រាជធានីភ្នំពេញ៖ មួយរយៈពេលចុងក្រោយមកនេះមហាជនមានការងឿងឆ្ងល់ចំពោះក្រុមបង្ហាញម៉ូដរបស់កញ្ញាឌួង ហ្សូរីដា «ខេមបូឌាស៊ុបពើម៉ូដែល»ហាក់មានសភាពស្ងប់ស្ងាត់សកម្មភាព ។ ការស្ងប់ស្ងាត់នេះធ្វើឲ្យមានការគិតថាក្រុមដែលធ្លាប់ល្បីឈ្មោះនេះប្រហែលជាចែកផ្លូវគ្នារកការងារទីទៃរៀងខ្លួនអស់ហើយ ។ កាលពីពេល ថ្មីៗកន្លងមកតាមរយៈការសាកសួររបស់ភ្នាក់ងារកោះសន្តិភាព កញ្ញាឌួង…
រាជធានីភ្នំពេញ៖ មួយរយៈពេលចុងក្រោយមកនេះមហាជនមានការងឿងឆ្ងល់ចំពោះក្រុមបង្ហាញម៉ូដរបស់កញ្ញាឌួង ហ្សូរីដា «ខេមបូឌាស៊ុបពើម៉ូដែល»ហាក់មានសភាពស្ងប់ស្ងាត់សកម្មភាព ។ ការស្ងប់ស្ងាត់នេះធ្វើឲ្យមានការគិតថាក្រុមដែលធ្លាប់ល្បីឈ្មោះនេះប្រហែលជាចែកផ្លូវគ្នារកការងារទីទៃរៀងខ្លួនអស់ហើយ ។
កាលពីពេល ថ្មីៗកន្លងមកតាមរយៈការសាកសួររបស់ភ្នាក់ងារកោះសន្តិភាព កញ្ញាឌួង ហ្សូរីដា បានបកស្រាយឆ្លើយតបទៅនឹងចម្ងល់របស់មហាជនដែលតាមដានក្រុមរបស់នាងកន្លងមក។ កញ្ញាឌួង ហ្សូរីដា ឲ្យដឹងថា «ក្រុមរបស់នាងខ្ញុំនៅតែបន្តការរួបរួមគ្នាធ្វើការដូចតែពីមុន ដោយទាំងសមាជិកថ្មី និងចាស់នៅតែបន្តមានដដែល ។។
យើងងាកមកធ្វើការចែកក្រុម ប្រសិនបើក្រុមហ៊ុនណាគេជ្រើសម៉ូឌែល២ឬ៣នាក ់យើងចាត់ចែងតាមហ្នឹង ។ជាទូទៅយើងបានងាកមកធ្វើការជាលក្ខណៈទ្រង់ទ្រាយ ធំៗវិញអាចថាជាថ្នាក់ជាតិ ឬកម្មវិធីសំខាន់ពិសេសទើបយើងសម្រេចទទួលការងារ ដោយមិនអាចទទួលការងារ តូចៗបានដូចមុន »។
កញ្ញាឌួង ហ្សូរីដាអះអាងទៀតថា«ពួកយើងបានតស៊ូជាមួយអាជីពដើរបង្ហាញម៉ូដតាំងពីមិនទាន់មានគេល្បី ដោយយើងមិនអាចបោះបង់ចោលនោះទេ ព្រោះនោះជាប្រភពចំណូលមួយផ្នែកនៃសិល្បៈរបស់ពួកយើងទាំងអស់គ្នាដែរ។រហូតមកទល់ពេលនេះបើទោះបីជារវល់បែបណាក៏យើងចាត់ចែងកោះហៅកូនចៅមកហាត់រៀនដើរជាប្រចាំឲ្យតែទំនេរព្រោះសុទ្ឋតែជាការងារ ។ យើងមិនមែនលើកតម្កើងក្រុមនោះទេ តែអាចនិយាយថាយើងមមាញឹករកសុី ផ្សេងៗទើបពុំសូវបានជុំគ្នាចេញធ្វើការ លើកលែងតែកម្មវិធី ធំៗប៉ុណ្ណោះ »។
ក្រុមបង្ហាញម៉ូដខេមបូឌាស៊ុបពើម៉ូដែលជាក្រុមបង្ហាញម៉ូដមួយដែលមានឈ្មោះល្បីក្នុងសង្គមសិល្បៈ ។ ក្រុមនេះធ្លាប់អង្រួនឆាកសម្តែងឲ្យមហាជនជក់ចិត្តជាមួយការដើរបង្ហាញរាងល្វតល្វន់ និងតុបតែងកាយ ប្លែកៗ ។ ជាពិសេសក្រុមនេះប្រជុំដោយតារា ល្បីៗទាំងប្រុសទាំងស្រីដូចជាចន ច័ន្ទលក្ខិណា ទូច ស្រីលក្ខណ៍ និងកែវពេជ្រពិសី ជាដើម ។ បន្ទាប់ពីលេចត្រដែតមកស្រាប់តែក្រុមរបស់ឌួង ហ្សូរីដា ហាក់ស្ងប់ស្ងាត់សកម្មភាព ហើយឃើញមានក្រុមម៉ូដែលផ្សេងលេចឡើង ៕
ចែករំលែកព័តមាននេះ