តាមប្រភពព័ត៌មាន Soccer Laduma បានឲ្យដឹងថា កីឡាករជើងខ្លាំងរបស់ក្លិបអ្នកមានបារាំង Neymar Jr បានប្រាប់ពីការយល់ឃើញរបស់ខ្លួនទៅលើខ្លាធំ២ក្នុងពិភពបាល់ទាត់ ដែលរួមមាន Messi និង Ronaldo ។ នៅពេលនេះ Neymar អាចប្រាប់ថា នរណាប្រសើរជាងនរណាហើយ ដោយពឹងផ្អែកលើការយល់ឃើញរបស់ខ្លួន ។
កិឡាករវ័យ២៦ឆ្នាំ សញ្ជាតិប្រេស៊ីល បានឆ្លើយសំនួររបស់អ្នកគាំទ្រ តាម Channel YouTube កាលពីថ្ងៃពុធកន្លងមកនេះ ដែលសួរអំពីការគិតរបស់ Neymar ទៅលើ Messi និង Ronaldo ។ Neymar បាននិយាយថា ៖«Ronaldo បានឡើងពីស្លាបទៅខ្សែប្រយុទ្ធដើម្បីស៊ុតបញ្ចូលទី ។ គាត់មិនសូវឲ្យបាល់ទៅជើងមិត្តរួមក្រុមឡើយ» ។
Neymar បានបន្តថា ៖«សម្រាប់ Messi វិញ គឺនៅលេងតំបន់កណ្តាលភាគច្រើន ហើយទើបស៊ុតបញ្ចូលទី ។ ពេលនោះខ្ញុំប្រហែលកំពុងដើរចុះឡើងលើតារាងនៅឡើយទេ ខណៈគាត់បានគ្រាប់បាល់ចូលទីបាត់ទៅហើយ ។ ដូចនេះគាត់គឺប្រសើរជាង Ronaldo ហើយជាកីឡាករល្អផ្តាច់គេ» ។
គួរបញ្ជាក់ផងដែរថា Neymar បានស៊ុតបញ្ចូលទីជូនក្លិបរបស់ខ្លួនបាន៣០គ្រាប់ហើយ ក្នុងការប្រកួតទាំង៣២ដង ។ នៅពេលគេមកលេងនៅក្លិបអ្នកមានបារាំងដំបូងគេជាប់ឈ្មោះជាកីឡាករបាល់ទាត់តម្លៃខ្លួនថ្លៃជាងគេក្នុងប្រវត្តិសាស្ត្រ ៕
ចែករំលែកព័តមាននេះ