ឆ្មក់បង្ក្រាបនៅតំបន់ផ្លូវរថភ្លើងR6 ឃាត់ខ្លួន២នាក់
- ភ្នំពេញ
រាជធានីភ្នំពេញ ៖ កំលាំងនគរបាលខណ្ឌដូនពេញ ក្រោមការបញ្ជាពីលោក វរសេនីយ៍ឯក ទៀង ច័ន្ទសារ អធិការខណ្ឌ និងដឹកនាំផ្ទាល់ដោយលោក ម៉ៅ…
រាជធានីភ្នំពេញ ៖ កំលាំងនគរបាលខណ្ឌដូនពេញ ក្រោមការបញ្ជាពីលោក វរសេនីយ៍ឯក ទៀង ច័ន្ទសារ អធិការខណ្ឌ និងដឹកនាំផ្ទាល់ដោយលោក ម៉ៅ…
រាជធានីភ្នំពេញ ៖ កំលាំងនគរបាលខណ្ឌដូនពេញ ក្រោមការបញ្ជាពីលោក វរសេនីយ៍ឯក ទៀង ច័ន្ទសារ អធិការខណ្ឌ និងដឹកនាំផ្ទាល់ដោយលោក ម៉ៅ ចាន់ថុន អធិការនគរបាកទទួលផែនប្រឆាំងគ្រឿងញៀន បានធ្វើការឆ្មក់ចូលបង្ក្រាបតំបន់គ្រឿងញៀនផ្លូវរថភ្លើងR6 ជាក់ស្តែងឃាត់ខ្លួនជនសង្ស័យចំនួន២នាក់ជាបន្តបន្ទាប់ និងដកហូតបានថ្នាំញៀនម៉ាទឹកកកចំនួន២៤កញ្ចប់តូច និង១កញ្ចប់ធំ ។
ប្រតិបត្តិការចុះបង្ក្រាបនេះបានធ្វើឡើងកាលពីវេលាម៉ោង២និង៣០នាទីរសៀលថ្ងៃទី១៣ ខែ ធ្នូ ឆ្នាំ ២០១៨ នៅចំណុចផ្លូវរថភ្លើង R6 ក្រុមទី៣៩ ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ ។
ជនសង្ស័យទាំង២នាក់លើ ម្នាក់ឈ្មោះ សំ សុខជា ភេទប្រុស អាយុ១៤ឆ្នាំ មុខរបរមិនពិត ស្នាក់នៅកន្លែងកើតហេតុ មានស្រុកកំណើតនៅខេត្តក្រចេះ និងដកហូតបានថ្នាំញៀនចំនួន១៣កញ្ចប់តូចនិង១កញ្ចប់ធំ បានធ្វើការឃាត់ខ្លួនកាលពីវេលាម៉ោង២និង៣០នាទីថ្ងៃដដែល ។
ចំណែកម្នាក់ទៀតឈ្មោះ សៅ សេង ភេទប្រុស អាយុ៣២ឆ្នាំ មុខរបរជាងដែក ស្នាក់នៅ ខណ្ឌមានជ័យ មានស្រុកខេត្តតាកែវ និងដកហូតបានថ្នាំញៀនចំនួន១១កញ្ចប់ បានធ្វើការឃាត់ខ្លួននៅវេលាម៉ោង៣និង៣០នាទីថ្ងៃដដែល ។
បច្ចុប្បន្នជនសង្ស័យទាំង២នាក់ រួមទាំងវត្ថុតាង ត្រូវបានសមត្ថកិច្ចនាំមកកាន់ផ្នែកជំនាញ នៃអធិការដ្ឋាននគរបាលខណ្ឌដូនពេញ ដើម្បីធ្វើការសាកសួរ និងកសាងសំណុំរឿង បញ្ជូនឡើងតុលាការចាត់ការតាមនីតិវីធី៕
ចែករំលែកព័តមាននេះ