Ronaldo នៅមិនសុខបបួល Messi ឱ្យចេញពី Barcelona ដើម្បី…
ខ្សែប្រយុទ្ធឆ្នើម Cristiano Ronaldo របស់ក្លិបសេះបង្កង់ Juventus បានស្នើឱ្យ Lionel Messi ចាកចេញពី Barcelona…
ខ្សែប្រយុទ្ធឆ្នើម Cristiano Ronaldo របស់ក្លិបសេះបង្កង់ Juventus បានស្នើឱ្យ Lionel Messi ចាកចេញពី Barcelona…
ខ្សែប្រយុទ្ធឆ្នើម Cristiano Ronaldo របស់ក្លិបសេះបង្កង់ Juventus បានស្នើឱ្យ
Lionel Messi ចាកចេញពី Barcelona មកចូលរួមក្លិបណាមួយក្នុងក្របខ័ណ្ឌអុីតាលី
ស៊េរី A ដូចខ្លួនដែរ ។ ប្រធានក្រុមជម្រើសជាតិព័រទុយហ្គាល់រូបនេះបានផ្លាស់ពីក្លិប Real Madrid មកចូលរួមក្លិប Juventus ក្នុងតម្លៃ១០០លានផោនក្នុងរដូវក្ដៅឆ្នាំ២០១៨ ។
Ronaldo និង Messi ត្រូវបានចាត់ទុកជាកីឡាករបាល់ទាត់ឆ្នើមបំផុតក្នុងលោកជាច្រើនឆ្នាំមកហើយ ដោយអ្នកទាំង២បានឈ្នះពាន Ballon d’Or ម្នាក់៥ដងដូចគ្នា មុនពេល Luka Modric ឈ្នះក្នុងឆ្នាំ២០១៨នេះ ។
អតីតសមាជិកក្លិបបិសាចក្រហម Man Utd វ័យ៣៣ឆ្នាំនិយាយថា៖«ខ្ញុំចង់ឱ្យគាត់មកអុីតាលីនៅថ្ងៃណាមួយ ។ ខ្ញុំសង្ឃឹមថា គាត់ទទួលសំណើដូចខ្ញុំ ប៉ុន្តែប្រសិនគាត់រីករាយនៅទីនោះ
(Barcelona) អីុចឹងខ្ញុំគោរពរឿងនោះ» ។
Ronaldo បានចំណាយពេល៩រដូវកាលនៅ Real Madrid ក្រោយផ្លាស់ពី Man Utd ក្នុងឆ្នាំ២០០៩ ខណៈ Messi កំពុងលេងឱ្យ Barcelona ពេញមួយអាជីពរបស់គេ ។
នៅពេលត្រូវបានសួរថា តើអ្នកនឹក Messi ឬទេ? Ronaldo តបថា ៖«អត់ទេ ប្រហែលគាត់ទៅវិញទេដែលនឹកខ្ញុំ ។ ខ្ញុំបានលេងនៅអង់គ្លេស, អេស្ប៉ាញ, អុីតាលី, ព័រទុយហ្គាល់ និងសម្រាប់ជម្រើសជាតិរបស់ខ្ញុំ ខណៈគាត់នៅតែអេស្ប៉ាញ ។ ប្រហែលគាត់ត្រូវការខ្ញុំជាង ។ សម្រាប់ខ្ញុំ ជីវិតជាការប្រឡងប្រជែង ខ្ញុំចូលចិត្តវា ហើយខ្ញុំចូលចិត្តធ្វើឱ្យមនុស្សសប្បាយចិត្ត ។
គាត់ជាកីឡាករដ៏អស្ចារ្យម្នាក់ និងជាមនុស្សល្អម្នាក់ ប៉ុន្តែខ្ញុំមិននឹកអ្វីមួយនៅទីនោះទេ ។ នេះជាជីវិតថ្មីរបស់ខ្ញុំហើយខ្ញុំសប្បាយចិត្ត។ ខ្ញុំចាកចេញពីតំបន់សុខស្រួលរបស់ខ្ញុំហើយជ្រើសយកការប្រឡងប្រជែងនៅ Turin នេះ។ គ្រប់យ៉ាងដំណើរការល្អ។ ខ្ញុំបានបញ្ជាក់ឱ្យឃើញថា ខ្ញុំនៅតែជាកីឡាករដ៏មិនគួរឱ្យជឿម្នាក់»៕
ចែករំលែកព័តមាននេះ