រាជធានីភ្នំពេញ ៖ នារីម្នាក់កំពុងតែបើកបរម៉ូតូធ្វើដំណើរខ្វះការប្រុងប្រយត្ន័ដល់ផ្លូវបំបែកជាបួនក៏ត្រូវរថយន្តម៉ាកហាយឡែនឌ័រមួយគ្រឿង បានបើកជ្រុលទៅបុកពេញទំហឹង បណ្តាលអោយនារីជាអ្នកបើកបរម៉ូតូរងរបួសធ្ងន់ ចំណែករថយន្តបានបើកគេចបាត់ ដោយបន្សល់ទុកតែស្លាកលេខនៅកន្លែងកើតហេតុ ។ ហេតុការណ៍នេះបានកើតឡើងនៅវេលាម៉ោង១២និង៤០នាទី រំលងអាធ្រាត្រឈានចូលថ្ងៃទី…
រាជធានីភ្នំពេញ ៖ នារីម្នាក់កំពុងតែបើកបរម៉ូតូធ្វើដំណើរខ្វះការប្រុងប្រយត្ន័ដល់ផ្លូវបំបែកជាបួនក៏ត្រូវរថយន្តម៉ាកហាយឡែនឌ័រមួយគ្រឿង បានបើកជ្រុលទៅបុកពេញទំហឹង បណ្តាលអោយនារីជាអ្នកបើកបរម៉ូតូរងរបួសធ្ងន់ ចំណែករថយន្តបានបើកគេចបាត់ ដោយបន្សល់ទុកតែស្លាកលេខនៅកន្លែងកើតហេតុ ។
ហេតុការណ៍នេះបានកើតឡើងនៅវេលាម៉ោង១២និង៤០នាទី រំលងអាធ្រាត្រឈានចូលថ្ងៃទី ១៣ ខែធ្នូ ឆ្នាំ២០១៨ នៅជិតវិទ្យាល័យទួលទំពូង ផ្លូវ៤៣២ កែងនិង១៥៥សង្កាត់ទួលទំពូង១ ខណ្ឌចំការមន ។
តាមប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុ គេបានឃើញនារីម្នាក់មិនថាគោលបំណងទៅណានោះទេ គឺបានបើកបរម៉ូតូម៉ាកហ្សូមមើ អិច ពណ៌ស ពាក់ស្លាកលេខ ភ្នំពេញ ១FR-៨៣៣៧ ធ្វើដំណើរតាមផ្លូវ៤៣២ ក្នុងទិសដៅពីត្បូងទៅជើង ។
មកដល់ចំណុចកើតហេតុដែលជាផ្លូវបំបែកជាបួន ក៏ស្រាប់តែមានរថយន្តមួយគ្រឿងម៉ាកហាយឡែនឌ័រ ពណ៌ស ពាក់ស្លាកលេខ ភ្នំពេញ ២AH-០៨៥៨ ធ្វើដំណើរតាមផ្លូវ៤៣២ ក្នុងទិសដៅពីលិចទៅកើត ក្នុងល្បឿនលឿនដូចហោះ បានជ្រុលទៅបុកចំពាក់កណ្ដាលម៉ូតូយ៉ាងពេញទំហឹង បណ្តាលអោយខ្ទាតទាំងម៉ូតូ និងនារីជាអ្នកបើកបរម៉ូតូជិត១០ម៉ែត្រ បោកក្បាលហូរឈាមសន្លប់ស្តូកស្តឹងតែម្តង ។
ភ្លាមៗនោះដែរ នារីរងគ្រោះត្រូវបានរថយន្តសង្គ្រោះបានមកដឹកយកទៅសង្គ្រោះនៅគ្លិនិកឯកជន រីឯម៉ូតូរងការខូចខាតខ្ទេចខ្ទីមួយចំហៀងខាងឆ្វេង ។
ដោយឡែករថយន្តម៉ាកហាយឡែនឌ័រវិញមិនព្រមឈប់ទទួលខុសត្រូវឡើយ គឺព្យាយាមបើករត់គេចខ្លួនបាត់ស្រមោល ដោយបន្សល់ទុកស្លាកលេខជាប់ជាមួយនិង កាងរថយន្តនៅនិងកន្លែងកើតហេតុតែប៉ុណ្ណោះ ។
ក្រោយពេលកើតហេតុ គេឃើញមានសមត្ថកិច្ចមូលដ្ឋាន និងជំនាញចរាចរណ៍ខណ្ឌចំការមនចុះទៅទៅកន្លែងកើត រួចហើយក៍បានធ្វើវាស់វែងយកម៉ូតូនិងស្លាកលេខរថយន្តទៅរក្សាទុកនៅអធិការដ្ឋានខណ្ឌចំការមន ដើម្បីអោយម្ចាស់រថយន្តខាងលើចូលខ្លួនមកធ្វើការដោះស្រាយជាមួយនិងជនរងគ្រោះ ៕
ចែករំលែកព័តមាននេះ