China Xinhua News របស់ចិនបានបង្ហាញផ្ទះ «ធូឡូវ»(Tulou) ជាសំណង់មួយនៅក្នុងសម័យរាជវង្សសុង និងយួន ជាទីជម្រករបស់ចិន«ខិៈ» នៅលើភ្នំក្នុងខេត្តហ៊្វូជៀន(Fujian) នាភាគខាងកើតឆៀងខាងត្បូងប្រទេសចិន ។
ផ្ទះ«Tulou» មានលក្ខណៈជាផ្ទះដីកម្ពស់ប្រហែលពី៥-៦ជាន់ ជាលំនៅឋានរបស់ពលរដ្ឋប្រហែល៨០០នាក់ ឬពី៣០ទៅ៤០គ្រួសារ។ សំណង់់ផ្ទះដីនេះបានចេញម៉ូដនៅក្នុងគោលគំនិត «បិទនៅផ្នែកខាងក្រៅ បើកនៅផ្នែកខាងក្នុង» របស់ចិន ដោយនៅខាងក្នុងបានចែកចេញជាបន្ទប់ តូចៗ ហើយបន្ទប់ នីមួយៗបែរមុខដាក់គ្នា។ ចំណែកជញ្ជាំងខាងក្រោយមានតួនាទីសម្រាប់ជាកំផែង និងមានទីធ្លានៅចំកណ្ដាល ។
ក្នុងឆ្នាំ២០០៨អង្គការ«យូណេស្កូ» បានប្រកាសបន្ថែមផ្ទះ«Tulou» ចំនួន៤៦កន្លែងដាក់នៅក្នុងបញ្ជីបេតិកភណ្ឌពិភពលោក និងបានរៀបរាប់ពីសំណង់នេះថាជា «អាណាចក្រ តូចៗសម្រាប់ក្រុមគ្រួសារ» ឬ«ក្រុងដ៏តូចមួយមានមនុស្សរស់នៅយ៉ាងណែនណាន់តាន់តាប់» ៕
ចែករំលែកព័តមាននេះ