទី១៥ ខែធ្នូឆ្នាំ២០១៨ ស្ថិតតាមបណ្តោយផ្លូវកប់ស្រូវ ក្នុងភូមិកប់ស្រូវតូច សង្កាត់គោករការ ខណ្ឌព្រែកព្នៅ ។ ក្បាលរថយន្តនោះម៉ាក FUSO ពណ៌ទឹកក្រូចលាយស បើកបរដោយបុរសម្នាក់មិនស្គាល់អត្តសញ្ញណឡើយ។
តាមប្រភព័ត៌មាននៅពីកន្លែងកើតហេតុបានឲ្យដឹងថា នៅមុនពេលកើតហេតុរថយន្តខាងលើបើកបរតាមផ្លូវទំនប់កប់ស្រូវក្នុងទិសដៅពីកើតទៅលិច ខណៈមកដល់ចំណុចកើតហេតុមិនដឹងមូលហេតុអ្វីទេ ស្រាប់តែរថយន្តជ្រុលទៅខាងស្តាំដៃធ្លាក់ផ្លូវបណ្តាលអោយក្រឡាប់តែម្តង ។
ភ្លាមៗអ្នកបើកបរបានលូនចេញគេចខ្លួនបាត់ដោយពុំដឹងពីមូលហេតុអ្វីឡើយ ។ រថយន្តនោះត្រូវបានម្ចាស់ស្ទួចយកទៅជួសជុលដោយខ្លួនឯង ៕
ចែករំលែកព័តមាននេះ