លោកបូសែងខាំ វង់តារា(Bosengkham Vongdara) រដ្ឋមន្ត្រីក្រសួងព័ត៌មាន វប្បធម៌ និងទេសចរណ៍របស់ឡាវមានជំនឿថានៅពាក់កណ្ដាលឆ្នាំ២០១៩ អង្គការសិក្សាស្រាវជ្រាវផ្នែកវិទ្យាសាស្ត្រ និងវប្បធម៌អន្តរជាតិ (UNESCO) នឹងទទួលស្គាល់វាលក្រឡជាទីតាំងបុរាណដ៏សំខាន់ក្នុងប្រវត្តិសាស្ត្រ ស្ថិតនៅខេត្ត«Xieng Khouang» ភាគខាងកើតឆៀងខាងជើងរបស់ឡាវជាបេតិកភណ្ឌពិភពលោក ។
ចាត់ទុកថាជាបេតិកភណ្ឌពិភពលោកទី៣ របស់សាធារណរដ្ឋប្រជាមានិតឡាវ បន្តពីក្រុងហ្លួងប្រាបាង និងប្រាសាទវត្តភូ ក្នុងខេត្តចំប៉ាសាក់ ។ លោកបញ្ជាក់បន្តទៀតថាក្រោយពីប្រទេសឡាវបានដាក់ឯកសារទៅUNESCO កាលពីដើមខែតុលា២០១៨ UNESCO ក៏បានបញ្ជូនក្រុមអ្នកជំនាញចុះទៅតំបន់វាលក្រឡ ខណៈពេលខាងក្រសួងក៏បានបញ្ជូនក្រុមជំនាញដែលពាក់ព័ន្ធផ្ដល់ទិន្នន័យដល់គណៈកម្មការUNESCO នៅក្រុងប៉ារីស ប្រទេសបារាំងដែរ ។
វាលក្រឡដែលបានស្នើសុំជាបេតិកភណ្ឌពិភពលោកនេះមានចំនួន៩៩៩ក្រឡ ស្ថិតនៅលើផ្ទៃដីចំនួន១១កន្លែងនៅក្នុងខេត្តXieng Khouang ដែលលាតសន្ធឹងទៅលើស្រុកចំនួន៤ ៕
ចែករំលែកព័តមាននេះ