អាជ្ញាធរខេត្តព្រះវិហារសម្រេចយករចនាបទគោបុរទី៥សាងសង់រង្វង់មូលទីប្រជុំជន
- ព្រះវិហារ
ខេត្តព្រះវិហារ ៖ អាជ្ញាធរខេត្តព្រះវិហារបានសម្រេចជ្រើសយករចនាបទគោបុរៈទី៥នៃប្រាសាទព្រះវិហារសម្រាប់សាងសង់រង្វង់មូលទីប្រជុំជនឃុំស្រឯម ស្រុកជាំក្សាន្ត ខេត្តព្រះវិហារក្នុងគោលបំណងកែលំអរសោភណ្ឌភាពទីប្រជុំជនមួយនេះកាន់តែស្រស់ស្អាតជាពិសេសនោះបង្ហាញនូវតម្លៃនៃបេតិកភណ្ឌពិភពលោក និងភាពលេចធ្លោនៃរចនាបទគោបុរទី៥ នៃប្រាសាទព្រះវិហារ ។ ដើម្បីទាក់ទាញការចាប់អារម្មណ៍ដល់អ្នកដំណើរឆ្លងកាត់ និងភ្ញៀវទេសចរជាតិអន្តរជាតិមកស្នាក់នៅ…
ដើម្បីទាក់ទាញការចាប់អារម្មណ៍ដល់អ្នកដំណើរឆ្លងកាត់ និងភ្ញៀវទេសចរជាតិអន្តរជាតិមកស្នាក់នៅ និងកម្សាន្តនៅរមណីយដ្ឋានវប្បធម៌ប្រវត្តិសាស្ត្រប្រាសាទព្រះវិហារកាន់តែច្រើន។
ថ្លែងក្នុងពិធីបញ្ចុះបឋមសិលាសាងសង់រង្វង់មូលថ្មីនៅឃុំស្រអែម ស្រុកជាំក្សាន្ត ខេត្តព្រះវិហារ នៅរសៀលថ្ងៃទី១១ ខែធ្នូ ឆ្នាំ២០១៨នេះ ឯកឧត្តម មាស សុភា ទេសរដ្ឋមន្ត្រីទទួលបន្ទុកបេសកកម្មពិសេសលើកិច្ចមីន យុទ្ធភណ្ឌមិនទាន់ផ្ទុះ និងវិស្វកម្មកងយោធពលខេមរៈភូមិន្ទ មានប្រសាស៍ថា ក្រោមការដឹកនាំរបស់សម្តេចតេជោហ៊ុន សែន សមិទ្ធផលនានាបានកើតឡើងយ៉ាងច្រើនសម្រាប់បម្រើផលប្រយោជន៍ប្រជាពលរដ្ឋរួមមានផ្លូវគមនាគមន៍ប្រព័ន្ធធារាសាស្ត្រ និងសមិទ្ធិផលជាច្រើនទៀត ។
ជាក់ស្តែងសម្រាប់ខេត្តព្រះវិហារដែលជាខេត្តមួយនៅតាមបណ្តោយព្រំដែនមានព្រំប្រទល់ជាប់នឹងប្រទេសថៃ និងប្រទេសឡាវក៏មានការអភិវឌ្ឍន៍រីកចម្រើនដូចខេត្តក្រុងនានាផងដែរ ។ ជាមួយគ្នានេះឯកឧត្តម អ៊ុន ចាន់ដា អភិបាលខេត្តព្រះវិហារមានប្រសាសន៍ថា ការជ្រើសយក រចនាបទគោបុរៈទី៥នៃប្រាសាទព្រះវិហារសម្រាប់សាងសង់រង្វង់មូលទីប្រជុំជន ឃុំស្រឯម ស្រុកជាំក្សាន្ត ខេត្តព្រះវិហារនេះឡើងមិនត្រឹមតែបានកែលំអរសោភណ្ឌភាពទីប្រជុំជនមួយនេះកាន់តែស្រស់ស្អាតប៉ុណ្ណោះទេ ម្យ៉ាងទៀតនោះដើម្បីបង្ហាញនូវតម្លៃនៃបេតិកភណ្ឌពិភពលោក និងភាពលេចធ្លោនៃរចនាបទគោបុរទី៥នៃប្រាសាទព្រះវិហារកាន់តែទាក់ទាញការចាប់អារម្មណ៍ដល់អ្នកដំណើរឆ្លងកាត់ និងភ្ញៀវទេសចរជាតិអន្តរជាតិមកស្នាក់នៅឃុំស្រឯម និងកម្សាន្តនៅរមណីយដ្ឋានវប្បធម៌ប្រវត្តិសាស្ត្រប្រាសាទព្រះវិហារកាន់តែច្រើនឡើង។
លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារបានឲ្យដឹងថា ការសាងសង់រង្វង់មូលស្រអែមថ្មីនេះ គឺជាការផ្តួចផ្តើមឡើងក្រោមការដឹកនាំរបស់ឯកឧត្តម អ៊ុន ចាន់ដាអភិបាលខេត្តព្រះវិហារ និងសមិទ្ធផលជាច្រើនត្រូវបានកើតឡើងដូចជា ផ្លូវភ្លោះនៅក្នុងទីរួមខេត្តរង្វង់មូលតម្កល់រូបសំណាកអ្នកសច្ចាំងភ្នំត្បែង (លោកតាសួង) នៅស្រុកគូលែន ជាដើម ។
លោកបន្តទៀតថា ប៉ុន្មានឆ្នាំចុងក្រោយនេះខេត្តព្រះវិហារមានការអភិវឌ្ឍន៍ជាបន្តបន្ទាប់ និងប្រែក្លាយខេត្តមួយនេះពីខេត្តដែលស្ងប់ស្ងាត់ប្រែមកខេត្តដែលមានសភាពអ៊ូអរជាងមុនច្រើន ។ លោកបន្ថែមថា ការកសាងរង្វង់មូលថ្មីនៅឃុំស្រអែមនេះ គឺសមិទ្ធផលថ្មីមួយទៀត និងបានកើតឡើងក្នុងពេលឆាប់ៗនេះដែលចំណាយថវិកាបានមកពីការឧបត្ថម្ភរបស់ថ្នាក់ដឹកនាំ និងសប្បុរសជននានាក្នុងខេត្តព្រះវិហារជាច្រើនផងដែរ ៕
ចែករំលែកព័តមាននេះ