ខេត្តកំពង់ចាម ៖ កម្លាំងរបស់ CMAC មានគ្នាជាច្រើននាក់រួមជាមួយនឹងគ្រឿងចក្រ ប្រដាប់រាវគ្រាប់ បានចាប់ផ្តើមប្រតិបត្តិការសំអាតដី និងឈូសឆាយសំរាមចេញឲ្យស្អាត ដែលមានទីតាំងនៅក្រោយសា លប្រជុំធំ…
ខេត្តកំពង់ចាម ៖ កម្លាំងរបស់ CMAC មានគ្នាជាច្រើននាក់រួមជាមួយនឹងគ្រឿងចក្រ ប្រដាប់រាវគ្រាប់
បានចាប់ផ្តើមប្រតិបត្តិការសំអាតដី និងឈូសឆាយសំរាមចេញឲ្យស្អាត ដែលមានទីតាំងនៅក្រោយសា
លប្រជុំធំ របស់ស្នងការដ្ឋាននគរបាលខេត្ត ។
ដែលបានដំណើរការនៅថ្ងៃទី១២ និង១៣ ខែធ្នូ ២០១៨ ក្នុងនោះបានរុករកឃើញគ្រាប់ដែលផ្ទុះរួចបានមួយចំនួនដោយបានរៀបចំដាក់នៅកន្លែងបាវខ្សាច់មានសុវត្ថិភាពនៅក្នុងបរិវេណនោះមិនអនុញ្ញាតឲ្យនរណាម្នាក់ចូលទៅក្នុង បរិវេណកន្លែងរាវរកគ្រាប់ទេ ។
តាមប្រភពឲ្យដឹងថា នៅព្រឹកថ្ងៃទី១៣ ធ្នូនេះ លោកឧត្តមសេនីយ៍ទោ ឯម កុសល ស្នងការនគរបាលខេត្តបាននាំយកនូវគ្រឿងឧបភោគបរិភោគមួយចំនួនជូនដល់មន្ត្រីរបស់អង្គការ CMAC ដែលបានខិតខំចំណាយកម្លាំងកាយ និងកម្លាំងចិត្តមានគ្នាជាច្រើននាក់ ដោយមានបំពាក់នូវសម្ភារៈបច្ចេកទេសមករាវរកគ្រាប់ ដែលបានបន្សល់ទុកកប់ក្នុងដី ដែលជាឃ្លាំងគ្រាប់បានផ្ទុះ កាលពី២៧ឆ្នាំមុន ។
តាមប្រភពបន្តឲ្យដឹងទៀតថា ក្នុងប្រតិបត្តិការរាវរកគ្រាប់នៅក្នុងឃ្លាំងកប់ក្នុងដីនោះ មានការចូលរួមពី
កម្លាំងរបស់នគរបាលស្នងការដ្ឋានខេត្តបាននាំគ្នាសំអាតព្រៃ និងដើមចេកដែលដុះនៅលើឃ្លាំងឲ្យស្អា
ត ដើម្បីងាយស្រួលបង្កលក្ខណៈដល់មន្ត្រីស៊ីម៉ាករាវគ្រាប់ដោយឧបករណ៍បច្ចេកសទេស ។ នៅថ្ងៃទី១២ ធ្នូ នេះ បានរកឃើញគ្រាប់ដែលផ្ទុះរួចបានមួយចំនួនលុះមកដល់ថ្ងៃទី១៣ ធ្នូ កម្លាំងស៊ីម៉ាកបាននាំគ្នាប្រើប្រាស់ប៉ែលចូកកាយដី នៅផ្នែកខាងលើ ហើយបន្ទាប់មកបានឲ្យអេស្កាទៅកាយដីឲ្យបានជ្រៅដើម្បីយកគ្រាប់ដែលកប់នៅក្នុងដី ។ គេមិនទាន់ដឹងថា តើនឹងត្រូវចំណាយពេលវេលាប៉ុន្មានថ្ងៃ ដើម្បីយកគ្រាប់យុទ្ធភ័ណ្ឌដែលសេសសល់ពីការផ្ទុះក្នុងអំឡុងឆ្នាំ១៩៩១ ដែលតាមការឲ្យដឹងពីមន្ត្រីនគរបាលថា មានរហូតដល់ទៅរាប់តោនក្នុងនោះមានមួយផ្នែកជាគ្រាប់របស់នគរបាល និងមួយផ្នែកទៀតជាគ្រាប់របស់ទាហានដែលបានយកមករក្សាទុកដាក់រួមគ្នា ។
ក្នុងពេលដែលបានរៀបចំទុកដាក់ និងមានធ្វេសប្រហែលបន្តិចក៏បណ្តាលឲ្យផ្ទុះលាក់កក្រើកដីបណ្តាលឲ្យមន្ត្រីននគរបាលចំនួន២នាក់ស្លាប់ ក្នុងនោះមានអ្នកកាន់ឃ្លាំងផងដែរ ។
តាមប្រពភបញ្ជាក់ថា ការសំអាតយកគ្រាប់ចេញពីក្នុងឃ្លាំងក្នុងដី ដោយកម្លាំងស៊ីម៉ាក ដើម្បីឲ្យមានសុវ
ត្ថិភាព ព្រោះស្ថិតនៅចំកណ្តាលក្រុងកំពង់ចាម និងការពារកុំឲ្យមានហានិភ័យកើតឡើងជាយថាហេតុ ។ តាមការសង្កេតមន្ត្រីស៊ីម៉ាកបាននាំគ្នាសំអាតយកគ្រាប់ដោយមានការប្រុងប្រយ័ត្នខ្ពស់ តាមបច្ចេកទេសរាងៗខ្លួន ប្រតិបត្តិការខាងលើនេះក៏មានការចង្អុលបង្ហាញពីលោកអភិបាលខេត្តផងដែរ ៕
ចែករំលែកព័តមាននេះ