ប្រទេសឥណ្ឌាពេលនេះហាក់ដូចជាកំពុងធ្លាក់ចូលក្នុងវិបត្តិនយោបាយនៅពេលការប្រជុំសភាដែលគ្រោងធ្វើនៅថ្ងៃទី១៧ មីនា ត្រូវពន្យារពេលក្រោយពីគណបក្សប្រឆាំងទាមទារឱ្យរដ្ឋាភិបាលដឹកនាំដោយលោកនាយករដ្ឋមន្ត្រីម៉ាន់ ម៉ូហាន់ ស៊ីញ ចុះចេញពីតំណែងជាបន្ទាន់ ។ បក្សប្រឆាំងបានទាមទារឱ្យលោកម៉ាន់ម៉ូហាន់ ស៊ីញ ចុះចេញពីតំណែងក្រោយពីគេហទំព័រ Wikeleaks បង្ហាញថា គណបក្សកុងក្រេសរបស់លោកបានចំណាយប្រាក់ទិញសមាជិកសភាមួយចំនួនមុនពេលការបោះឆ្នោតផ្តល់សច្ចាប័នលើកិច្ចព្រមព្រៀងនុយក្លេអ៊ែររវាងប្រទេសឥណ្ឌា និងសហរដ្ឋអាេមរិក កាលពីឆ្នាំ២០០៨ កន្លងមក ។
ការប្រជុំសភាជាន់ទាប និងសភាជាន់ខ្ពស់របស់ប្រទេសឥណ្ឌាត្រូវបានពន្យារពេលក្រោយពីមានការតវ៉ារបស់គណបក្សប្រឆាំងដ៏សំខាន់គឺគណបក្ស Bharatiya Janata ទាមទារឱ្យរដ្ឋាភិបាលលោកម៉ាន់ម៉ូហាន់ ស៊ីញ ចុះចេញពីតំណែងក្រោយពីមានការចោទប្រកាន់ថា គណបក្សរបស់លោកចំណាយប្រាក់ទិញសមាជិកសភាមួយចំនួន ៕
ចែករំលែកព័តមាននេះ