ខេត្តត្បូងឃ្មុំ ៖ ផ្ទះឈើមួយខ្នងប្រក់ក្បឿងមានទំហំ៦,៧ម៉ែត្រគុណ១២ម៉ែត្រ ស្ថិតនៅភូមិ៣ម៉ែត្រ ឃុំទួលស្នួល ស្រុកក្រូចឆ្មារ ត្រូវបានអគ្គិភ័យឆាបឆេះសន្ធោសន្ធៅ ដោយមានអណ្តាតភ្លើងឡើងក្រហមច្រាល និងមានផ្សែងហុយខ្មួលខ្មាញ់ទៅលើអាកាស ។…
ខេត្តត្បូងឃ្មុំ ៖ ផ្ទះឈើមួយខ្នងប្រក់ក្បឿងមានទំហំ៦,៧ម៉ែត្រគុណ១២ម៉ែត្រ ស្ថិតនៅភូមិ៣ម៉ែត្រ
ឃុំទួលស្នួល ស្រុកក្រូចឆ្មារ ត្រូវបានអគ្គិភ័យឆាបឆេះសន្ធោសន្ធៅ ដោយមានអណ្តាតភ្លើងឡើងក្រហមច្រាល និងមានផ្សែងហុយខ្មួលខ្មាញ់ទៅលើអាកាស ។ ហេតុការណ៍នេះកើតឡើងនៅវេលាម៉ោង៣និង៤០នាទីយប់ទាបភ្លឺ ឈានចូលព្រឹកថ្ងៃទី១២ ធ្ន ២០១៨ ក្នុងខណៈពេលម្ចាស់មិននៅផ្ទះ។
លោកវរសេនីយ៍ឯក សាំ ហេង អធិការនគរបាលស្រុកក្រូចឆ្មារប្រាប់ឲ្យដឹងថា ក្នុងពេលដែលភ្លើងបាន
ឆាបឆេះផ្ទះរបស់ឈ្មោះ លូង កេង ភេទស្រី អាយុ៨១ឆ្នាំ លោកនាយប៉ុស្តិ៍រដ្ឋបាលឃុំទួលស្នួល បានរា
យការណ៍មករូបលោក ដើម្បីសុំអន្តរាគមន៍រថយន្តពន្លត់អគ្គិភ័យឲ្យជួយអន្តរាគមន៍ទៅបាញ់ទឹកដែលកំពុងតែឆាបឆេះនោះជាមួយនោះក៏មានរថយន្តរបស់អធិការដ្ឋាននគរបាលក្រុងសួង និងស្រុកត្បូងឃ្មុំបានចេញចំនួន០២គ្រឿងមកជួយផងដែរ ។
លោកវរសេនីយ៍ឯក សាំ ហេង ប្រាប់បន្តថា ក្នុងពេលដែលភ្លើងបានឆាបឆេះនោះមិនមានសមាជិកគ្រួសារណាម្នាក់នៅលើផ្ទះឡើយ ។ គឺម្ចាស់ផ្ទះបានដើរទៅដេកនៅផ្ទះមួយទៀត ដែលស្ថិតនៅមិនឆ្ងាយប៉ុន្មានពីគ្នា ។ កម្លាំងសមត្ថកិច្ចបានចេញទៅជួយ និងប្រជាពលរដ្ឋក្នុងភូមិ ព្រមទាំងអាជ្ញាធរពាក់ព័ន្ធបានជួយស្រុះគ្នាល្អ និងបានបាញ់ទឹកដោយបានទប់ស្កាត់មិនឲ្យឆេះរាលទៅដល់ផ្ទះរបស់គេផ្សេងៗទៀតទេ ។
មូលហេតុនៃការឆេះត្រូវបានសន្និដ្ឋានមកពីទុស្សេខ្សែភ្លើង និងបានបាត់បង់សម្ភារៈលើផ្ទះក្នុងនោះមានដូចជា លុយចំនួន២.០០០ដុល្លារ ខ្សែកផ្លាកទីនទង្ងន់៨ជី និងសម្ភារៈផ្សេងៗមួយចំនួនទៀត ។ នៅក្នុងហេតុការណ៍ខាងលើនេះមិនបានបង្កឲ្យប៉ះ ពាល់ដល់អាយុជីវិតរបស់ប្រជាពលរដ្ឋណាម្នាក់ឡើយ ។
ផ្អែកតាមបទបញ្ជាររបស់លោកឧត្តមសេនីយ៍ទោ បែន រ័ត្ន ស្នងការនគរបាលខេត្តបានឲ្យកម្លាំងពន្លត់អគ្គិភ័យត្រូវបានប្រចាំការ២៤ម៉ោងលើ២៤ម៉ោង ដើម្បីត្រៀមចាំជួយដល់ពលរដ្ឋនៅគ្រប់កន្លែង ដែលកើតឡើងជាយថាហេតុនោះ ៕
ចែករំលែកព័តមាននេះ