រាជធានីភ្នំពេញ ៖ គ្រោះថ្នាក់ចរាចរណ៍រវាងរថយន្តបុកជាមួយម៉ូតូត្រង់ចំណុចផ្លូវបំបែកជា៤ បណ្តាលអោយអ្នកបើកបរម៉ូតូរងរបួសធ្ងន់ ចំនែករថយន្តបានបើកចេញទៅបាត់ ដោយអោយតំណាងចេញមុខមកដោះស្រាយ ដែលហេតុការណ៍នេះបានកើតឡើងនៅវេលាម៉ោង ១០និង៤០នាទីយប់ ថ្ងៃទី១៣ ខែធ្នូ ឆ្នាំ២០១៨ ចំណុចផ្លូវ១៦៣ កែងនិងផ្លូវ៤៦០ សង្កាត់ទួលទំពូង១ ខណ្ឌចំការមន ។
ជនរងគ្រោះមិនបានអោយស្គាល់អត្តសញ្ញាណនោះទេ គ្រាន់តែដឹងថាជាអ្នកបើកបរម៉ូតូមួយគ្រឿងម៉ាកសង់កូរ៉េ ពណ៌ក្រហម ពាក់ស្លាកលេខ កណ្តោល ១A-២៨៩២ ។
តាមប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុ គេឃើញបុរសម្នាក់បានបើកម៉ូតូមួយគ្រឿងម៉ាកសង់កូរ៉េ ពណ៌ក្រហម ធ្វើដំណើរតាមផ្លូវ១៦៣ ក្នុងទិសដៅ ពីត្បូងទៅជើង លុះមកដល់ចំនុចកើតហេតុដែលជាផ្លូវបំបែកជាបួន ក៍ស្រាប់តែមានរថយន្តមយយគ្រឿងម៉ាកហាយឡែនឌ័រ មិនចាំស្លាកលេខ បានធ្វើដំណើរតាមផ្លូវ១៦៣ ក្នុងទិសដៅបញ្ច្រាសគ្នាពីជើងទៅត្បូង ហើយអ្នកបើកបរបានបួងចង្កូតបត់ឆ្វេង ឡើងទៅផ្លូវ ៤៦០ក៍ជ្រុលទៅបុកម៉ូតូពេញទំហឹង បណ្តាលអោយអ្នកបើកបរម៉ូតូរងរបួសរយះភ្លៅខាងស្តាំ ចំនែកម៉ូតូខ្ទេចផ្នែកខាងមុខទាំងស្រុង ។
ដោយឡែកភាគីខាងរថយន្តវិញមិនបានឈប់ដោះស្រាយនៅនឹងកន្លែងកើតហេតុនោះទេ គឺព្យាយាមបើករថយន្តគេចចូលទៅក្នុងផ្ទះរបស់ខ្លួន ហើយចាក់សោរបងជិត ។
ក្នុងហេតុការណ៍ខាងលើនេះដែរ បន្តិចក្រោយ គេឃើញបុរសម្នាក់ដែលជាតំណាងខាងភាគីរថយន្ត បានចុះទៅកន្លែងកើតហេតុ រួចហើយក៍បានទំនាក់ទំនងហៅរថយន្តសង្គ្រោះ មកដឹកជនរងគ្រោះយកទៅមន្ទីពេទ្យមិត្តភាពខ្មែរសូវៀត ដើម្បីព្យាបាលរបួស ។
ក្រោយកើតហេតុ ភាគីទាំងសង្ខាងបានសម្របសម្រួលគ្នា ដោយខាងតំណាងរថយន្ត បានសុខចិត្ត ជួយចេញថ្លៃព្យាបាលរបួស និងជួសជុលម៉ូតូអោយទៅជនរងគ្រោះដើម្បីបញ្ចប់រឿង ៕
ចែករំលែកព័តមាននេះ