លោក ទៀ សីហា ឡើងជាអភិបាលខេត្តសៀមរាប ខណៈលោក ឃឹម ប៊ុនសុង ឡើងផ្កាយ៤ និងតែងតាំងជា…
- សៀមរាប
ខេត្តសៀមរាប ៖ លោក ទៀ សីហា អតីតអភិបាលរងខេត្តសៀមរាបដែលគេស្គាល់ថា ជាកូនប្រុសបង្កើតរបស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី…
ខេត្តសៀមរាប ៖ លោក ទៀ សីហា អតីតអភិបាលរងខេត្តសៀមរាបដែលគេស្គាល់ថា ជាកូនប្រុសបង្កើតរបស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី…
ខេត្តសៀមរាប ៖ លោក ទៀ សីហា អតីតអភិបាលរងខេត្តសៀមរាបដែលគេស្គាល់ថា ជាកូនប្រុសបង្កើតរបស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ត្រូវបានត្រាស់បង្គាប់តែងតាំងជាអភិបាលខេត្តសៀមរាបជំនួសលោក ឃឹម ប៊ុនសុង ដែលត្រូវបានព្រះមហាក្សត្រត្រាស់បង្គាប់ដំឡើងឋានន្តរសក្តិថ្នាក់នាយឧត្តមសេនីយ៍(ផ្កាយ៤) និងតែងតាំងជារដ្ឋលេខាធិការក្រសួងការពារជាតិវិញ ។
យោងតាមព្រះរាជក្រឹត្យ ចុះថ្ងៃទី០៦ ខែធ្នូ ឆ្នាំ២០១៨ កន្លងទៅនេះត្រូវបានត្រាស់បង្គាប់តែងតាំងលោក ទៀ សីហា ឋានន្តរសក្តិឧត្តមមន្ត្រីថ្នាក់លេខ៣ជាអភិបាលខេត្តសៀមរាប ។ ការត្រាស់បង្គាប់តែងតាំងនេះគឺធ្វើឡើងតាមសេចក្តីក្រាបបង្គំទូលថ្វាយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។
លោក ទៀ សីហា ពីមុនជាអភិបាលរងខេត្តសៀមរាបនោះពេលនេះបានក្លាយជាអភិបាលខេត្តសៀមរាប ហើយលោកគឺជានាយទាហានជាន់ខ្ពស់នៅក្រសួងការពារជាតិដែលមានឋានន្តរសក្តិឧត្តមសេនីយ៍ទោ ។
លោក ទៀ សីហា គឺជាមន្ត្រីវ័យក្មេងមួយរូបបានក្លាយជាអភិបាលខេត្តសៀមរាបដែលគេបានស្គាល់ច្បាស់ថា គឺជាកូនប្រុសបង្កើតរបស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមការងារថ្នាក់ជាតិរបស់រាជរដ្ឋាភិបាលចុះជួយខេត្តសៀមរាប ៕
ចែករំលែកព័តមាននេះ