ពន្លះគ្នាយ៉ាងសាហា.វម្តុំទំនប់កប់ស្រូវប៉ើងធ្លាក់ចេញពីផ្លូវទាំង២គ្រឿង (មានវីដេអូ)
- ភ្នំពេញ
រាជធានីភ្នំពេញ៖ រថយន្តដឹកដីមួយគ្រឿងបានបើកជែងស្តាំបោះពួយក្នុងល្បឿនលឿនជ្រុលទៅបុករថយន្តម៉ាកហ៊ីយ៉ាន់ដាយដឹកសំបកដបជ័រមួយគ្រឿង ដែលកំពុងឈប់លើដងផ្លូវពេញទំហឹង បណ្តាលអោយរថយន្តទាំង២គ្រឿងធ្លាក់ផ្លូវ ហើយមួយគ្រឿងទៅបុកបង្គោលភ្លើងជាប់បណ្តាលអោយមនុស្សម្នាក់រងរបួសធ្ងន់ ។ គ្រោះថ្នាក់ចរចរណ៍ខាងលើនេះបានកើតឡើងកាលពីវេលាម៉ោង១២និង៤០នាទីថ្ងៃត្រង់ទី១៣ ខែធ្នូ ឆ្នាំ២០១៨ នៅតាមផ្លូវទំនប់កប់ស្រូវ…
គ្រោះថ្នាក់ចរចរណ៍ខាងលើនេះបានកើតឡើងកាលពីវេលាម៉ោង១២និង៤០នាទីថ្ងៃត្រង់ទី១៣ ខែធ្នូ ឆ្នាំ២០១៨ នៅតាមផ្លូវទំនប់កប់ស្រូវ ក្នុងភូមិត្រពាំងរាំង សង្កាត់ឃ្មួញ ខណ្ឌសែនសុខ ។
រថយន្តដឹកដីដែលបានបើកជែងបង្កគ្រោះថ្នាក់នោះម៉ាកហ៊ីណូ ពណ៌ស ពាក់ស្លាកលេខ ភ្នំពេញ ៣C-០០៨៥ អ្នកបើកបរបានរត់គេចខ្លួនបាត់ រីឯរថយន្តរងការខូចខាតធ្ងន់ធ្ងរ។
ចំណែករថយន្តមានដឹកសំបកដបជ័រម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ ២I-២៨៤៣ ត្រូវរថយន្តដឹកដីបុកប៉ើងធ្លាក់ផ្លូវទៅបុកបង្គោលភ្លើងខ្ទេចមុខ ។
ដោយឡែកអ្នករងរបួសពុំត្រូវបានស្គាល់អត្តសញ្ញាណឡើយ ជាព្រូរថយន្តមានដឹកសំបកដបត្រូវបានបញ្ជូនទៅសង្គ្រោះ។
តាមសាក្សីបានអោយដឹងថា នៅមុនពេលកើតហេតុ គេឃើញរថយន្តមួយគ្រឿងមានដឹកសំបកដបបានឈប់នៅលើដងផ្លូវ ពេលនោះស្រាប់តែមានរថយន្តដឹកដីមួយគ្រឿងខាងលើបានធ្វើដំណើរតាមផ្លូវទំនប់កប់ស្រូវក្នុងទិសដៅពីលិចទៅកើត លុះមកដល់កន្លែងកើតហេតុ ក៏បានបើកជែងស្តាំយានយន្តផ្សេងៗទៀត ក៏បានជ្រុលទៅបុកពីក្រោយរថយន្តមានដឹកសំបកដបដែលកំពុងតែឈប់ចតយ៉ាងពេញទំហឹង បណ្តាលអោយរថយន្តទាំង២គ្រឿងធ្លាក់ចេញផ្លូវ។
តាមប្រភពព័ត៌មានបានអោយដឹងទៀតថា នៅក្នុងគ្រោះថ្នាក់ខាងលើនោះបណ្តាលអោយព្រូរថយន្តដែលមានដឹកសំបកដប កំពុងតែឈប់ចងតង់ធ្លាក់ពីលើរថយន្តរងរបួសធ្ងន់ ។
ដោយឡែករថយន្តដឹកដីបានក្រឡាប់ ហើយអ្នកបើកបរខំស្រវាលូនចេញពីក្នុងរថយន្ត រួចក៍រត់គេចខ្លួនបាត់ បន្សល់ទុករថយន្តដែលរងការខូចខាតធ្ងន់ធ្ងរនៅកន្លែងកើតហេតុ ។
ភ្លាមៗនោះនគរបាលខណ្ឌសែនសុខ ក៏បានចុះទៅដល់កន្លែងកើតហេតុទាក់ទងហៅរថយន្តមកស្ទូចយកមករក្សាទុកនៅអធិការដ្ឋាន ដើម្បីដោះស្រាយសងការខូចខាត៕
ចែករំលែកព័តមាននេះ