ខេត្តតាកែវ ៖ ក្រោយបែកធ្លាយពីភាពមិនប្រក្រតីនៃការសាងសង់ផ្សារព្រៃសណ្ដែកថ្មីដោយក្រុមអាជីវករខ្លះមិនសុខចិត្ត និងបានតវ៉ាថែមទាំងសរសេរជាសាររាយការណ៍តាមផេកហ្វេសប៊ុកសម្ដេចអគ្គមហាសេនាបតីតេជោ ហ៊ុន សែន ផងនោះ ត្រូវបានលោកប្រធានមន្ទីររៀបចំដែនដី នគររូបនីយ៍កម្ម និងសំណង់ខេត្តតាកែវ…
ខេត្តតាកែវ ៖ ក្រោយបែកធ្លាយពីភាពមិនប្រក្រតីនៃការសាងសង់ផ្សារព្រៃសណ្ដែកថ្មីដោយក្រុមអាជីវករខ្លះមិនសុខចិត្ត និងបានតវ៉ាថែមទាំងសរសេរជាសាររាយការណ៍តាមផេកហ្វេសប៊ុកសម្ដេចអគ្គមហាសេនាបតីតេជោ ហ៊ុន សែន ផងនោះ ត្រូវបានលោកប្រធានមន្ទីររៀបចំដែនដី នគររូបនីយ៍កម្ម និងសំណង់ខេត្តតាកែវ រកឃើញថា សំណង់ផ្សារនេះគ្មានលិខិតអនុញ្ញាតសាងសង់ឡើយគឺជាសំណង់ខុសច្បាប់ទាំងស្រុង ។
លោក នួន សុធា ប្រធានមន្ទីររៀបចំដែនដី នគររូបនីយ៍កម្ម និងសំណង់ខេត្តតាកែវបានចេញលិខិតអះអាងថា សំណង់ផ្សារព្រៃកសណ្តែកគឺគ្មានលិខិតអនុញ្ញាតសាងសង់នោះទេក្រោយពីលោកទៅពិនិត្យកាលពីថ្ងៃទី០៧ ខែធ្នូ ឆ្នាំ២០១៨ នៅបរិវេណផ្សារព្រៃសណ្ដែក ស្ថិតក្នុងភូមិព្រៃសណ្ដែក ឃុំព្រៃស្លឹក ស្រុកទ្រាំង ខេត្តតាកែវ ស្របពេលដែលផ្សារមួយនេះសាងសង់ជិតរួចរាល់ទៅហើយនោះ ។
ក្នុងលិខិតដែលលោកប្រធានមន្ទីរបំភ្លឺនោះបានផ្អែកលើ៤ចំណុចដែលអ្នកវិនិយោគផ្សារមួយនេះមិនគោរពតាមគឺទី១-ផ្សាព្រៃសណ្ដែកនេះ គឺពុំមានលិខិតអនុញ្ញាតឲ្យសាងសង់នោះទេ, ទី២-ទំហំតូបថ្មីក្នុងផ្សារគឺតូចជាងទំហំតូបដែលបានសន្យាមុនពេលសាងសង់, ទី៣–តូបថ្មីដែលបានសាងសង់មិនគ្រប់ចំនួនតូបចាស់ ឬតូបដែលបានកក់ប្រាក់ និងទី៤–អាជីវករដែលទទួលបានតូបថ្មីគឺខុសពីទីតាំងចាស់ឬនៅឆ្ងាយពីទីតាំងចាស់ដែលខ្លួនធ្លាប់លក់ ។
គួរំលឹកថា ផ្សារព្រៃសណ្ដែថ្មីនេះត្រូវបានទទួលការសាងសង់ដោយក្រុមហ៊ុន ខេង យ៉ារី ឌីវេឡុបមេន អេន អ៊ិនវេសមេន (ខេ. វ៉ាយឌី. អ៊ី) ជិតរួចរាល់ទៅហើយតែដោយសារមានការជជែកតវ៉ា និងមិនសុខចិត្តពីក្រុមអាជីវករមួយចំនួននោះស្រាប់តែបែកធ្លាយពីភាពមិនប្រក្រតីនៃការសាងសង់ ដែលចំណុចនេះធ្វើឲ្យក្រុមអាជីវករមានការសង្ស័យទៅលើអាជ្ញាធរស្រុកក៏ដូចជាអាជ្ញាធរពាក់ព័ន្ធថា អាចមានការជាប់ពាក់ព័ន្ធសមគំនិតគ្នាក្នុងការសាងសង់ផ្សារមួយនេះ ។
ទាក់ទិនទៅនឹងសំណង់ផ្សារទាំងមូលនេះជាសំណង់ខុសច្បាប់នេះ កោះសន្តិភាព យើងមិនទាន់អាចទាក់ទងសុំការបំភ្លឺពីតំណាងរបស់ក្រុមហ៊ុនវិនិយោគនេះគឺលោក វ៉ែន ចាន់ថូ ចំណែកលោកឈួន ផាន់នី អភិបាលស្រុកទ្រាំង កោះសន្តិភាព យើងមិនអាសុំការបំភ្លីបានដែរ ។
ចំណែកលោក អ៊ូច ភា អភិបាលខេត្តតាកែវកាលពីថ្ងៃទី១២ ខែធ្នូ ឆ្នាំ២០១៨ បានទៅពិនិត្យនៅផ្សារព្រែសណ្តែកថ្មីនេះដោយបានស្តាប់ការតវ៉ារបស់ក្រុមអាជីវករបើទោះបីជាបានដឹងថា ការសាងសង់ផ្សារព្រែសណ្តែកថ្មីនេះមិនមានច្បាប់បែបណាក៏ដោយគឺលោកអភិបាលខេត្តចុះទៅគ្រាន់តែស្តាប់ការតវ៉ារបស់ក្រុមអាជីវករតែប៉ុណ្ណោះ ៕
ចែករំលែកព័តមាននេះ