ខេត្តកំពង់ឆ្នាំង ៖ យោងតាមប្រភពព័ត៌មានពីប្រជាពលរដ្ឋក៏ដូចជា បណ្តាញសង្គមហ្វេសបុកបានអោយដឹងថា ជាច្រើនខែណាស់មកហើយ ដីស្ថិតក្នុងគម្របព្រៃឈើរបស់រដ្ឋនៅចំណុចភ្នំពាមលោក និងភ្នំសុរិយា ស្ថិតក្នុងភូមិសាស្ត្រ ឃុំក្រាំងស្គា ស្រុកទឹកផុស…
ខេត្តកំពង់ឆ្នាំង ៖ យោងតាមប្រភពព័ត៌មានពីប្រជាពលរដ្ឋក៏ដូចជា បណ្តាញសង្គមហ្វេសបុកបានអោយដឹងថា ជាច្រើនខែណាស់មកហើយ ដីស្ថិតក្នុងគម្របព្រៃឈើរបស់រដ្ឋនៅចំណុចភ្នំពាមលោក និងភ្នំសុរិយា ស្ថិតក្នុងភូមិសាស្ត្រ ឃុំក្រាំងស្គា ស្រុកទឹកផុស ត្រូវបានក្រុមជនល្មើសប្រើគ្រឿងចក្រឈូសឆាយរំលោភយករាប់ពាន់ហិកតា ដើម្បីរៀបចំលក់ទៅអោយចិន ។
ជុំវិញបញ្ហានេះខាងរដ្ឋបាលសាលាស្រុកទឹកផុសបានបដិសេធន៍កាលពីពេលថ្មីៗនេះថា មិនការរំលោភឈួសឆាយដីព្រៃរបស់រដ្ឋឡើយ ។ យ៉ាងនេះក្តីប្រធានមន្ទីរកសិកម្មរុក្ខាប្រម៉ាញ់ និងនេសាទខេត្តកំពង់ឆ្នាំងបានប្រាប់ភ្នាក់ងារយើង កាលពីល្ងាចថ្ងៃទី១០ ខែធ្នូនេះថា ពិតជាមានការឈូសឆាយដៃព្រៃរបស់រដ្ឋ នៅចំណុចភ្នំសូរិយាពិតមែន លោកថែមទាំងបានដឹកនាំសមត្ថកិច្ចចម្រុះចុះឃាត់គ្រឿងចក្របានចំនួន៣គ្រឿងទៀតផង កាលពីពេលថ្មីៗនេះ ។
ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្តកំពង់ឆ្នាំង លោក ងិន ហ៊ុន បានបញ្ជាក់ថា កាលពីចុងខែវិច្ឆិកាកន្លងទៅនេះ លោកពិតជាបានដឹកនាំកម្លាំងសមត្ថកិច្ចចម្រុះចុះបង្ក្រាបគ្រឿងចក្រដែលកំពុងធ្វើសកម្មភាពឈូសឆាយដីព្រៃរបស់រដ្ឋនៅចំណុចភ្នំសុរិយាស្ថិតក្នុងភូមិសាស្ត្រឃុំក្រាំងស្គា ស្រុកទឹកផុស ពិតប្រាកដមែន ដោយចាប់បានគ្រឿងចក្រប្រភេទអាបុលចំនួន៣គ្រឿងដែលកំពង់ធ្វើសកម្មភាពឈូសឆាយដីព្រៃនៅចំណុចភ្នំខាងលើ ។
ប៉ុន្តែពេលប្រតិបត្តិការបង្ក្រាបអាបុល២គ្រឿងបានព្យាយាមបើករត់គេចបណ្តាលអោយខូចមិនអាចបើកបរបានទើបមន្ត្រីជំនាញយកបានតែមួយគ្រឿងមកដាក់នៅមន្ទីរកសិកម្មខេត្ត ចំណែក២គ្រឿងទៀតកំពុងអោយជាងជួសជុល ។
ព័ត៌មានពិស្តារនឹងមានផ្សាយជូននៅកាសែតកោះសន្តិភាព ។
ចែករំលែកព័តមាននេះ