ខេត្តព្រះសីហនុ ៖ ប្រភពព័ត៌មានពីលោកអធិការដ្ឋាននគរបាលស្រុកព្រៃនប់បានអោយដឹងថា កាលពីវេលាម៉ោង៨យប់ថ្ងៃទី១២ ធ្នូ ឆ្នាំ២០១៨ កម្លាំងអន្តរាគមន៍ពិសេសនៃអធិការដ្ឋាននគរបាលស្រុកព្រៃនប់ ដឹកនាំដោយវរសេនីយ៍ទោ ហួ យ៉ៃ អធិការនគរបាលស្រុកព្រៃនប់ បានចុះអនុវត្តដីកាបង្គាប់ឲ្យចាប់ខ្លួនរបស់សាលាដំបូងខេត្តព្រះសីហនុមួយច្បាប់លេខ៧២តព/១៨ ដែលចុះហត្ថលេខាដោយលោក សុខ កល្យាណ ចៅក្រមជំនុំជម្រះសាលាដំបូងខេត្តព្រះសីហនុ បានបង្គាប់ឲ្យចាប់ខ្លួនជនសង្ស័យម្នាក់ ។
ជនសង្ស័យដែលត្រូវចាប់ខ្លួនឈ្មោះ យ៉ែម លីខួយ ហៅ ខ្លេញ ភេទប្រុស អាយុ២១ឆ្នាំ មុខរបរ មិនពិតប្រាកដ មានទីលំនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ ពីបទជួញដូរដោយខុសច្បាប់នូវសារធាតុញៀន ដែលប្រព្រឹត្តនៅភូមិតាពៅ ឃុំតានៃ ស្រុព្រៃនប់ ខេត្តព្រះសីហនុ កាលពីថ្ងៃទី១៣ ខែកក្កដា ឆ្នាំ២០១៧ ក្នុងពេលដែលជននេះកំពុងបង្កការអុកឡុកក្នុងកម្មវិធីប្រគុំតន្ត្រីមួយនៅឃុំវាលរេញ ។ បច្ចុប្បន្នមុខសញ្ញាបានបញ្ជូនទៅការិយាលយ័ជំនាញ ៕
ចែករំលែកព័តមាននេះ