រាជធានីភ្នំពេញ ៖ បុរសម្នាក់ស្រវឹងខ្លាំងពេកអោយមិត្តភ័ក្តិម្នាក់ទៀតឌុបជូនទៅផ្ទះ ចៃដន្យត្រូវយុវជន២នាក់ទៀតស្រវឹងដូចគ្នាជិះម៉ូតូបុកពីក្រោយបណ្តាលអោយរងរបួសស្រាលម្នាក់ជាអ្នកស្រវឹង ។ ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង១២និង៣០នាទីរំលងអាធ្រាត្រឈានចូលថ្ងៃទី១៤ ខែធ្នូ ឆ្នាំ២០១៨ នៅចំណុចកន្លែងថ្លឹងជញ្ជីងចាស់ តាមបណ្ដោយផ្លូវវេងស្រេង…
រាជធានីភ្នំពេញ ៖ បុរសម្នាក់ស្រវឹងខ្លាំងពេកអោយមិត្តភ័ក្តិម្នាក់ទៀតឌុបជូនទៅផ្ទះ ចៃដន្យត្រូវយុវជន២នាក់ទៀតស្រវឹងដូចគ្នាជិះម៉ូតូបុកពីក្រោយបណ្តាលអោយរងរបួសស្រាលម្នាក់ជាអ្នកស្រវឹង ។
ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង១២និង៣០នាទីរំលងអាធ្រាត្រឈានចូលថ្ងៃទី១៤ ខែធ្នូ ឆ្នាំ២០១៨ នៅចំណុចកន្លែងថ្លឹងជញ្ជីងចាស់ តាមបណ្ដោយផ្លូវវេងស្រេង ភូមិ ព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ ។
ភាគីម៉ូតូមួយគ្រឿងជិះគ្នា២នាក់ម៉ាកហុងដាឌ្រីម ស៊េរីឆ្នាំ២០០៦ ពណ៌ខ្មៅ ពាក់ស្លាកលេខ ក្រុងព្រះសីហនុ ១A-៧២០០ បើកបរដោយយុវជនម្នាក់ ក្នុងទិសដៅពីកើតទៅលិច។
ចំណែកភាគីម៉ូតូមួយគ្រឿងទៀតជិះគ្នា២នាក់ម៉ាកធូដេ ពណ៌ស មិនចាំស្លាកលេខ បើកបរក្នុងទិសដៅកើតទៅលិច ស្របគ្នា។
តាមប្រភពព័ត៌មានពីអ្នកបើកម៉ូតូម៉ាកធូដេបានឲ្យដឹងថា មុនពេលកើតហេតុ ដោយសារមិត្តភក្តិស្រវឹងស្រាខ្លាំងពេកបានពឹងអោយគាត់ឌុបជូនទៅផ្ទះ លុះពេលបើកបរមកដល់ចំណុចកើតហេតុ ស្រាប់តែមានយុវជន២នាក់ជិះម៉ូតូមួយគ្រឿងម៉ាកហុងដាឌ្រីម ស៊េរី ២០០៦បើកបរក្នុទិសដៅស្របគ្នា បានបើកបុកពីក្រោយពេញទំហឹង បណ្តាលឲ្យបុរសដែលស្រវឹងដួលរងរបួសរលាត់ដៃរលាត់ជើង តែដោយសារស្រវឹងខ្លាំងពេកក៏បានសន្លប់ស្តូកស្តឹងនៅកន្លែង បន្ទាប់មកអ្នករងរបួសខាងលើបានហៅរ៉ឺមកម៉ូតូកង់បីដើម្បីដឹកយកទៅព្យាបាល និងប្តឹងសមត្ថកិច្ចឱ្យជួយអន្តរាគមន៍ភ្លាមៗផងដែរ។
ក្រោយពេលកើតហេតុ ភាគីទាំងសង្ខាងពុំមានដំណោះស្រាយ កំលាំងនគរបាលប៉ុស្តិ៍បានរាយការណ៍ទៅជំនាញចរាចរណ៍ ខណ្ឌពោធិ៍សែនជ័យ ដើម្បីយកម៉ូតូទាំង២គ្រឿងទៅរក្សាទុកនៅ ប៉ុស្តិ៍ ចោមចៅទី៣រង់ចាំការដោះស្រាយនៅពេលក្រោយ ៕
ចែករំលែកព័តមាននេះ