រាជធានីភ្នំពេញ ៖ សហព័ន្ធសហជីពសមាគមតំណាងឲ្យសមាជិកជាង១០ម៉ឺននាក់ គ្រប់ដណ្តប់១៦រាជធានីខេត្តបានស្នើសុំប្រមុខរាជរដ្ឋាភិបាលដោះស្រាយបញ្ហាសំខាន់ៗចំនួន១៩ ចំណុច នៅថ្ងៃទី១០ ធ្នូ ទិវាសិទ្ធិសមនុស្សអន្តរជាតិលើកទី៧០ ។ យោងតាមសំណើររបស់តំណាងសហភាពសហព័ន្ធសហជីពសមាគមចេញផ្សាយនៅថ្ងៃទី១០…
រាជធានីភ្នំពេញ ៖ សហព័ន្ធសហជីពសមាគមតំណាងឲ្យសមាជិកជាង១០ម៉ឺននាក់ គ្រប់ដណ្តប់១៦រាជធានីខេត្តបានស្នើសុំប្រមុខរាជរដ្ឋាភិបាលដោះស្រាយបញ្ហាសំខាន់ៗចំនួន១៩ ចំណុច នៅថ្ងៃទី១០ ធ្នូ ទិវាសិទ្ធិសមនុស្សអន្តរជាតិលើកទី៧០ ។
យោងតាមសំណើររបស់តំណាងសហភាពសហព័ន្ធសហជីពសមាគមចេញផ្សាយនៅថ្ងៃទី១០ ធ្នូ បានលើកឡើងថា ក្នុងឱកាសទិវាសិទ្ធិអន្តរជាតិខូបលើកទី៧០ (១៩៤៨-២០១៨) យើងខ្ញុំបានឯកភាពគ្នាដាក់សំណើរជូនរាជរដ្ឋាភិបាល ដើម្បីឲ្យឲ្យជួយដោះស្រាយដែលមានចំនួន និងខ្លឹមសារដូចជា១- ស្នើរាជរដ្ឋាភិបាលកំណត់ប្រាក់ឈ្នួលអប្បបរមា២០៧ដុល្លារ ក្នុងមួយខែ ជូនកម្មករនិយោជិតក្នុងវិស័យកាត់ដែរស្បែកជើង ព្រមទាំងកំណត់ប្រាក់ឈ្នួលអប្បរមាឆាប់ជូនដល់កម្មករនិយោជិតវិស័យសំណង់ទេចរណ៍សេវាកម្មដឹកជញ្ជូន និងវិស័យមួយចំនួនទៀតដែលកំពុងប្រឈម ។ ២- ស្នើរាជរដ្ឋាភិបាលពង្រឹង និងពង្រីកសេវាកម្មរបបសន្តិសុខសង្គម ជូនដល់កម្មករប្រកបដោយប្រសិទ្ធភាពខ្ពស់ និងអនុវត្តគោលនយោបាយជាតិសន្តិសុខសង្គមឲ្យមានប្រសិទ្ធិភាព និងតម្លាភាព រួមទាំងបញ្ចូលភាគីកម្មករនិយោជិតឲ្យមានតួនាទីជាសមាជិកក្រុមប្រឹក្សាជាតិសន្តិសុខសង្គមផងដែរ ។ ៣- ស្នើរាជរដ្ឋាភិបាលធានានូវសេរីភាពសហជីពឲ្យស្របតាមអនុសញ្ញាអង្គការអន្តរជាតិខាងការងារ (ILO) និងរដ្ឋធម្មនុញ្ញនៃព្រះរាជាណាចក្រកម្ពុជា ។
៤-ស្នើរាជរដ្ឋាភិបាលធ្វើវិសោធនកម្មមាត្រាមួយចំនួននៃច្បាប់ស្តីពីសហជីពដូចជា មាត្រា១០.១២.១៣.១៤.១៧. ២០. ២៤.២៩ .៥៤.៥៦ .៥៩ និងទោសពិន័យដែលធ្វើឲ្យប៉ះពាល់ដល់សិទ្ធិកម្មករក្នុងការរៀបចំ និងចូលរួម និងធ្វើតំណាងឲ្យសហជីព ។ ៥- ស្នើរាជរដ្ឋាភិបាលអនុវត្តអនុសាសន៍របស់អង្គការអន្តរជាតិខាងការងារ (ILO) ដែលបានផ្តល់ជូនមករាជរដ្ឋាភិបាលកម្ពុជានៅក្នុងសន្និសីទអន្តរជាតិការងារ កាលពីថ្ងៃទី១៦ ខែមិថុនា ឆ្នាំ២០១៧ នៅទីក្រុងហ្ស៊ីណែវ ប្រទេសស្វីស ដោយធ្វើផែនទីបង្ហាញផ្លូវដោយកំណត់សកម្មភាពពេលវេលាឲ្យប្រាកដជាក់លាក់ ។ ៦- ស្នើរាជរដ្ឋាភិបាលអនុវត្តអនុសាសន៍ដែលមានចែងក្នុងរបាយការណ៍បេសកម្មទំនាក់ទំនងផ្ទាល់របស់អង្គការអន្តរជាតិខាងការងារដែលបានចុះមកបំពេញបេសកម្មនៅកម្ពុជា កាលពីថ្ងៃទី២៧ – ៣១ ខែមីនា ឆ្នាំ២០១៧ ។ ៧- ស្នើរាជរដ្ឋាភិបាលចេញប្រកាសស្តីពីសុខភាព និងសុវត្ថិភាពនៅកន្លែងការងារ ដើម្បីការពារកម្មករនិយោជិតងាយរងគ្រោះនៅក្នុងវិស័យសំណង់សិប្បកម្មដែកឡឥដ្ឋ ឧហ្សាហកម្ម ដឹកជញ្ជូន និងសេវាកម្មជាដើម ។ ៨- ស្នើរាជរដ្ឋាភិបាលធានាកុំឲ្យមានការបំភិតបំភ័យគំរាមកំហែងអំពើហិង្សាការធ្វើទុក្ខបុម្នេញ និងជួយអន្តរាគមន៍ទម្លាក់ចោទប្រកាន់ និងបណ្តឹងទាំងឡាយទៅលើថ្នាក់ដឹកនាំសហជីព ។
៩- ស្នើរាជរដ្ឋាភិបាលបញ្ឈប់និយោជកកុំឲ្យប្រើប្រាស់កិច្ចសន្យាកាងារខ្លីៗខុសច្បាប់ និងកិច្ចសន្យាម៉ៅការបន្ត ។ ១០- ស្នើរាជរដ្ឋាភិបាលរៀបចំទីកន្លែងឲ្យបានសមរម្យសម្រាប់បងប្អូនកម្មករផ្នែកសេដ្ឋកិច្ចក្រៅប្រព័ន្ធបានប្រកបមុខរបរប្រកបដោយសុវត្ថិភាពផាសុខភាព និងឧបត្ថម្ភដើមទុនសម្រាប់ពួកគាត់ប្រកបមុខបរ ។ ១១- ស្នើរាជរដ្ឋាភិបាលផ្តល់សច្ចាប័នលើអនុសញ្ញាលេខ១៨៣ ស្តីពីសិទ្ធិកម្មករជាស្ត្រីពេលលំហែមាតុភាព និងអនុសញ្ញាលេខ១៨៩ស្តីពី ការការពារសិទ្ធិកម្មករធ្វើការតាមផ្ទះ ។ ១២- ស្នើរាជរដ្ឋាភិបាលបង្កើតតុលាការការងារមួយដែលឯករាជ្យអព្យាក្រិត្យ និងយុត្តិធម៌ ដើម្បីដោះស្រាយវិវាទការងារជូនកម្មករនិយោជិតឲ្យបានឆាប់រហ័ស និងគ្មានការចំណាយថវិការ ហើយត្រូវមានតំណាងកម្មករនិយោជិត នៅក្នុងតុលាកានេះផងដែរ ។ ១៣- ស្នើរាជរដ្ឋាភិបាលផ្តល់ទុនដីបណ្តុះបណ្តាលជំនាញបច្ចេកទេសប្រព័ន្ធធារាសាស្ត្រ និងរកទីផ្សារស្រាប់កសិផលកសិកម្មឲ្យបានច្រើនសម្រាប់កសិករ ហើយជាពិសេសកសិកក្រីក្រ ។ ១៤- ស្នើរាជរដ្ឋាភិបាលរៀបចំយន្តការ ការពារកម្មករចំណាកស្រុកទាំងនៅក្នុង និងក្រៅប្រទេសឲ្យមានប្រសិទ្ធភាព និងធានាការពារសុវត្ថិភាពសម្រាប់កម្មករចំណាក់ស្រុកឲ្យជ្រៀសផុតពីការជូញដូរ ការកេងប្រវ័ញផ្លូវភេទ និងការរំលោភបំពានសិទ្ធិសេរីភាពជាដើម ។
១៥- ស្នើរាជរដ្ឋាភិបាលចាត់វិធានការឲ្យបានតឹងរឹងចំពោះក្រុមហ៊ុន និងមន្ត្រីខិលខូចឃុបឃិតគ្នាធ្វើអំពើទុច្ចរិតដោយបិទរោងចក្រ ហើយមិនបានផ្តល់សំណង និងអត្ថប្រយោជនផ្សេងៗឲ្យកម្មករត្រឹមត្រូវតាមច្បាប់ ។ ១៦-ស្នើរាជរដ្ឋាភិបាលពង្រីក និងពង្រឹងការបណ្តុះបណ្តាលជំនាញវិជ្ជាជីវៈមុខរបរ និងការងារប្រកបដោយគុណភាព និងប្រសិទ្ធិភាពសម្រាប់យុវជន ជាពិសេសស្ត្រីវ័យក្មេង ដើម្បីកាត់បន្ថយការធ្វើចំណាកស្រុកដោយគ្រោះថ្នាក់ ។ ១៧-ស្នើរាជរដ្ឋាភិបាលមានវិធានការតឹងរឹងដល់ក្រុមហ៊ុនឲ្យរៀបចំបរិស្ថាន សន្តិសុខ និងសុវត្ថិភាពទីកន្លែងការងារ ដើម្បីផ្តល់សេចក្តីសុខ និងផាសុខភាពដល់កម្មករនិយោជិត និងបញ្ឈប់ការបញ្ចេញការកាកសំណល់ពុលរឹង រាវ និងផ្សែងពុលដែលនាំឲ្យប៉ះពាល់ដល់សុខ ភាពមនុស្ស និងបរិស្ថាន ។
១៨-ស្នើរាជរដ្ឋាភិបាលជួយអន្តរាគមន៍ឲ្យកម្មករនិយោជិត និងសហជីពនៅក្រុមហ៊ុនជូ ហ៊ូយ ជេអេសឌី ការពីតូល ព្រមលានយន្ត ស្នាមញញឹម អង្គរ ហ្វូមី បានចូលធ្វើការវិញ និងផ្តល់ប្រាក់រំលឹកជូនពូកគាត់ស្របតាមច្បាប់ ។ ១៩- ស្នើរាជរដ្ឋាភិបាលជំរុញឲ្យនិយោជកដកពាក្យបណ្តឹងដែលបានប្តឹងប្រឆាំងដឹកនាំសហជីព និងកម្មករនិយោជិតទាំងអស់ដែលពួកគេតវ៉ាកន្លងមក និងបញ្ឈប់ការប្រើប្រាស់ប្រព័ន្ធតុលាការ ដើម្បីប្រឆាំងសេរីភាពសហជីព និងសមាគម ៕
ចែករំលែកព័តមាននេះ