រាជធានីភ្នំពេញ៖ វិនិយោគិនខ្មែរមួយរូបដែលវិនិយោគលើការផ្តល់សេវារោងកុនទំនើបនៅកម្ពុជា បានអះ អាងថារយៈប៉ុន្មានឆ្នាំចុងក្រោយនេះ គឺមានអ្នកចូលទស្សនានៅក្នុងរោងភាពយន្តទំនើបហាក់មានកំណើនពីមួយឆ្នាំទៅមួយឆ្នាំ ដូច្នេះហើយវាទាមទារឲ្យមានការបើកទីតាំងរូបភាពយន្តទំនើបបន្ថែមទៀត ដើម្បីបំពេញតម្រូវការរបស់អតិថិជន ។ យោងទៅតាមប្រសាសន៍របស់លោក តែ…
រាជធានីភ្នំពេញ៖ វិនិយោគិនខ្មែរមួយរូបដែលវិនិយោគលើការផ្តល់សេវារោងកុនទំនើបនៅកម្ពុជា បានអះ អាងថារយៈប៉ុន្មានឆ្នាំចុងក្រោយនេះ គឺមានអ្នកចូលទស្សនានៅក្នុងរោងភាពយន្តទំនើបហាក់មានកំណើនពីមួយឆ្នាំទៅមួយឆ្នាំ ដូច្នេះហើយវាទាមទារឲ្យមានការបើកទីតាំងរូបភាពយន្តទំនើបបន្ថែមទៀត ដើម្បីបំពេញតម្រូវការរបស់អតិថិជន ។
យោងទៅតាមប្រសាសន៍របស់លោក តែ សុង នាយកប្រតិបត្តិរោងភាពយន្ត Legend (លេជេន) ដែល
ជាការវិនិយោគរបស់វិនិយោគិនខ្មែរសុទ្ធសាធ បានប្រកាសថា នៅឆ្នាំ ២០១៩ខាងមុខនេះគ្រោងនឹងបើកដំណើរការ៣ទីតាំងបន្ថែមទៀត នៅក្នុងប្រទេសកម្ពុជាដែលស្មើនឹង២០រោង ហើយគ្រោងនឹងចំណាយប្រាក់ប្រមាណពី៤ទៅ៨លានដុល្លារអាមេរិក ។
លោក តែ សុង មានប្រសាសន៍ថា ដោយសារតែកំណើននៃ អ្នកចូលទស្សនានៅក្នុងរោងភាពយន្តលេជេន មានកំណើនពីមួយឆ្នាំទៅមួយឆ្នាំ បានធ្វើអោយរោងភាពយន្តនេះ ពង្រីកទីតាំងរបស់ខ្លួនជាបន្តបន្ទាប់ផងដែរ ។ រហូតមកដល់បច្ចុប្បន្ននេះរោងភាពយន្តលេជេនមាន២៨រោង នៅទីតាំងចំនួន ៦នៅក្នុងប្រទេសកម្ពុជា គឺភាគច្រើននៅតាមផ្សារទំនើបធំៗនៅក្នុងប្រទេស និងនៅតាមមជ្ឈមណ្ឌលកម្សាន្តនានា ក្នុងប្រទេសកម្ពុជា ។
លោកបន្តថា ចាប់តាំងពីពេលបើកដំណើរការដំបូង នៅក្នុងឆ្នាំ ២០១១ រោងភាពយន្តលេជេន បានរីកចម្រើនជាបន្តបន្ទាប់ ជាមួយនឹងការអភិវឌ្ឍន៍បច្ចេកវិទ្យាក្នុងវិស័យភាពយន្ត ហើយរោងភាពយន្តនេះដែរ ក៏ត្រូវបានចាត់ទុកជារោងភាពយន្តដែលបានគិតគូរ លើកស្ទួយពីភាពយន្តខ្មែរផងដែរ ជាក់ស្ដែងលេជេនតែងតែផ្ដល់ការសហការជាមួយបណ្ដាផលិតកម្មនានា ក្នុងការថតភាពយន្តខ្មែរ និងរៀបចំពិធីសម្ពោធភាពនានា នៅតាមបណ្ដារោងភាពយន្តរបស់ខ្លួន នៅក្នុងប្រទេសកម្ពុជា ។
លោកបន្ថែមថា ក្នុង មួយឆ្នាំៗរោងភាពយន្តលេជេនទាំង៦ទីតាំង និង ២៨រោង ទទួលបានអ្នកទស្សនាសរុបប្រមាណ៤លាននាក់ ក្នុងនោះក៏មានជនបរទេសប្រមាណ៣០ភាគរយផងដែរ ចូលទស្សនា ដើម្បីទទួលបទពិសោធន៍រោងភាពយន្តខ្មែរ ហើយបើគិតជាចំណូលវិញ ក្នុងមួយឆ្នាំៗអាចរកចំណូលបានប្រមាណ១០លានដុល្លារអាមេរិក ។លោកថា ៖« សម្រាប់រោងកុនទាំង៦ទីតាំងនេះដែរ បានផ្ដល់ការងារដល់ពលរដ្ឋក្នុងស្រុកប្រមាណជាង២០០នាក់ ក្នុងនោះមួយរោងត្រូវការបុគ្គលិកជាមធ្យមពី៤០ទៅ៤៥នាក់ ដើម្បីមើលការខុសត្រូវ និងដើម្បីបម្រើសេវាកម្មជូនអ្នកទស្សនិកជនរបស់ខ្លួន» ។
នាយកប្រតិបត្តិរូបនេះ បានបន្ថែមទៀតថា សម្រាប់រោងភាពយន្តដែលនឹងត្រូវវិនិយោគបន្ថែម នៅក្នុងប្រទេស កម្ពុជាក្នុងមួយរោងៗ ត្រូវចំណាយទឹកប្រាក់ប្រមាណពី២០ម៉ឺនដុល្លារទៅ ៤០ម៉ឺនដុល្លារ ទៅតាមទំហំនិងការបំពាក់បច្ចេកទេសនៅតាមរោងភាពយន្តទាំងនោះ ។
លោកតែ សុង បញ្ជាក់ថា ទីតាំងទាំងបីដែលគ្រោងនឹងបើកនៅឆ្នាំ ២០១៩នេះ រួមមាន នៅខេត្តព្រះសីហនុ ១ទីតាំង នៅរាជធានីភ្នំពេញពីរទីតាំង គឺនៅផ្សារទំនើប អូឡាំព្យាស៊ីធី និងនៅផ្សារទំនើប Midtown តាមបណ្ដោយផ្លូវ ២០០៤ មួយទីតាំង។ ដោយឡែកសម្រាប់ផ្សារទំនើបដែលគ្រោងនឹងបើកនៅកម្ពុជា នៅថ្ងៃអនាគតក៏ជាសក្ដានុពលសម្រាប់ការពង្រីកវិសាលភាពរោងភាពយន្តរបស់ខ្លួនអោយកាន់តែច្រើនផងដែរ ។
លោកព្រំ បញ្ញាវ័ន្ត ប្រធានផ្នែកទីផ្សារនៃរោងភាពយន្ត លេជេន ក៏បានអោយដឹងផងដែរថា រោងភាពយន្តលេជេនតែងតែ ជំរុញលើកទឹកចិត្តដល់ផលិតករខ្មែរ ដែលមានបំណងផលិតភាពយន្តខ្មែរ ដោយរោងកុនតែងតែសហការផ្ដល់នូវទីតាំងសម្រាប់ថត និងផ្ដល់ទីតាំងសម្រាប់ពិធីប្រកាសចាក់បញ្ចាំងរឿងជាដើម ។
លោកថា ៖« ជាការកត់សម្គាល់ បច្ចុប្បន្ននេះ កំនើននៃអ្នកគាំទ្រភាពយន្តខ្មែរ និងបរទេសមានប្រហាក់ប្រហែលគ្នា ពេលខ្លះរឿងខ្មែរទទួលបានការគាំទ្រច្រើនជាងរឿងបរទេស ក្នុងករណីរឿងខ្មែរមានបច្ចេកទេស ថតល្អ និងឈុតឆាកគួរអោយចង់មើល ដូចជារឿង ការពារឧក្រិដជន រឺJailbreak ជាដើម» ៕ ដោយសហការ
ចែករំលែកព័តមាននេះ