សហរដ្ឋអាមេរិក ៖ អតីតមេធាវីរបស់លោកដូណាល់ត្រាំ លោកMICHAEL COHENកាលពីថ្ងៃទី១២ធ្នូ ទទួលការកាត់ទោសដាក់គុក៣ឆ្នាំនិងពិន័យជាប្រាក់សរុប១០០.០០០ដុល្លារ ពីសំណាក់ចៅក្រមសហព័ន្ធម៉ាន់ហាតាន់មួយរូប បន្ទាប់ពីជីកកកាយរឿងអាក្រក់របស់ប្រធានាធិបតី ដែលពួកអ្នកសើុបអង្កេតយល់ថា នោះជាទង្វើដ៏គ្រោះថ្នាក់មួយ។
មុនការប្រកាសពីទោសរបស់ខ្លួនលោកCOHENនិយាយទាំងអ៊ួលដើមករ និងស្រក់ទឹកភ្នែកសម្ដែងការសោកស្ដាយដែលបានបម្រើជាមនុស្សទុកចិត្តរបស់មហាសេដ្ឋីនោះអស់ពេលជាង១ទសវត្ស។
ដោយលើកពីសារតាមTWITTERនាពេលថ្មីៗនេះរបស់លោកត្រាំ ចាត់ទុករូបលោកជាមនុស្សអន់ខ្សោយ មេធាវីនិងជាពាណិជ្ជករអាយុ៥២ឆ្នាំរូបនោះនិយាយថា នោះជាការពិត ប៉ុន្តែហេតុផលមួយ ខ្ញុំយល់ថានោះជាកាតព្វកិច្ចរបស់ខ្ញុំទំលាយរឿងអាក្រក់ៗរបស់លោកត្រាំជាជាងស្ដាប់មនសិការនិងការវិនិច្ឆ័យខាងសីលធម៌របស់ខ្ញុំ។
នៅមុខគ្រួសារទាំងមូលលោកCOHENនិយាយថា លោកប្ដេជ្ញាបង្ហាញថាពុំមែនរូបលោកទេដែលទទួលថ្មបាក់ពីរឿងនោះ តែនោះគឹភាពស្មោះត្រង់របស់លោក ចំពោះមហាសេដ្ឋីក្រុងញូវយ៉ក ដែលរុញច្រានលោកឲ្យធ្លាក់ក្នុងភពងងឹត ដោយទិញជាពិសេសពេលយុទ្ធការឃោសនាបោះឆ្នោតឆ្នាំ២០១៦ ការបិទមាត់របស់នារី២នាក់ អំពីទំនាក់ទំនងផ្លូវភេទជាមួយលោកត្រាំ៕
ចែករំលែកព័តមាននេះ