រាជធានីភ្នំពេញ ៖ បុរសម្នាក់ជាជនជាតិចិនបានបើករថយន្តមួយគ្រឿងមិនបានប្រុងប្រយ័ត្នក៏ជ្រុលទៅកៀរគូទម៉ូតូមួយគ្រឿង បណ្តាលអោយស្ត្រីមានផ្ទៃពោះជិតគ្រប់ខែម្នាក់ដួលរយះជើង សំណាងល្អមិនប៉ះពាល់ដល់ទារកក្នុងផ្ទៃ ។
ហេតុការណ៍នេះបានកើតឡើងកាលពីវេលាម៉ោង១និង១០នាទីរំលងអាធ្រាត្រឈានចូលថ្ងៃទី១៤ ខែធ្នូ ឆ្នាំ២០១៨ តាមបណ្តោយផ្លូវព្រះមុនីវង្សកែងផ្លូវភ្លោះនៅចំណុចស្តុបកាណាឌីយ៉ា ស្ថិតនៅក្នុងសង្កាត់វត្តភ្នំ ខណ្ឌដូនពេញ។
សាក្សីដែលឃើញហេតុការណ៍បានអោយដឹងថា មុនពេលកើតហេតុ គេឃើញស្ត្រីម្នាក់មិនស្គាល់អត្តសញ្ញាណមានផ្ទៃពោះជិតគ្រប់ខែ បានជិះម៉ូតូមួយគ្រឿងម៉ាកហុងដាស្គូពី ពណ៌ខ្មៅពាក់ស្លាកលេខ ភ្នំពេញ ១HC-០៨៧៤ បើកបរតាមបណ្តោយផ្លូវភ្លោះក្នុងទិសដៅពីកើតទៅលិច ។
ប្រភពដដែលបានបន្តថា លុះពេលម៉ូតូបើកបរមកដល់ចំណុចកើតហេតុខាងលើនេះបានស៊ីញ៉ូបត់ឆ្វេងក៏ស្រាប់តែមានបុរសម្នាក់ទៀតជាជនជាតិចិនបានបើករថយន្តមួយគ្រឿងម៉ាកFORTUNA ពណ៌ស ពាក់ស្លាកលេខ ភ្នំពេញ ២AR-៥៤៩៣ បើកបរយ៉ាងលឿន ហើយមិនបានប្រុងប្រយ័ត្នក៏ជ្រុលទៅកៀរគូទម៉ូតូម៉ាកស្គូពី បណ្តាលអោយដួលម៉ូតូ ចំណែកស្ត្រីមានផ្ទៃពោះបានរងរបួសរយះជើង សំណាងល្អក្នុងនក្នុងផ្ទៃមិនមានប៉ះពាល់អ្វីនោះទេ។
ភ្លាមៗនោះដែលអ្នកបើកបររថយន្តជាជនជាតិចិនបានឈប់រថយន្ត ហើយចុះមកមើលស្ត្រីរងគ្រោះដើម្បីដោះស្រាយជួយចេញថ្លៃព្យាបាល រីឯរថយន្ត និងម៉ូតូវិញខូចខាតតិចតួចប៉ុណ្ណោះ មួយសន្ទុះក្រោយមកក៏មានរថយន្តសង្គ្រោះរបស់គ្លីនិកឯកជនបានមកដល់ដឹកយកស្ត្រីរងគ្រោះយកទៅព្យាបាលផងដែរ ។
ក្រោយពេលកើតហេតុខាងម្ចាស់រថយន្តខាងលើសុខចិត្តជួយចេញថ្លៃព្យាបាល និងថ្លៃថ្នាំពេទ្យ ដើម្បីបញ្ចប់រឿង ៕
ចែករំលែកព័តមាននេះ