លេងល្អត្រូវចិត្ត Pep Guardiola ពេលនេះ Man City ចងជើង Phil Foden ដល់ឆ្នាំ២០២៤
តាមប្រភពព័ត៌មាន Manchester Evening News បានឲ្យដឹងថា កីឡាករវ័យក្មេងអាយុ១៨ឆ្នាំ Phil Foden បានចុះកុងត្រាជាមួយនឹង Manchester…
តាមប្រភពព័ត៌មាន Manchester Evening News បានឲ្យដឹងថា កីឡាករវ័យក្មេងអាយុ១៨ឆ្នាំ Phil Foden បានចុះកុងត្រាជាមួយនឹង Manchester…
តាមប្រភពព័ត៌មាន Manchester Evening News បានឲ្យដឹងថា កីឡាករវ័យក្មេងអាយុ១៨ឆ្នាំ Phil Foden បានចុះកុងត្រាជាមួយនឹង Manchester City សម្រាប់រយៈពេល៥ឆ្នាំកន្លះដែលនឹងផុតនៅឆ្នាំ២០២៤ ។
កុងត្រានេះមានតម្លៃ៣ម៉ឺនផោនក្នុងមួយសប្តាហ៍ សម្រាប់កីឡាករ Foden ដែលចាប់ផ្តើមអាជីពជាកីឡាករបាល់ទាត់នៅក្លិបមេឃខៀវ Manchester City តាំងពីនៅអាយុ៨ឆ្នាំ ។ Foden បានឈ្នះ Premier League កាលពីរដូវកាលមុន ហើយបានលេងនៅរដូវកាលនេះបាន១៣ដង ដែលធ្វើឲ្យលោក Pep Guardiola មានការពេញចិត្តយ៉ាងខ្លាំងនូវទម្រង់លេងរបស់គេ ។
Foden បាននិយាយថា ៖«ខ្ញុំសប្បាយចិត្តណាស់ ។ ខ្ញុំនៅទីនេះតាំងពីថ្ងៃដំបូងនៃអាជីពរបស់ខ្ញុំ ។ ខ្ញុំលូតលាស់ធំធាត់នៅទីនេះ ហើយពេលនេះបានបន្តកុងត្រាថ្មី ។ វាជាក្តីស្រមៃរបស់ខ្ញុំ» ។
កីឡាករវ័យក្មេងរូបនេះបានបន្តថា ៖«គ្រួសារម៉ាក់ប៉ាខ្ញុំមានមោទនភាពចំពោះរូបខ្ញុំណាស់ ។ ម្តាយរបស់ខ្ញុំគឺជាអ្នកគាំទ្រ Man City ។ គាត់សប្បាយចិត្តណាស់ ពេលខ្ញុំបានចុះកុងត្រាបែបនេះ» ។
គួរបញ្ជាក់ផងដែរថា Foden មានបំណងចង់ពាក់អាវលេខ១០នៅថ្ងៃខាងមុខ បើទោះបីជាពេលនេះរូបគេពាក់អាវលេខ៤៧ក៏ដោយ នេះក៏ដោយសារតែរូបគេស្រឡាញ់លេខ១០ ហើយតំណែងអាវលេខ១០នេះកំពុងតែត្រូវបានតារាឆ្នើមខ្សែប្រយុទ្ធ Sergio Kun Aguero ជាអ្នកកាន់កាប់ ។ ចាំមើលទាំងអស់គ្នាមើល៎ថា តើ Foden អាចពាក់អាវលេង១០ដូចការគ្រោងទុកទេ?
ចែករំលែកព័តមាននេះ