រាជធានីភ្នំពេញ ៖ ស្រលាញ់គាំទ្រភាពយន្តខ្មែរ ពេលនេះ ភាពយន្តផលិតដោយកូនខ្មែរ សម្រាប់កូនខ្មែរ ឥឡូវនេះអ្នកអាចទស្សនាដោយសេរីនៅលើ iflix ។
iflix សេវាកម្មកម្សាន្តឈានមុខគេលើពិភពលោក សម្រាប់ទីផ្សារដែលកំពុងរីកចម្រើន ចាប់ពីថ្ងៃនេះតទៅ នឹងចាប់ផ្តើមចាក់ផ្សាយខ្សែភាពយន្តខ្មែរថ្មីៗ ចំនួនបីនៅលើiflix កម្ពុជា។
ឥឡូវនេះ អ្នកអាចទស្សនាភាពយន្ត «អនុស្សាវរីយ៍ថ្ងៃចូលឆ្នាំ» «អ្នកនាងម្ចាស់ឡឺកឺ» និង«ក្រមុំសៅកែ» បានដោយសេរីនៅលើiflix។ ភាពយន្តនេះ មាននៅក្នុងចំណោមភាពយន្តខ្មែរចំនួន១៦ដែល មានស្រាប់ និងកំពុងមានប្រជាប្រិយនៅលើ iflix។ អ្វីដែលលោកអ្នកត្រូវធ្វើ គឺគ្រាន់តែចូលទៅកាន់គេហទំព័រ iflix.com និង ចុចJust Play!
អ្នកគ្រប់គ្រងប្រចាំប្រទេសកម្ពុជា លោក Harry Ward មានប្រសាសន៍ឲ្យដឹងថា ៖ «ពួកយើងសប្បាយចិត្ត និងមានមោទនភាព ដែលមានឱកាសបានរួមការងារជាមួយនឹងផលិតកម្មមហាហង្ស។ វាពិតជាសប្បាយរីករាយយ៉ាងខ្លាំង ដែលពួកយើងអាចក្លាយជាដៃគូសហការគ្នាយ៉ាងល្អ ក្នុងការដាក់បញ្ចាំងភាពយន្តរបស់ផលិតកម្មមហាហង្ស ក្នុងសេវាកម្មកម្សាន្តរបស់ពួកយើង។ ការសហការនេះបានសបញ្ជាក់ឲ្យឃើញថា iflix កម្ពុជា មានបំណងបង្ហាញស្នាដៃរបស់កូនខ្មែរ រួមជាមួយភាពយន្តផ្សេងទៀតរបស់យើងនៅទូទាំងពិភពលោក។ ពួកយើងជឿជាក់ថា អ្នកប្រើប្រាស់ ទាំងអស់នឹងពេញចិត្តភាពយន្ត និងរឿងភាគដ៏អស្ចារ្យជាច្រើនបែបច្រើនរសជាតិ ពីផលិតកម្ម មហាហង្ស» ។
ប្រធានផ្នែកគ្រប់គ្រងនៃផលិតកម្ម មហាហង្ស លោក អិន សុភិន បានបន្ថែមថា៖ « iflix ដែលជា សេវាកម្មកម្សាន្តឈានមុខគេលើពិភពលោក សម្រាប់ទីផ្សារដែលកំពុងរីកចម្រើន គឹជាដៃគូដ៏ពិសេស សម្រាប់ពួកយើងក្នុងការរួមការងារជាមួយគ្នា។ ខ្ញុំពិតជាមានកិត្តិយសណាស់ ក្នុងការសហការនេះ ព្រោះវាបានបង្ហាញពីការគាំទ្រឧស្សាហកម្មខ្សែភាពយន្តរបស់កម្ពុជា ដែលផ្តល់ជូនសេវាកម្ម និងគុណភាព ដ៏ពិសេស ជូនទៅដល់ទស្សនិកជន។ ខ្ញុំសង្ឃឹមថា ការរួមសហការនេះ នឹងមានភាពយូរ អង្វែង ដែលនឹងធ្វើឲ្យឧស្សាហកម្មខ្សែភាពយន្តខ្មែររីកចម្រើនទៅមុខ។
រឿងទើបចេញ៖
១- អនុស្សាវរីយ៍ថ្ងៃចូលឆ្នាំ
ប្រភេទ៖ កំប្លែងបែបមនោសញ្ចេតនា
តួអង្គ៖ Shahkrit Yamnarm (កំពូលតារាសម្តែងជនជាតិថៃ) Piyamarth Phounpaseuth, Thana Tantranon, Chong Van Dong, ខា វ៉ៃហាំង (តារាសម្តែងខ្មែរ ដែលកំពុងមានប្រជាប្រិយ ភាព)
២- អ្នកនាងម្ចាស់ឡឺកឺ
ប្រភេទ៖ មនោសញ្ចេតនា
តួអង្គ៖ សុខ សោម៉ាវត្តី (តារាសម្តែងដែលមានប្រជាប្រិយភាព) លឹម រដ្ឋា អូន ឧស្សាហ៍ ជា វណ្ណារិទ្ធិ
៣- រឿង ក្រមុំសៅកែ
ប្រភេទ៖ កំប្លែងបែបមនោសញ្ចេតនា
តួអង្គ៖ កែវ ស្រីនាង (តារាសម្តែងដែលមានប្រជាប្រិយភាព) សុវណ្ណ គិរិ អ៊ុន សុធា អូន ឧស្សាហ៍
ភាពយន្តខ្មែរចំនួន១៦ដែលមានប្រជាប្រិយភាពជាងគេនៅលើiflix កម្ពុជា ៖ ១. អនុស្សាវរីយ៍ថ្ងៃចូលឆ្នាំ, ២. អ្នកនាងម្ចាស់ឡឺកឺ, ៣.ក្រមុំសៅកែ, ៤. ផ្លូវមរណៈ, ៥. ក្រមុំចាស់ប៉ះក្មេងស្ទាវ, ៦. អាមោកលក់ម៉ាំ, ៧. អ្នកម្តាយកំពូល, ៨. សួស្តីលោកគ្រូកម្លោះ, ៩. ខ្មោចទឹក, ១០. ខ្មោចថតកុន, ១១. អាព្រឿងងាប់ហើយ, ១២. អភូតហេតុស្នេហ៍ (រឿងភាគទូរទស្សន៍), ១៣. ម្ចាស់គំនុំម្ចាស់ស្នេហ៍ (រឿងភាគទូរទស្សន៍), ១៤. ពេជ្រក្នុងបេះដូង (រឿងភាគទូរទស្សន៍), ១៥. អច្ឆរិយៈស្នេហ៍(រឿងភាគទូរទស្សន៍), និង ១៦.ឆ្អែតចិត្ត (រឿងភាគទូរទស្សន៍)។
ឥឡូវនេះ ភាពយន្តទាំងអស់នេះ អាចឲ្យអតិថិជនជាងមួយពាន់លាននាក់នៅជុំវិញតំបន់អាស៊ី មជ្ឈឹមបូព៌ា និងអាហ្វ្រិក ស្វែងរកបាននៅលើiflix ដែលជាអ្នកនាំមុខផ្នែកសេវាកម្មកម្សាន្ត។ ilfix បានផ្តល់ជូនអតិថិជន នូវភាពយន្តហូលីវូដ ភាពយន្តក្នុងស្រុក ភាពយន្តភាគ កម្មវិធីផ្តាច់មុខ និងកម្មវិធី ដែលទើបតែទទួលពានរង្វាន់ ហើយក្នុងពេលឥឡូវនេះ អ្នកប្រើប្រាស់ថ្មីទាំងអស់ ដែលធ្វើការជាវប្រចាំ លោកអ្នកអាចប្រើសេវាកម្មនេះ បានរហូតដល់៥ឧបករណ៍រួមទាំងទូរស័ព្ទ កុំព្យូទ័រ ថេប្លេត និងទូរទស្សន៍ ដែលធ្វើឱ្យ «ការកម្សាន្តរបស់អ្នក អ្នកជាអ្នកគ្រប់គ្រង»។
សូមបញ្ជាក់ថា iflix គឺជាសេវាកម្មកម្សាន្តឈានមុខគេលើពិភពលោកក្នុងទីផ្សារ ដែលកំពុងរីកចម្រើន ផ្តល់ជូននូវ ជម្រើសជាច្រើន និងទូលំទូលាយដល់អតិថិជនក្នុងការទស្សនាកម្មវិធីទូរទស្សន៍ ខ្សែភាពយន្ត ភាពយន្ត ក្នុងស្រុក ការផ្សាយបន្តផ្ទាល់ ព័ត៌មានទាន់ហេតុការណ៍នៅជុំវិញពិភពលោក មិនថានៅកន្លែងណា ពេលណា លោកអ្នកទាញយកបាន គ្រាន់តែលោកអ្នកភ្ជាប់ជាមួយនឹងឧបករណ៍ ដែលមាន អ៊ីនធើណេត។
បង្កើតឡើងជាពិសេស សម្រាប់អតិថិជនជាងមួយពាន់លាន់នាក់ក្នុងទីផ្សារ ដែលកំពុងរីកចម្រើន ឥឡូវនេះ iflix ផ្តល់ជូនភាពពិសេសពីរដល់អ្នកប្រើប្រាស់ទាំងអស់ តាមរយៈ iflixFREE និង ការផ្តល់ជូនiflixVIP។ iflix គឺកំពុងតែដំណើរការសម្រាប់អតិថិជនក្នុងប្រទេស ម៉ាឡេស៊ី ឥណ្ឌូនេស៊ី ហ្វីលីពីន ថៃ ប្រុយណេ ស្រីលង្កា ប៉ាគីស្ថាន មីយ៉ាន់ម៉ា វៀតណាម ម៉ាឌីវ គុយវេត បារ៉េន អារ៉ាប់ ជូដន់ អ៊ីរ៉ាក់ លេបាណន់ អេហ្សីប សូដង់ កម្ពុជា នីហ្កើរ៉េន កេនយ៉ា ហ្កាណា នេប៉ាល់ បង់ក្លាដេស ហ្សីមបាបវ៉េ ម៉ូរ៉ូកូ តាន់ហ្សានី និងអូហ្កាដា៕ ដោយសហការ
ចែករំលែកព័តមាននេះ