រាជធានីភ្នំពេញ ៖ ដើម្បីចូលរួមបង្កើនទិន្នផលនេសាទ ជីវិតសាត្វស្លាប និងជំរុញអេកូទេសចរណ៍នៅតំបន់មាត់សមុទ្រ បុគ្គលិក និងថ្នាក់គ្រប់គ្រងរបស់ធនាគារឯកទេសខេប៊ីដេហាន បានរួមគ្នាដាំកូនដើមកោងកាងតាមមាត់សមុទ្រ ក្នុងសហគមន៍ត្រពាំងសង្កែ ឃុំត្រពាំងសង្កែ…
រាជធានីភ្នំពេញ ៖ ដើម្បីចូលរួមបង្កើនទិន្នផលនេសាទ ជីវិតសាត្វស្លាប និងជំរុញអេកូទេសចរណ៍នៅតំបន់មាត់សមុទ្រ បុគ្គលិក និងថ្នាក់គ្រប់គ្រងរបស់ធនាគារឯកទេសខេប៊ីដេហាន បានរួមគ្នាដាំកូនដើមកោងកាងតាមមាត់សមុទ្រ ក្នុងសហគមន៍ត្រពាំងសង្កែ ឃុំត្រពាំងសង្កែ ស្រុកទឹកឈូ ខេត្តកំពត កាលពីថ្ងៃទី៩ ខែធ្នូ ឆ្នាំ២០១៨ កន្លងទៅនេះ ។
ដើមកោងកាងជាប្រភេទរុក្ខជាតិដ៏មានប្រយោជន៍ច្រើនយ៉ាងដូចជា របាំងយ៉ាងរ៉ឹងមាំសម្រាប់ការពារខ្យល់ព្យុះ ឬ រលកសមុទ្រមិនឲ្យបោកបក់បំផ្លាញដំណាំ និងផ្ទះប្រជាពលរដ្ឋដែលរស់នៅតំបន់ឆ្នេរសមុទ្រ ជាពិសេសព្រៃកោងកាងអាចបង្កើតជាតំបន់អេកូទេសចរណ៍ធម្មជាតិ ដែលអាចរក្សាការពារតម្លៃនៃធនធានធម្មជាតិឲ្យមាននិរន្តរភាព និងទាក់ទាញភ្នែកទេសចរ បង្កើតឱកាសការងារដល់ប្រជាពលរដ្ឋក្នុងសហគមន៍ដោយអាចរកប្រាក់ចំណូលបានតាមរយៈភ្ញៀវទេសចរចូលមកទស្សនាកម្សាន្តនៅតំបន់ព្រៃកោងកាងនេះ។
ដោយផ្អែកលើអត្ថប្រយោជន៍ទាំងនេះ ធនាគារឯកទេសខេប៊ីដេហាន បានរៀបចំឲ្យមានការដាំកូនដើមកោងកាងក្នុងកម្មវិធីដំណើរកម្សាន្តប្រចាំឆ្នាំរបស់បុគ្គលិក ដើម្បីរួមចំណែកបំផុសគំនិតដល់មហាជន និងបុគ្គលិករបស់ខ្លួនឲ្យស្រលាញ់ចូលរួមថែរក្សាការពារបរិស្ថាន។ លើសពីនេះទៀត កម្មវិធីនេះបង្ហាញយ៉ាងជាក់ច្បាស់អំពីការចូលរួមចំណែកនូវសកម្មភាពសង្គម ការស្រលាញ់សហការគ្នារវាងបុគ្គលិក និងបុគ្គលិក ទាំងក្នុងការងារ និងសកម្មភាពសង្គម ដែលសបញ្ជាក់ឲ្យឃើញថា ធនាគារឯកទេសខេប៊ីដេហានបាននឹងកំពុងផ្សារភ្ជាប់អាជីវកម្មរបស់ខ្លួនទៅនឹងសង្គមជាតិ។
សូមបញ្ជាក់ថា ធនាគារឯកទេស ខេប៊ី ដេហាន មានភាគទុនិករ៉ឹងមាំមកពីប្រទេសកូរ៉េខាងត្បូង និងបានសម្ភោធដំណើការជាផ្លូវការនៅប្រទេសកម្ពុជានាថ្ងៃទី៦ ខែកញ្ញា ឆ្នាំ២០១៨ ដែលមានការិយាល័យកណ្តាល ស្ថិតនៅអគារលេខ១ វិមានការិយាល័យអូវល ជាន់ទី២១ និង ២២ តាមបណ្តោយផ្លូវលេខ ៣៦០ សង្កាត់បឹងកេងកង១ ខណ្ឌចំការមន រាជធានីភ្នំពេញ។ គោលដៅចម្បងរបស់ធនាគារ គឺដើម្បីលើកស្ទួយជីវភាពរស់នៅប្រជាពលរដ្ឋកម្ពុជាឲ្យកាន់តែប្រសើរឡើង ពង្រឹងសមត្ថភាពបុគ្គលិក និងផ្តល់សេវាកម្មល្អបំផុត ស្របតាមតម្រូវការរបស់អតិថិជន៕ ដោយសហការ
ចែករំលែកព័តមាននេះ