អភិបាលខេត្តកំពតទទួលស្គាល់…ភ្នំខេត្តកំពតគេយកអស់ហើយខ្លះមានច្បាប់…ខ្លះលួចត្រង់ៗ(មានវីដេអូ)
- កំពត
ខេត្តកំពត ៖ ឯកឧត្តមជាវ តាយ អភិបាលខេត្តបានមានប្រសាសន៍នាពេលកន្លងមកថ្មីៗនេះថា ភ្នំតូចធំជាច្រើន ដែលស្ថិតនៅក្នុងទឹកដីខេត្តកំពតត្រូវបានឯកជនកាន់កាប់ស្ទើរតែទាំងស្រុងអស់ទៅហើយមានភ្នំខ្លះក៏មានអាជ្ញាប័ណ្ណធ្វើអាជីវកម្មស្របច្បាប់ត្រឹមត្រូវលក្ខណៈតាមប្រព័ន្ធរដ្ឋបាល ។ ចំណែកភ្នំមួយចំនួនទៀតត្រូវបានបុគ្គលមានលុយអំណាចឃុបឃិតគ្នាជាប្រព័ន្ធកាន់កាប់ឯកជន ។…
ចំណែកភ្នំមួយចំនួនទៀតត្រូវបានបុគ្គលមានលុយអំណាចឃុបឃិតគ្នាជាប្រព័ន្ធកាន់កាប់ឯកជន ។ មានភ្នំមួយចំនួនទៀតត្រូវបានបុគ្គលខិលខូចយកគ្រឿងចក្រឈួសឆាយយកអាចម៍ដីធ្វើអាជីវកម្មដោយគ្មានច្បាប់នោះទេ ។ សកម្មភាពខាងលើត្រូវបានគេដឹងថា បន្ទាប់ពីឈូសឆាយហើយបុគ្គលទាំងនោះបានវាតទីយកដីភ្នំខាងលើធ្វើកម្មសិទ្ធិយ៉ាងអនាធិបតេយ្យទៀតផង ។
ដោយឡែកថ្មីៗនេះប្រជាពលរដ្ឋអ្នកភូមិល្អាង និងភូមិដំណាក់អំពិល ស្ថិតក្នុងឃុំល្អាង ស្រុកដងទង់ ខេត្តកំពត បានធ្វើការរិះគន់ចំពោះអាជ្ញាធរស្រុកដងទង់ និងមន្ត្រីជំនាញខណ្ឌរដ្ឋបាលព្រៃឈើដែលមានតួនាទីគ្រប់គ្រងគម្របព្រៃឈើរបស់រដ្ឋបានបណ្តែតបណ្តោយឲ្យបុគ្គលឈ្មោះ សះ វណ្ណា កាប់ឈើទន្ទ្រានដីភ្នំដោយខុសច្បាប់ និងប្រើប្រាស់គ្រឿងចក្រឈូសឆាយយកអាចម៍ដីលក់ដូរយ៉ាងអនាធិបតេយ្យនៅដីចង្កះភ្នំដង្កូវត្រង់ចំណុចភូមិដំណាក់អំពិល និងភូមិល្អាង ដែលស្ថិតក្នុងទឹកដីឃុំល្អាង ស្រុកដងទង់ ខេត្តកំពត ។
តាមប្រភពត៌មានពីប្រជាពលរដ្ឋរស់នៅក្នុងភូមិខាងលើបានឲ្យដឹងថា សកម្មភាពឈូសឆាយរុករានទន្ទ្រានដីភ្នំនាពេលកន្លងមក ក៏ដូចនាពេលនេះដែរ គេឃើញភ្នំមួយខ្សែឈ្មោះភ្នំដង្កូវ ស្ថិតក្នុងភូមិដំណាក់អំពិល និងភូមិល្អាង ក្នុងឃុំល្អាង ស្រុកដងទង់ ខេត្តកំពត ភ្នំមួយខ្សែនេះកំពុងរងការកាប់ទន្ទ្រានរុករាន និងយកគ្រឿងចក្រមកឈូសឆាយព្រមទាំងកាយអាចម៍ដីភ្នំដឹកលក់យ៉ាងអនាធិបតេយ្យ ។
ប្រភពបានឲ្យដឹងទៀតថា ការរុករានកាប់បំផ្លាញព្រៃឈើនៅក្បែរជើងភ្នំ ដើម្បីកាយយកអាចម៍ដីលក់ និងដើម្បីទន្ទ្រានកាន់កាប់ជាកម្មសិទ្ធរបស់បុគ្គលខាងលើ គេបានដាក់ការសង្ស័យទៅលើមន្ត្រីរដ្ឋបាលព្រៃឈើកំពត២រូប ដែលគេធ្លាប់ឃើញចុះទៅកន្លែងធ្វើសកម្មភាពខាងលើជាញឹកញាប់ផងដែរ មុននឹងក្រោយមានការឈូសឆាយដីនៅចំណុចខាងលើនេះ។
ព័ត៌មានពិស្តារនឹងមានផ្សាយជូននៅកាសែតកោះសន្តិភាព ។
ចែករំលែកព័តមាននេះ