ការលក់ iPhone XR ដាំក្បាលចុះពេកពេលនេះ Apple បន្ទាបតម្លៃ
លោក Tim Cook ជួបនឹងព័ត៌មានកាន់តែមិនល្អឡើង បន្ទាប់ពីការលក់បញ្ចុះតម្លៃទូរស័ព្ទ iPhone XR របស់ Apple អាចមើលឃើញបានលើគេហទំព័រ…
លោក Tim Cook ជួបនឹងព័ត៌មានកាន់តែមិនល្អឡើង បន្ទាប់ពីការលក់បញ្ចុះតម្លៃទូរស័ព្ទ iPhone XR របស់ Apple អាចមើលឃើញបានលើគេហទំព័រ…
លោក Tim Cook ជួបនឹងព័ត៌មានកាន់តែមិនល្អឡើង បន្ទាប់ពីការលក់បញ្ចុះតម្លៃទូរស័ព្ទ iPhone XR របស់ Apple អាចមើលឃើញបានលើគេហទំព័រ Apple ព្រមជាមួយនឹងព័ត៌មានដែលបានឲ្យដឹងថា ការលក់មិនជួបនឹងការគិតរបស់ Apple ឡើយ ។
ព័ត៌មានថ្មីនេះចេញមកពីក្រុមហ៊ុន Japan Display ដែលបានកាត់បន្ថយការព្យាករលើការលូតលាស់កាលពីឆ្នាំមុន និងបានកាត់បន្ថយផលិតកម្មស្គ្រីន ព្រមទាំងការព្យាកររបស់ខ្លួនសាជាថ្មីម្តងទៀត ។
ក្រុមហ៊ុន GizmoChina បានឲ្យដឹងថា សម្រាប់ Japan Display ប្រមាណ៨០%នៃប្រាក់ចំណូលសរុបមានប្រភពមកពីផលិតកម្មស្គ្រីនស្មាតហ្វូន ។ ប្រាក់ចំណូលភាគច្រើនគឺពឹងផ្អែកលើអាជីវកម្មជាមួយនឹង Apple ។
កាលពីមុនក្រុមហ៊ុននេះដែលហៅកាត់ថា JDI ព្យាករណ៍ថា នឹងមានការលូតលាស់ប្រមាណពី ១០ទៅ២០% ។ ប៉ុន្តែកាលពីខែមុន ក្រុមហ៊ុននេះបានបន្ទាបតម្លៃមកស្មើនឹងចន្លោះពី ៥ទៅ១៥%វិញ ។
Apple មិនបាននិយាយជាផ្លូវការទេពីចំនួនលក់ iPhone ពិតប្រាកដ ហើយលោក Tim Cook និងក្រុមការងាររបស់លោក ក៏នឹងមិនប្រាប់ពីចំនួនលក់ iPhone ក្នុងរបាយការណ៍ប្រាក់ចំណូលប្រចាំត្រីមាសដែរ ។ ការលក់បញ្ចុះតម្លៃលើអុីនធើរណេតមានដល់ទៅ ៣០០ដុល្លារសម្រាប់ iPhone XR ។
គួរបញ្ជាក់ដែរថា ប្រមាណមួយខែបន្ទាប់ពីការចេញលក់ តម្លៃiPhone XR ត្រូវបានកាត់បន្ថយអស់៤០%ទៅហើយ។ Apple ប្រៀបដូចជាលាក់ពីចំនួនលក់ពិតប្រាកដ ប៉ុន្តែភស្តុតាងទាំងអស់កំពុងតែចង្អុលបង្ហាញពីទិសដៅតែមួយទេ ហើយវាកាន់តែធ្លាក់ចុះទៅទៀត បើធៀបនឹងឆ្នាំមុន ៕
ចែករំលែកព័តមាននេះ