រាជធានីភ្នំពេញ ៖ ករណីគ្រោះថ្នាក់ចរាចរណ៍មួយបានកើតឡើងរវាងរថយន្តស៊េរីទំនើប Mazda មួយគ្រឿង ដែលបើកបរដោយស្ត្រីម្នាក់ និងបុរសម្នាក់ដែលគេស្គាល់ថា ជាម្ចាស់គ្លីនិក វេជ្ជបុត្រនោះ បានបើកទៅបះជាមួយនឹងរថយន្តម៉ាក…
រាជធានីភ្នំពេញ ៖ ករណីគ្រោះថ្នាក់ចរាចរណ៍មួយបានកើតឡើងរវាងរថយន្តស៊េរីទំនើប Mazda មួយគ្រឿង ដែលបើកបរដោយស្ត្រីម្នាក់ និងបុរសម្នាក់ដែលគេស្គាល់ថា ជាម្ចាស់គ្លីនិក វេជ្ជបុត្រនោះ បានបើកទៅបះជាមួយនឹងរថយន្តម៉ាក LUXUS RX300 មួយ គ្រឿង បណ្តាលឱ្យរងការខូចខាតតិចតួចដូចៗគ្នា ហើយគិតតែពីជជែកតឹងសរសៃ.កយកត្រូវរៀងៗខ្លួនរាប់ម៉ោង។
ករណីគ្រោះ ថ្នាក់ចរាចរណ៍នេះដែរ បានកើតឡើងកាលពីម៉ោង១០និង ១៥នាទីព្រឹក ថ្ងៃទី ១៤ ខែ ធ្នូ ឆ្នាំ២០១៨ នៅចំណុចផ្លូវលេខ ១៥៥ កែងផ្លូវលេខ៤៨៦ ក្នុងសង្កាត់ផ្សារដើមថ្កូវ ខណ្ឌចំការមន។
តាមប្រភពព័ត៌មានប្រាប់ឱ្យដឹងថា មុនកើតហេតុ គេឃើញរថយន្តម៉ាក LEXUS RX300 ពណ៌ស្ករ ពាក់ស្លាក លេខភ្នំពេញ2M-7234 មួយគ្រឿង បើកបរដោយបុរសវ័យចំណាស់ម្នាក់តាមបណ្តោយផ្លូវលេខ ១៥៥ ក្នុងទិសដៅពីជើងទៅត្បូង។ លុះមកដល់កន្លែងកើតហេតុ ដែលជាចំណុចផ្លូវបំបែកជា៣នោះ ក៏ស្រាប់តែមានរថយន្តស៊េរីទំនើបម៉ាក Mazda ពណ៌សពាក់ស្លាកលេខភ្នំពេញ 2AI-6993 មួយគ្រឿង ដែលបើកបរដោយស្ត្រីម្នាក់ រួមជាមួយនិងលោកវេជ្ជបណ្ឌិតជាប្តី ដែលគេស្គាល់ថា «ជាម្ចាស់គ្លីនិកវេជ្ជបុត្រ» ម្នាក់ផងដែរ ធ្វើដំណើរតាមបណ្តោយផ្លូវលេខ ៤៨៦ ក្នុងទិសដៅពីលិច ទៅកើតក៏ជ្រុលទៅបុករថយន្តម៉ាក LEXUS RX 300 មួយគ្រឿងខាងលើចំកង់ក្រោយបណ្តាលឱ្យកំពិត និងឆ្កូតកាង ចំណែកឯរថយន្តស៊េរីទំណើបម៉ាក Mazda បែកចង្កៀង និងក្រពិតកាងមុខខាងឆ្វេងម្ខាងរងការខូចខាតផងដែរ។
តាមប្រភពដដែលប្រាប់បន្តថា ពេលដែលរថយន្តទាំងពីរគ្រឿងប៉ះគ្នារួចហើយ គេបានឃើញស្ត្រីជាអ្នកបើកបររថយន្តម៉ាក Mazda និងលោកវេជ្ជបណ្ឌិតជាប្តី ចុះពីរថយន្តជជែកដោះស្រាយជាមួយនឹងបុរសភាគីខាងរថយន្តម៉ាក LEXUS RX300 តឹងសរសៃ.កដាក់គ្នាដោយនិយាយយកតែត្រូវរៀងៗខ្លួនប៉ុណ្ណោះ។
ភ្លាមនោះ កម្លាំងមានសម្ថកិច្ចមូលដ្ឋានក៏បានចុះមកដល់ កន្លែងកើតហេតុ ដើម្បីឱ្យភាគីរថយន្តស៊េរីទំនើបម៉ាក Mazda របស់លោកវេជ្ជបណ្ឌិតម្ចាស់គ្លីនិកវេជ្ជបុត្រ និងភរិយា ធ្វើការសម្របសម្រួលដោះស្រាយជាមួយនឹងភាគីខាងបុរសជាម្ចាស់រថយន្តម៉ាក LEXUS RX300 នៅតែជជែកវែកញែកយកតែត្រូវរៀងៗខ្លួនមិនត្រូវគ្នានោះ។
ទើបកម្លាំងនគរបាលមូលដ្ឋានរាយការណ៍ប្រាប់នគរបាលផ្នែកចរាចរណ៍ខណ្ឌចំការមន ឱ្យចុះមកធ្វើការដោះស្រាយជាបន្តទៅ ទៀត ដោយភាគីខាងរថយន្ត Mazda របស់លោកវេជ្ជបណ្ឌិតម្ចាស់គ្លីនិកវេជ្ជបុត្រ នៅតែទាមទារសំណង និងការសុំទោស អំពីភាគីម្ចាស់រថយន្តម៉ាក LEXUS RX300 រហូតទៅដល់ជិត២ម៉ោងទើបយល់ព្រមបញ្ចប់រឿងត្រឹមតែស្មើគ្នា និងបែកផ្លូវគ្នាប៉ុណ្ណោះ។
ចែករំលែកព័តមាននេះ