ខេត្តសៀមរាប ៖ យ៉ាងហោចណាស់ ជនជាតិចិន៩នាក់ ត្រូវបានឃាត់ខ្លួនពីបទចែកចាយរូបភាព និងសម្ភារអាសអាភាសនៃកុមារតាមអុីនធើរណែត ត្រូវបានកម្លាំងនគរបាលចម្រុះនៃអធិការដ្ឋាននគរបាលខេត្ត សហ ការជាមួយកម្លាំងនគរបាលក្រុងសៀមរាប និងកម្លាំងនគរបាលតាមមូលដ្ឋាន…
ខេត្តសៀមរាប ៖ យ៉ាងហោចណាស់ ជនជាតិចិន៩នាក់ ត្រូវបានឃាត់ខ្លួនពីបទចែកចាយរូបភាព និងសម្ភារអាសអាភាសនៃកុមារតាមអុីនធើរណែត ត្រូវបានកម្លាំងនគរបាលចម្រុះនៃអធិការដ្ឋាននគរបាលខេត្ត សហ ការជាមួយកម្លាំងនគរបាលក្រុងសៀមរាប និងកម្លាំងនគរបាលតាមមូលដ្ឋាន ដឹកនាំដោយលោកឧត្តមសេ នីយ៍ត្រី ជា គឺមសាន ស្នងការរងទទួលផែនការងារអន្តោប្រវេសន៍នៃស្នងការដ្ឋាននគរបាលខេត្ត ក្រោមការដឹកនាំសម្របសម្រួលនីតិវិធីដោយលោក ជួន សុបញ្ញា ព្រះរាជអាជ្ញារងអមសាលាដំបូងខេត្ត បង្ក្រាបនៅទីតាំងចែកចាយរូបភាព និងសម្ភារអាសអាភាសនៃកុមារចំនួន៣ផ្សេងគ្នា ក្នុងក្រុងសៀមរាប ។
ជនជាតិចិនទាំង៩នាក់ ក៏ត្រូវបាននាំយកទៅសាកសួរនៅការិយាល័យជំនាញ ដើម្បីរៀបចំកសាងសំណុំរឿងបញ្ជូនបន្តទៅតុលាការ ។ ការឃាត់ខ្លួនជនជាតិចិនទាំង៩នាក់នេះ បានធ្វើឡើងនៅម៉ោង១០ព្រឹកថ្ងៃទី៨ ខែធ្នូ នៅ៣ទីតាំងផ្សេងគ្នា ក្នុងក្រុងសៀមរាប ។ លោកឧត្តមសេនីយ៍ត្រី ជា គឺមសាន ស្នងការរងទទួលផែនការងារអន្តោប្រវេសន៍នៃស្នងការដ្ឋាននគរបាលខេត្តបានប្រាប់ឱ្យដឹង នៅវេលាម៉ោង៣រសៀលថ្ងៃទី១០ ធ្នូ ថា ការចុះបង្ក្រាបករណីចែកចាយរូបភាព និងសម្ភារអាសអាភាសនៃកុមារតាមប្រព័ន្ធអុីនធើរណែតនេះ កម្លាំងយើងបានឃាត់ខ្លួនជនជាតិចិន៩នាក់ រួចនាំយកមកសួរនៅការិយាល័យជំនាញនៃស្នងការដ្ឋាននគរបាលខេត្ត ។
លោកបានបញ្ជាក់ថា ទីតាំងទី១-នៅផ្ទះលេខE២១ ក្នុងបុរីអាក់ខេត ស្ថិតក្នុងភូមិគ្រួស សង្កាត់ស្វាយដង្គំ ឃាត់ខ្លួនបានម្នាក់រួមនឹងវត្ថុតាងមួយចំនួន ។ ទី២-ផ្ទះវីឡាជួលក្នុង ភូមិគ្រួស សង្កាត់ស្វាយដង្គំ ឃាត់ខ្លួន៥នាក់ រួមវត្ថុតាងមួយចំនួន ទី៣-បន្ទប់លេខ៣០៥ ក្នុងផ្ទះសំណាក់មហាមានក្នុងភូមិទ្រាំង សង្កាត់ស្លក្រាម ឃាត់ខ្លួនមនុស្ស៣នាក់រួមនឹងវត្ថុតាងមួយចំនួន ។
លោកបានបញ្ជាក់ទៀតថា ជនជាតិចិនទាំង៩នាក់ដែលឃាត់ខ្លួនរួមមាន ៖ទី១-ឈ្មោះ PAN ZHIFU ភេទប្រុស កើតឆ្នាំ១៩៨៨ ។ ទី២-ឈ្មោះHUANGXINFA ភេទប្រុស កើតឆ្នាំ១៩៩៥ ។ទី៣-ឈ្មោះ HUANG FULONG ភេទប្រុស កើតឆ្នាំ១៩៩១ ។ទី៤-ឈ្មោះ WEIJIBO ភេទប្រុស កើតឆ្នាំ១៩៩៦ ។ ទី៥-ឈ្មោះ GUSH ENG FENG ភេទប្រុស កើតឆ្នាំ១៩៩៨ ។
ទី៦-ឈ្មោះ LI WEIMING ភេទប្រុស កើតឆ្នាំ១៩៩៣ ។ ទី៧-ឈ្មោះ PAN XIADONG ភេទប្រុស កើតឆ្នាំ១៩៨៧ ។ ទី៨-ឈ្មោះ PAN ZONGJI ភេទប្រុស កើតឆ្នាំ១៩៨២ ទី៩-ឈ្មោះ DAI GUANGQIANG ភេទប្រុស កើតឆ្នាំ១៩៨៤ ។
លោកបានបញ្ជាក់បន្ថែមថា ជនជាតិចិនទាំង៩នាក់នោះ ត្រូវបានលោក ជួន សុបញ្ញា ព្រះរាជអាជ្ញារងអមសាលាដំបូងខេត្តសៀមរាប សម្រេចឱ្យឃាត់ខ្លួនបណ្តោះអាសន្ននៅស្នងការដ្ឋាននគរបាលខេត្តសៀមរាប ។ ជនសង្ស័យជនជាតិចិនទាំង៩នាក់ និងវត្ថុតាងនេះត្រូវបានកម្លាំងជំនាញកំពុងរៀបចំកសាងសំណុំរឿងបញ្ជូនទៅតុលាការខេត្តនៅរសៀលថ្ងៃទី១០ ធ្នូ ដើម្បីចាត់ការបន្ត ។ វត្ថុតាងដែលបានរឹបអូសមានលេបថប៦គ្រឿង និងទូរស័ព្ទដៃ៣០គ្រឿងដែលជាឧបករណ៍សម្រាប់បង្ហោះរូបភាពអាសអាភាសរបស់កុមារ ៕
ចែករំលែកព័តមាននេះ