ខេត្តកោះកុង ៖ ចាប់ពីថ្ងៃទី៩ ធ្នូ ឆ្នាំ២០១៨ អាជ្ញាធរខេត្តកោះកុងក៏ដូចជាអនុគណៈកម្មាការរៀបចំពិព័រណ៍អន្តរក្រសួងបានត្រៀមស្តង់ពិព័រណ៍សំរាប់លក់ផលិតផលនានាចំនួន៥០០ស្តង់ដើម្បីចូលរួមអបអរពិធីបុណ្យសមុទ្ររយៈពេល៣ថ្ងៃ ចាប់ពីថ្ងៃទី១៤ដល់១៦ ខែធ្នូ ២០១៨ ខាងមុខនេះ ។
លោក អ៊ុក សារិទ្ឋ ប្រធានមន្ទីរពាណិជ្ជកម្មខេត្ត និងជាសមាជិក អនុគណៈកម្មាការពិព័រណ៍នេះបានបញ្ជាក់ថា អនុគណៈកម្មាការអន្តរក្រសួងបានត្រៀមស្តង់ចំនួន៥០០ស្តង់ សំរាប់ជួល ក្នុងនោះមានស្តង់ភាគីថៃចំនួន២៥០ស្តង់ និងភាគីកម្ពុជាចំនួន២៥០ស្តង់ ក្នុងនោះក្រសួងទេសចរណ៍មាន១០០ស្តង់ ក្រសួងពាណិជ្ជកម្មចំនួន១០០ស្តង់និងអាជ្ញាធរខេត្តចំនួន៥០ស្តង់ ។
លោកប្រធានមន្ទីរបញ្ជាក់ទៀតថា ស្តង់ភាគីថៃមានលក់ទំនិញចម្រុះជាផលិតផលថៃ ស្តង់ក្រសួងពាណិជ្ជកម្មមានលក់ផលិតផលខ្មែរចម្រុះ២៥ខេត្ត-ក្រុង ស្តង់ក្រសួងទេសចរណ៍មានបង្ហាញអំពីសក្តានុពលទេសចរណ៍នៅទូទាំងប្រទេស ៕
ចែករំលែកព័តមាននេះ