ខេត្តត្បូងឃ្មុំ ៖ ឃុំចំនួន០៣នៅស្រុកអូររាំងឪត្រូវបានប្រជាពលរដ្ឋនាំគ្នាបង្កបង្កើនផលដំណាំស្រូវបានសរុបចំនួន១៧៣៥០ហិកតា ក្នុងនោះស្រូវប្រាំងចំនួន១៣៥០ហិកតា សម្រាប់ផ្តត់ផ្គង់ជីវភាពគ្រួសារ និងខ្លះទៀតសល់លើសពីសេចក្តីត្រូវការក្នុងគ្រួសារ ។ លោក ងួន ប៊ុណ្ណាន…
ខេត្តត្បូងឃ្មុំ ៖ ឃុំចំនួន០៣នៅស្រុកអូររាំងឪត្រូវបានប្រជាពលរដ្ឋនាំគ្នាបង្កបង្កើនផលដំណាំស្រូវបានសរុបចំនួន១៧៣៥០ហិកតា ក្នុងនោះស្រូវប្រាំងចំនួន១៣៥០ហិកតា សម្រាប់ផ្តត់ផ្គង់ជីវភាពគ្រួសារ និងខ្លះទៀតសល់លើសពីសេចក្តីត្រូវការក្នុងគ្រួសារ ។
លោក ងួន ប៊ុណ្ណាន អភិបាលស្រុកអូររាំងឪប្រាប់ឲ្យដឹងនៅព្រឹកថ្ងៃទី១៤ ធ្នូ នេះថា ថ្មីៗនេះរូបលោក និងសហការីបានចុះទៅពិនិត្យមើលដំណាំស្រូវរបស់កសិករនៅក្នុងឃុំមៀនដែលដាំប្រភេទពូជាអ៊ីអែ៤៩ និងអ៊ីអែ៥៤ ហើយនៅតាមវាលស្រែនីមួយៗដែលមានផ្ទៃដីប្រមាណចំនួន៧៧០ហិកតា ។
លោកអភិបាលស្រុកអូររាំងឪប្រាប់បន្តថា បើតាមការពិនិត្យស្រូវប្រាំងនោះគឺកំពុងតែផើមហើយត្រូវបានម្ចាស់ស្រែនាំគ្នាជីកអណ្តូងស្នប់នៅតាមស្រែបូមទឹកស្រោចស្រពលើដំណាំស្រូវមិនទាន់មានបញ្ហាចោទឡើងនោះទេ ។ ប្រសិនណាបើមានផលប៉ះពាល់ដោយកត្តាផ្សេងៗរូបលោកនឹងឲ្យកម្លាំងជំនាញការិយាល័យកសិកម្មស្រុកចុះទៅពិនិត្យដើម្បីនឹងត្រូវជួយដល់កសិករតាមបច្ចេកទេសបែបណាដើម្បីឲ្យស្រូវបានឆាប់ហុចផលសម្រាប់ផ្តត់ផ្គង់ជីវភាពគ្រួសារ ។ ចំពោះដំណាំស្រូវវស្សាកន្លងមកដែលប្រមូលផលបានលើផ្ទៃដីសរបចំនួន១៦.០០០ហិកតា ដែលបានភ្ជួររាស់ដោយគ្រឿងយន្តទាំងអស់ ។
ការប្រមូលផលដំណាំស្រូវបង្កើនរដូវបានចំនួន៤៤៥ហិកតា ល្មើនឹង១០០ភាគរយ ដោយទិន្នផលជាមធ្យមជាង៤តោនក្នុង១ហិកតា ការប្រមូលផលស្រូវស្រាលបានចំនួន៨៥៥ហិកតាស្មើនឹង១០០ភាគរយទិន្នផលវិញ៤តោនក្នុង១ហិកតា ការប្រមូលផលដំណាំស្រូវកណ្តាលបានចំនួន៩៥៣០ហិកតាស្មើនឹង១០០ភាគរយទិន្នផលជាង៣តោនក្នុង១ហិកតាការប្រមូលផលដំណាំស្រូវធ្ងន់បានចំនួន២៥៥០ហិកតា ស្មើនឹង៥៤,២៥ភាគរយ ទិន្នផលមធ្យមជាង៣តោនក្នុង១ហិកតា ៕
ចែករំលែកព័តមាននេះ